വി.എം സുധീരന്‍ കെ.പി.സി.സി പ്രസിഡന്‍റ്; സതീശന്‍ വൈസ് പ്രസിഡന്‍റ് Madhyamam News Feeds |  |
- വി.എം സുധീരന്‍ കെ.പി.സി.സി പ്രസിഡന്‍റ്; സതീശന്‍ വൈസ് പ്രസിഡന്‍റ്
- വാഴൂരില്‍ സ്റ്റാന്‍ഡിങ് കമ്മിറ്റി ചെയര്‍മാനെ ചൊല്ലി തര്‍ക്കം
- കൊച്ചിയില്‍ സെലിബ്രിറ്റി ആവേശം
- ‘ഗോള്‍ഡന്‍ മെഡി ഫെസ്റ്റ്’ സമാപിച്ചു
- തൃശൂര്‍–ഗോവിന്ദാപുരം പാതയില്‍ വാഹനാപകടം പതിവ്
- ജനസാഗരം സാക്ഷി, മുജാഹിദ് സമ്മേളനത്തിന് ഉജ്ജ്വല സമാപനം
- സിറിയയില്‍ നൂറുകണക്കിന് പേരെ കുടിയൊഴിപ്പിച്ചു
- ഇരുട്ടടിയായി പൊടിക്കുമിള്‍ രോഗം
- ബിന്ദുകൃഷ്ണക്കെതിരെ കേസ്; കോണ്‍ഗ്രസില്‍ അമര്‍ഷം
- കടല്‍ക്കൊല: പ്രതികളായ നാവികരെ ആദരിക്കാനാവില്ലെന്ന് എ.ജി, അന്തിമവാദം അടുത്തയാഴ്ച
| വി.എം സുധീരന്‍ കെ.പി.സി.സി പ്രസിഡന്‍റ്; സതീശന്‍ വൈസ് പ്രസിഡന്‍റ് Posted: 09 Feb 2014 11:16 PM PST Image:  ന്യൂഡല്‍ഹി: കെ.പി.സി.സി പ്രസിഡന്‍റായി വി.എം സുധീരനെയും വൈസ് പ്രസിഡന്‍റായി വി.ഡി സതീശന്‍ എം.എല്‍.എയും എ.ഐ.സി.സി നേതൃത്വം തെരഞ്ഞെടുത്തു. കെ.പി.സി.സി പ്രസിഡന്‍റായിരുന്ന രമേശ് ചെന്നിത്തല ആഭ്യന്തര മന്ത്രിയായ സാഹചര്യത്തില്‍ ആണ് പാര്‍ട്ടിയെ നയിക്കാന്‍ പുതിയ സാരഥിയെ തെരഞ്ഞെടുത്തത്. ജി.കാര്‍ത്തികേയനും സുധീരനും ആയിരുന്നു സാധ്യതാപട്ടികയില്‍ ഒരുപോലെ ഇടംപിടിച്ചവര്‍. എന്നാല്‍, കോണ്‍ഗ്രസ് ദേശീയ വൈസ് പ്രസിഡന്‍റ് രാഹുല്‍ ഗാന്ധിയുടെയും പ്രതിരോധ മന്ത്രി .എ.കെ ആന്‍റണിയുടെയും പ്രത്യേക താല്‍പര്യമാണ് സുധീരനെ ഈ സ്ഥാനത്തേക്ക് എത്തിച്ചത്. കോണ്‍ഗ്രസിനകത്ത് താരതമ്യേന ക്ളീന്‍ ഇമേജ് ഉള്ള സുധീരന്‍റെ പേര് നേരത്തെ നിരവധി തവണ ഈ സ്ഥാനത്തേക്ക് പരിഗണിച്ചിരുന്നുവെങ്കിലും ഗ്രൂപ്പുകളുടെ എതിര്‍പ്പിനെ തുടര്‍ന്ന് ഒഴിവാക്കുകയായിരുന്നു. അഴിമതിക്കറ പുരളാത്ത, നിലപാടുകളില്‍ ഊന്നിയ സജീവ രാഷ്ട്രീയക്കാരന്‍ എന്ന നിലയില്‍ അറിയപ്പെടുന്ന സുധീരന്‍ ആലപ്പുഴ മണ്ഡലത്തെ പ്രതിനിധീകരിച്ച് ഒരു തവണ പാര്‍ലമെന്‍റിലും 1980 മുതല്‍ 1996 വരെ നാലു തവണ കേരള നിയമ സഭയിലും എത്തി. സംസ്ഥാന നിയമസഭാ സ്പീക്കര്‍, ആരോഗ്യ മന്ത്രി എന്നീ പദവികള്‍ അലങ്കരിച്ചിട്ടുണ്ട്. കെ.എസ്.യുവിലൂടെ രാഷ്ട്രീയ കളരിയില്‍ കാലെടുത്തുവെച്ച സുധീരന്‍ 1971മുതല്‍ 1973 വരെയുള്ള കാലയളവില്‍ കെ.എസ്.യു വിന്‍റെ പ്രസിഡന്‍റ് ആയിരുന്നു. 1975ല്‍ സംസ്ഥാന യൂത്ത് കോണ്‍ഗ്രസിന്‍റെ പ്രസിഡന്‍റായി തെരഞ്ഞെടുക്കപ്പെട്ടു. 77 വരെ ഈ സ്ഥാനത്ത് തുടര്‍ന്നു. ആലപ്പുഴയില്‍ നിന്നും ആറാമത് ലോക്സഭയിലേക്ക് 1977ല്‍ തെരഞ്ഞെടുക്കപ്പെട്ടു. 80തില്‍ കേരള നിയമ സഭയില്‍ സാമാജികന്‍ ആയി എത്തി. 1966വരെ അദ്ദേഹം സഭയില്‍ സജീവ സാന്നിധ്യമായി. 1985-87കാലയളവില്‍ കേരള നിയമസഭാ സ്പീക്കര്‍ ആയി. 95ല്‍ എ.കെ ആന്‍റണി മന്ത്രിസഭയില്‍ ആരോഗ്യമന്ത്രിയായും ഇരുന്നു. പാര്‍ട്ടിയിലെ ഹരിതവാദി എം.എല്‍.എ ആയി അറിയപ്പെടുന്ന വി.ഡി സതീശന്‍ എറണാകുളം ജില്ലയിലെ പറവുര്‍ മണ്ഡലത്തെ പ്രതിനിധീകരിച്ചാണ് കേരള നിയമ സഭയില്‍ എത്തിയത്. തമിഴ്നാടിന്‍റെ ചുമതലയുള്ള എ.ഐ.സി.സി സെക്രട്ടറി പദവി അലങ്കരിച്ചിട്ടുണ്ട്. സ്കൂള്‍ തലം മുതല്‍ വി.ഡി സതീശന്‍ രാഷ്ട്രീയ പ്രവര്‍ത്തനങ്ങള്‍ക്ക് തുടക്കമിട്ടു. മഹാത്മ ഗാന്ധി സര്‍വകലാശാലയുടെ വിദ്യാര്‍ഥി യൂണിയന്‍റെ ചെയര്‍മാനായിരുന്നു. കെ.എസ്.യുവിലും സജീവമായി. നാഷണല്‍ സ്റ്റുഡന്‍സ് യൂണിയന്‍റെ സെക്രട്ടറിയായി. കെ.പി.സി.സിയിലും എ.ഐ.സി.സിയിലും അംഗമായിരുന്നു. വിഷയങ്ങള്‍ പഠിച്ച് അവതരിപ്പിക്കുന്നതില്‍ സഭക്കകത്തും പുറത്തും ശ്രദ്ധേയനായിരുന്നു സതീശന്‍. പരിസ്ഥിതി വിഷയങ്ങളില്‍ പാര്‍ട്ടി തീരുമാനങ്ങളെ എതിര്‍ത്ത് നിരവധി തവണ പരസ്യമായി രംഗത്തുവന്നിരുന്നു അദ്ദേഹം.  |
| വാഴൂരില്‍ സ്റ്റാന്‍ഡിങ് കമ്മിറ്റി ചെയര്‍മാനെ ചൊല്ലി തര്‍ക്കം Posted: 09 Feb 2014 11:15 PM PST വാഴൂര്‍: വാഴൂര്‍ ബ്ളോക് പഞ്ചായത്തില്‍ മുന്നണി ധാരണയനുസരിച്ച് പ്രസിഡന്‍റ്, വൈസ് പ്രസിഡന്‍റ് സ്ഥാനങ്ങള്‍ പരസ്പരം വെച്ചുമാറിയെങ്കിലും സ്റ്റാന്‍ഡിങ് കമ്മിറ്റി ചെയര്‍മാന്മാരുടെ സ്ഥാനങ്ങള്‍ മാറാത്തതിനെച്ചൊല്ലി കോണ്‍ഗ്രസ് -കേരള കോണ്‍ഗ്രസ് എം തര്‍ക്കം രൂക്ഷമാകുന്നു. മുന്നണി ധാരണയനുസരിച്ച് ആദ്യ രണ്ടരവര്‍ഷം പ്രസിഡന്‍റ് സ്ഥാപനം കേരള കോണ്‍ഗ്രസ് എമ്മിനും വൈസ് പ്രസിഡന്‍റ് സ്ഥാനം കോണ്‍ഗ്രസിനുമായിരുന്നു. ധാരണയനുസരിച്ച് ഇവര്‍ രാജിവെക്കുകയും തുടര്‍ന്ന് പ്രസിഡന്‍റായി കോണ്‍ഗ്രസിലെ എസ്. ശൈലജകുമാരിയും വൈസ് പ്രസിഡന്‍റായി കേരള കോണ്‍ഗ്രസ് എമ്മിലെ ഷാജി പാമ്പൂരിയും സ്ഥാനമേറ്റു. എന്നാല്‍, ക്ഷേമകാര്യ സ്റ്റാന്‍ഡിങ് കമ്മിറ്റിയില്‍ ഒറ്റക്കുള്ള മത്സരവും വികസനകാര്യ സ്റ്റാന്‍ഡിങ് കമ്മിറ്റി ചെയര്‍പേഴ്സണ്‍ രാജിവെക്കാതിരുന്നതുമാണ് ഇപ്പോഴത്തെ പ്രശ്നങ്ങള്‍ക്ക് കാരണം.  |
| കൊച്ചിയില്‍ സെലിബ്രിറ്റി ആവേശം Posted: 09 Feb 2014 11:05 PM PST കൊച്ചി: വായകൂട്ടാതെ ആര്‍ത്തിരമ്പിയ കാണികളും നിര്‍ത്താതെ അലമുറയിട്ട വാദ്യഘോഷങ്ങളും ചേര്‍ന്നതോടെ നിശ്ശബ്ദത എന്തെന്ന് സ്റ്റേഡിയം അറിഞ്ഞില്ല. മള്‍ട്ടി സ്റ്റാര്‍ സിനിമയുടെ റിലീസ് ദിന തിയറ്റര്‍ പൊലെ പുരുഷാരത്തെ സാക്ഷിയാക്കി കൊച്ചിയില്‍ സെലിബ്രിറ്റി ലീഗ് ക്രിക്കറ്റ് മത്സരം അരങ്ങേറി. ഞായറാഴ്ച വൈകുന്നേരം മൂന്നുമണിയോടെ വീര്‍ മറാത്തിയും കര്‍ണാടക ബുള്‍ഡോസേഴ്സ്ും തമ്മിലെ മത്സരം ആരംഭിച്ചപ്പോഴേക്കും കലൂര്‍ സ്റ്റേഡിയം പരിസരം നിറഞ്ഞിരുന്നു. മത്സരം പാതി പിന്നിട്ടതോടെ സ്റ്റേഡിയത്തിന്‍െറ പകുതിയോളം കാണികള്‍ കവര്‍ന്നു. നിലക്കാത്ത ആരവത്താല്‍ ഗാലറി തിമിര്‍ക്കുന്നതിനിടെ 5.45ഓടെ കേരള സ്ട്രൈക്കേഴ്സ് ടീം സ്റ്റേഡിയത്തിലെത്തി. ഗാലറികളെ അഭിവാദ്യം ചെയ്ത് ടീം കളികണ്ടു. തൊട്ടുപിന്നാലെ ബ്രാന്‍ഡ് അംബാസഡര്‍ ഭാവന എത്തിയതോടെ വീണ്ടും ആരവം. ഇതിനിടെ, കോടിയേരി ബാലകൃഷ്ണനും സ്റ്റേഡിയത്തിലെത്തി.  |
| ‘ഗോള്‍ഡന്‍ മെഡി ഫെസ്റ്റ്’ സമാപിച്ചു Posted: 09 Feb 2014 10:50 PM PST ആലപ്പുഴ: ടി.ഡി മെഡിക്കല്‍ കോളജ് സുവര്‍ണ ജൂബിലിയോടനുബന്ധിച്ച് ഇ.എം.എസ് സ്റ്റേഡിയത്തില്‍ നടന്ന സൂപ്പര്‍ സ്പെഷാലിറ്റി മെഗ മെഡിക്കല്‍ ക്യാമ്പ് ‘ഗോള്‍ഡന്‍ മെഡിഫെസ്റ്റ്’ സമാപിച്ചു. രണ്ടുദിവസമായി നടന്ന മെഡി ഫെസ്റ്റില്‍ 51,732 പേര് ചികിത്സതേടി.  |
| തൃശൂര്‍–ഗോവിന്ദാപുരം പാതയില്‍ വാഹനാപകടം പതിവ് Posted: 09 Feb 2014 10:47 PM PST Subtitle: നിയന്ത്രിക്കാന്‍ സംവിധാനമില്ല നെന്മാറ: ഗോവന്ദാപുരം പാതയില്‍ എന്‍.എസ്.എസ് കോളജ് മുതല്‍ വിത്തനശ്ശേരി വരെയുള്ള ഭാഗത്ത് ആവര്‍ത്തിക്കുന്ന വാഹനാപകടങ്ങള്‍ തടയാന്‍ നടപടി ഉണ്ടാവുന്നില്ലെന്ന് പരാതി.  |
| ജനസാഗരം സാക്ഷി, മുജാഹിദ് സമ്മേളനത്തിന് ഉജ്ജ്വല സമാപനം Posted: 09 Feb 2014 10:28 PM PST എടരിക്കോട്: നവോത്ഥാനമുന്നേറ്റത്തിന് പുതിയ കരുത്തും ഊര്‍ജവും പകര്‍ന്ന് എട്ടാമത് മുജാഹിദ് സംസ്ഥാനസമ്മേളനത്തിന് ഉജ്ജ്വല സമാപനം. മതം, മാനവികത, നവോത്ഥാനം എന്ന പ്രമേയത്തില്‍ നാല് ദിവസമായി എടരിക്കോട് നവോത്ഥാന നഗറില്‍ നടന്ന സമ്മേളനത്തിന്‍െറ അവസാനദിവസം ഒഴുകിയെത്തിയത് ജനലക്ഷങ്ങള്‍. കാലത്തിന്‍െറ മാറ്റത്തിനനുസരിച്ച് ജീവിത രീതികളിലുണ്ടായ പുതിയ മാറ്റങ്ങളുടെ ഗതിവിഗതികള്‍ ചര്‍ച്ചചെയ്താണ് ആറ് വര്‍ഷത്തിന് ശേഷം നടന്ന എട്ടാമത് മുജാഹിദ് സംസ്ഥാനസമ്മേളനം സമാപിച്ചത്. ആറ് വേദികളില്‍ 41 സെഷനുകളിലായി നടന്ന സമ്മേളനത്തില്‍ അഞ്ച് ലക്ഷത്തോളം പേരാണ് എടരിക്കോട് നവോത്ഥാന നഗറിലെത്തിയത്. സ്ഥിരം പ്രതിനിധികളായി വനിതകളടക്കം ഒരു ലക്ഷത്തോളം ആളുകളുമുണ്ടായിരുന്നു. സമ്മേളനം നിയന്ത്രിക്കാനായി 1000 വനിതകളുള്‍പ്പെടെ 3500 വളണ്ടിയര്‍മാരും രംഗത്തുണ്ടായിരുന്നു. പ്രധാനവേദിയില്‍ നടന്ന സമാപന സമ്മേളനം മുഖ്യമന്ത്രി ഉമ്മന്‍ചാണ്ടി ഉദ്ഘാടനം ചെയ്തു. ഡോ. ഇ.കെ. അഹമ്മദ് കുട്ടി അധ്യക്ഷത വഹിച്ചു. ആഭ്യന്തരമന്ത്രി രമേശ് ചെന്നിത്തല, വ്യവസായ മന്ത്രി പി.കെ. കുഞ്ഞാലിക്കുട്ടി, എം.കെ. രാഘവന്‍ എം.പി, അബ്ദു റഹ്മാന്‍ രണ്ടത്താണി എം.എല്‍.എ,മുസ്ലീം ലീഗ് സംസ്ഥാനജനറല്‍ സെക്രട്ടറി കെ.പി.എ മജീദ്, ഡി.സി.സി പ്രസിഡന്‍റ് ഇ. മുഹമ്മദ് കുഞ്ഞി, ആദം മുല്‍സിഅശൈഖ് മന്‍സൂര്‍ അല്‍ ഗുസ്ന്‍(സൗദി അറേബ്യ), അശൈഖ് ഹമ്മാദ് അല്‍ ഉമര്‍, ഉബൈദുല്ല താനാളൂര്‍, സി.പി. ഉമര്‍ സുല്ലമി, ഇസ്മായില്‍ കരിയാട്, ജലീല്‍ മാമങ്കര, എന്‍.എം. അബ്ദുല്‍ ജലീല്‍, അബ്ദുല്ലത്തീഫ് കരുമ്പുലാക്കല്‍, എം. സ്വലാഹുദ്ദീന്‍ മദനി എന്നിവര്‍ സംസാരിച്ചു. ഡോ. ഹുസൈന്‍ മടവൂര്‍ സ്വാഗതവും സി. മമ്മു കോട്ടക്കല്‍ നന്ദിയും പറഞ്ഞു. സമ്മേളനത്തിന്‍െറ അവസാനദിവസം വിവിധ സെഷനുകളിലായി മന്ത്രിമാരായ മഞ്ഞളാംകുഴി അലി, പി.കെ. അബ്ദുറബ്ബ്, എം.എല്‍.എമാരായ പി.കെ. ബഷീര്‍, അബ്ദുറഹ്മാന്‍ രണ്ടത്താണി, ജസ്റ്റിസ് പി.കെ. ഷംസുദ്ദീന്‍, കുട്ടി അഹമ്മദ് കുട്ടി എന്നിവര്‍ സംബന്ധിച്ചു.  |
| സിറിയയില്‍ നൂറുകണക്കിന് പേരെ കുടിയൊഴിപ്പിച്ചു Posted: 09 Feb 2014 10:11 PM PST Image:  ഡമസ്കസ്:പ്രതിസന്ധി രൂക്ഷമായ സിറിയയില്‍ സ്ത്രീകളും കുട്ടികളും വൃദ്ധരും അടക്കം നൂറുകണക്കിന് പേരെ വീടുകളില്‍ നിന്ന് കുടിയൊഴിപ്പിച്ചു. ബശ്ശാര്‍ അല്‍ അസദിന്‍റെ സൈന്യവും വിമത സംഘവും തമ്മില്‍ നടത്തുന്ന ആക്രമണങ്ങള്‍ക്കിടെ ഭക്ഷണ വിതരണം അടക്കം മാനുഷിക സഹായങ്ങള്‍ എത്തിക്കുന്നതിന് ശ്രമിക്കുകയാണ് തങ്ങള്‍ എന്ന് സന്നദ്ധസംഘടനകള്‍ അറിയിച്ചു. വെടിവെപ്പും മോര്‍ട്ടാര്‍ അക്രമണവും അതിജീവിച്ചാണ് ഇവര്‍ സഹായം എത്തിക്കുന്നത്. മുവായിരത്തോളം പേര് വിവിധയിടങ്ങളില്‍ കുടങ്ങിയിരിക്കുകയാണ്. അറുനൂറോളം പേരെ ഇതിനകം കുടിയൊഴിപ്പിച്ചു. ഇരുവിഭാഗങ്ങളെയും സമവായത്തില്‍ എത്തിക്കാനുള്ള സമാധാന ചര്‍ച്ച സ്വിറ്റ്സര്‍ലാന്‍റിലെ ജനീവയില്‍ നടന്നുവരുന്നുണ്ട്.
 |
| ഇരുട്ടടിയായി പൊടിക്കുമിള്‍ രോഗം Posted: 09 Feb 2014 10:08 PM PST Subtitle: റബര്‍ കര്‍ഷകരുടെ പ്രതീക്ഷകള്‍ കരിയുന്നു കേളകം: റബര്‍ കര്‍ഷകരുടെ പ്രതീക്ഷകള്‍ക്ക് വീണ്ടും തിരിച്ചടി. വിലത്തകര്‍ച്ചക്കു പുറമെ മരങ്ങള്‍ക്ക് പൊടിക്കുമിള്‍ രോഗവും. കൃഷിയെ പ്രതികൂലമായി ബാധിക്കുന്ന പൊടിക്കുമിള്‍ കീടബാധ പടരുന്നത് കര്‍ഷകര്‍ക്ക് ഇരുട്ടടിയായിരിക്കയാണ്.  |
| ബിന്ദുകൃഷ്ണക്കെതിരെ കേസ്; കോണ്‍ഗ്രസില്‍ അമര്‍ഷം Posted: 09 Feb 2014 09:59 PM PST Subtitle: ജാമ്യമില്ലാ വകുപ്പ് പ്രകാരമാണ് കേസ് മാനന്തവാടി: മഹിളാ കോണ്‍ഗ്രസ് സംസ്ഥാന പ്രസിഡന്‍റ് അഡ്വ. ബിന്ദുകൃഷ്ണക്കെതിരെ പൊലീസ് കൈക്കൊണ്ട നിലപാടില്‍ മാനന്തവാടി ഭാഗത്ത് കോണ്‍ഗ്രസിനുള്ളില്‍ അമര്‍ഷം. ഫെബ്രുവരി അഞ്ചിന് സ്ത്രീ മുന്നേറ്റ യാത്രയുമായി മാനന്തവാടിയിലെത്തിയ ബിന്ദുകൃഷ്ണ ടൗണിലെ ഗാന്ധി പാര്‍ക്കില്‍ സംസാരിച്ചുകൊണ്ടിരിക്കെ സമയം കഴിഞ്ഞെന്നു പറഞ്ഞ് എസ്.ഐ മൈക്ക് ഓഫാക്കി. ഇതിനെതിരെ രൂക്ഷമായ ഭാഷയില്‍ പ്രതികരിച്ച ബിന്ദുകൃഷ്ണക്കെതിരെ കേസെടുക്കേണ്ടതില്ലെന്നാണ് പൊലീസ് ആദ്യം നിലപാടെടുത്തത്. അന്ന് രാത്രിയോടെ നിലപാട് മാറ്റിയ പൊലീസ് ബിന്ദുകൃഷ്ണക്കെതിരെ ജാമ്യമില്ലാ വകുപ്പ് പ്രകാരം കേസെടുത്തു. അതേസമയം, മറ്റു നേതാക്കള്‍ക്കെതിരെയോ മൈക്ക് ഓപറേറ്റര്‍ക്കെതിരെയോ കേസില്ല. ആഭ്യന്തര വകുപ്പിലെ ഉന്നത ഉദ്യോഗസ്ഥന്‍െറ നിര്‍ദേശ പ്രകാരമാണത്രെ കേസെടുത്തത്. മഹിളാ കോണ്‍ഗ്രസിന്‍െറ സംസ്ഥാന പ്രസിഡന്‍റും ഐ ഗ്രൂപ്പുകാരിയുമായിട്ടും ബിന്ദുവിനെതിരെ മാത്രം പൊലീസ് കേസെടുത്തത് ഐ ഗ്രൂപ്പിലും ഭിന്നതക്ക് കാരണമായി. ജില്ലയില്‍ കോണ്‍ഗ്രസ് നേതൃത്വത്തിനെതിരെയും ഒരു വിഭാഗം വിമര്‍ശവുമായി രംഗത്തുണ്ട്. സംഭവം കോണ്‍ഗ്രസില്‍ ചൂടേറിയ ചര്‍ച്ചകള്‍ക്കിടയാക്കിയിട്ടുണ്ട്.  |
| കടല്‍ക്കൊല: പ്രതികളായ നാവികരെ ആദരിക്കാനാവില്ലെന്ന് എ.ജി, അന്തിമവാദം അടുത്തയാഴ്ച Posted: 09 Feb 2014 09:52 PM PST Image:  ന്യൂഡല്‍ഹി: കടല്‍ക്കൊല കേസില്‍ പ്രതികളായ ഇറ്റാലിയന്‍ നാവികര്‍ക്കെതിരെ സുവ നിയമം ചുമത്തുന്ന കാര്യത്തില്‍ അടുത്ത ചൊവ്വാഴ്ച സുപ്രീംകോടതി അന്തിമവാദം കേള്‍ക്കും. കൊലക്കേസില്‍ പ്രതികളായ ഇറ്റാലിയന്‍ നാവികരുടെ വിചാരണ ഒഴിവാക്കാനാവില്ളെന്ന് അറ്റോര്‍ണി ജനറല്‍ (എ.ജി) ഗുലാം ഇ വഹന്‍വതി കോടതിയെ അറിയിച്ചു. രണ്ട് മത്സ്യത്തൊഴിലാളികളെ കൊലപ്പെടുത്തിയവര്‍ക്ക് പത്മ പുരസ്കാരങ്ങള്‍ നല്‍കി ആദരിക്കാനാവില്ല. കുറ്റം ചെയ്തവര്‍ക്ക് ശിക്ഷ ലഭിക്കണം. കടല്‍ കൊള്ളക്കാര്‍ക്കെതിരായ നിയമമായതിനാല്‍ നാവികര്‍ക്കെതിരെ "സുവ" നിയമം ചുമത്താനാവില്ളെന്നും എ.ജി വ്യക്തമാക്കി. എ.ജിയുടെ വാദത്തെ ഇറ്റലിയുടെ അഭിഭാഷകന്‍ എതിര്‍ത്തു. കേസില്‍ നാവികര്‍ക്കെതിരെ വധശിക്ഷ ഒഴിവാക്കിയിട്ടുണ്ട്. എന്നാല്‍ "സുവ" നിയമത്തിലെ ചില വകുപ്പുകള്‍ ചുമത്തിയിട്ടുണ്ട്. നാവികരെ ഇറ്റലിയിലേക്ക് തിരിച്ചയക്കാനുള്ള നടപടികള്‍ സ്വീകരിക്കണം. സുപ്രീംകോടതി നിര്‍ദേശിക്കുന്ന അവസരത്തില്‍ വിചാരണക്കായി നാവികരെ ഹാജരാക്കാമെന്നും ഇറ്റലി അറിയിച്ചു.
 |
| You are subscribed to email updates from To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
No comments:
Post a Comment