മലയോര ഹര്‍ത്താല്‍ പൂര്‍ണം Madhyamam News Feeds |  |
- മലയോര ഹര്‍ത്താല്‍ പൂര്‍ണം
- ലിബിയയയില്‍ പ്രതിഷേധകര്‍ക്കു നേരെ വെടിവെപ്പ്; 27 മരണം
- മംഗള്‍യാന്‍ അഞ്ചാം ഭ്രമണപഥവും വികസിപ്പിച്ചു
- ജയത്തോടെ സചിന് ക്രീസ് വിട്ടു
- ഇതിഹാസം വിരമിക്കുന്നില്ല.....
- ഇന്ത്യയില്‍ അസഹിഷ്ണുത കൂടുന്നു-കമല്‍ഹാസന്‍
- ഹൂറയില്‍ മലയാളി സഹോദരങ്ങളുടെ കോള്‍ഡ് സ്റ്റോറില്‍ വന്‍ മോഷണം
- മഅ്ദനിക്കെതിരെ കര്‍ണാടക സര്‍ക്കാര്‍
- വയനാട്ടിലും ഇടുക്കിയിലും ഹര്‍ത്താല്‍ പൂര്‍ണം
- സ്വര്‍ണവിലയില്‍ മാറ്റമില്ല; പവന് 22,800 രൂപ
| Posted: 16 Nov 2013 01:17 AM PST തിരുവമ്പാടി: കസ്തൂരിരംഗന്‍ റിപ്പോര്‍ട്ട് അംഗീകരിച്ച കേന്ദ്ര സര്‍ക്കാര്‍ നടപടിയില്‍ പ്രതിഷേധിച്ച് ഇടതുമുന്നണി പ്രഖ്യാപിച്ച മലയോര ഹര്‍ത്താല്‍ പൂര്‍ണം. എല്‍.ഡി.എഫ് ഹര്‍ത്താല്‍ വിജയിപ്പിക്കാന്‍ പശ്ചിമഘട്ട ജനകീയ സമരസമിതി രംഗത്തിറങ്ങിയതോടെ കൂടരഞ്ഞി, തിരുവമ്പാടി, കോടഞ്ചേരി, പുതുപ്പാടി പഞ്ചായത്തുകളില്‍ ജനജീവിതം സ്തംഭിച്ചു. മലയോര റോഡുകളിലെല്ലാം ഗതാഗത തടസ്സം സൃഷ്ടിച്ചിരുന്നു. ടയറുകളും മരത്തടികളും കത്തിച്ച് സമരക്കാര്‍ റോഡുകളിലിട്ടു.  |
| ലിബിയയയില്‍ പ്രതിഷേധകര്‍ക്കു നേരെ വെടിവെപ്പ്; 27 മരണം Posted: 16 Nov 2013 01:08 AM PST Image:  ട്രിപളി: ലിബിയയില്‍ ഗദ്ദാഫിയെ പുറത്താക്കി ഭരണം പിടിച്ചെടുക്കുന്നതില്‍ പങ്കുവഹിച്ച സായുധ സംഘം നടത്തിയ വെടിവെപ്പില്‍ 28 പേര്‍ കൊല്ലപ്പെട്ടു. തലസ്ഥാനമായ ട്രിപളിയില്‍ നിന്ന് സായുധ സംഘം പിന്‍മാറണമെന്നാവശ്യപ്പെട്ട് നടത്തിയ പ്രതിഷേധ പ്രകടനത്തിനു നേര്‍ക്കാണ് വെടിവെപ്പുണ്ടായത്. ഗദ്ദാഫി ഭരണം അവസാനിച്ച് രണ്ടു വര്‍ഷം കഴിഞ്ഞിട്ടും ആയുധങ്ങള്‍ ഉപേക്ഷിക്കാന്‍ തയാറാവാത്ത ഇവര്‍ ഇപ്പോഴത്തെ കേന്ദ്ര സര്‍ക്കാറിന് ഭീഷണിയായി മാറിയിരുന്നു. വെള്ളിയാഴ്ച ജുമുഅ പ്രാര്‍ഥനക്കു ശേഷം ഇമാമിന്‍്റെ ആഹ്വാനമനുസരിച്ചാണ് സായുധ സംഘത്തിനെതിരെ ജനങ്ങള്‍ തെരുവിലിറങ്ങിയത്. സമാധാന ചിഹ്നങ്ങളും രാജ്യ പതാകയും കയ്യിലേന്തി ദേശീയ ഗാനം ആലപിച്ച് തലസ്ഥാനത്തെ മെലൈന ചത്വരത്തില്‍ നൂറു കണക്കിന് പ്രതിഷേധകര്‍ ആണ് ഒത്തുകൂടിയത്. ഇതിനുശേഷം ‘മിസ്രത’ എന്ന സായുധ ഗ്രൂപ്പിന്‍്റെ ആസ്ഥാനത്തേക്ക് മാര്‍ച്ച് നടത്തവെയാണ് വെടിവെപ്പുണ്ടായത്. അതേസമയം, എല്ലാ സായുധ ഗ്രൂപുകളും ഉടന്‍ ട്രിപളി വിടണമെന്ന് ലിബിയന്‍ പ്രധാനമന്ത്രി അലി സെയ്ദാന്‍ ആവശ്യപ്പെട്ടു. പൊലീസിനും സൈന്യത്തിനും പുറത്ത് ആയുധങ്ങള്‍ നിലനില്‍ക്കുന്നത് അപകടകരമണെന്നും അദ്ദേഹം പറഞ്ഞു.  |
| മംഗള്‍യാന്‍ അഞ്ചാം ഭ്രമണപഥവും വികസിപ്പിച്ചു Posted: 15 Nov 2013 11:21 PM PST Image:  ബംഗളൂരു: ഇന്ത്യ വിക്ഷേപിച്ച ചൊവ്വാ പര്യവേക്ഷണ പേടകം "മംഗള്‍യാന്‍" വിജയകരമായി അഞ്ചാം ഭ്രമണപഥവും വികസിപ്പിച്ചു. ശനിയാഴ്ച പുലര്‍ച്ചെ 1.27 ഓടെ ഐ.എസ്.ആര്‍.ഒയുടെ ബംഗളൂരുവിലെ കമാന്‍ഡ് സെന്‍്ററില്‍ നിന്ന് നല്‍കിയ നിര്‍ദേശം അനുസരിച്ചാണ് ഭ്രമണപഥം വികസിപ്പിച്ചത്. മംഗള്‍യാനെ 243.5 സെക്കന്‍ഡ് ജ്വലിപ്പിച്ചാണ് ഭ്രമണപഥം വികസിപ്പിച്ചതെന്ന് ഐ.എസ്.ആര്‍.ഒ അറിയിച്ചു. ഇതോടെ പേടകത്തിന്‍്റെ ഭ്രമണപഥത്തിന് ഭൂമിയില്‍ നിന്നുള്ള ഏറ്റുവും കൂടിയ അകലം 192,874 കിലോമീറ്ററായി. മംഗള്‍യാന്‍ 118,642 കിലോമീറ്ററില്‍ നിന്നാണ് 192,874 കിലോമീറ്ററിലേക്ക് എത്തിയത്. നവംബര്‍ 4 നാണ് സതീഷ് ധവാന്‍ സ്പേസ് സെന്‍ററിന്‍െറ ആദ്യ വിക്ഷേപണത്തറയില്‍നിന്ന് പി.എസ്.എല്‍.വിസി25 റോക്കറ്റ് ചൊവ്വ പര്യവേക്ഷണ പേടകമായ ‘മാര്‍സ് ഓര്‍ബിറ്റര്‍ മിഷന്‍’ എന്ന മംഗള്‍യാനുമായി കുതിച്ചുയര്‍ന്നത്.  |
| ജയത്തോടെ സചിന് ക്രീസ് വിട്ടു Posted: 15 Nov 2013 11:00 PM PST Image:  മുംബൈ: അവസാന വിടവാങ്ങല്‍ മത്സരത്തില്‍ സചിന് ജയത്തോടെ വിട. വെസ്റ്റ് ഇന്‍ഡീസിനെതിരെ ഇന്ത്യക്ക് ഇന്നിങ്സ് ജയം. ഇന്നിങ്സിനും126 റണ്‍സിനുമാണ് വെസ്റ്റ് ഇന്‍ഡീസിനെ പരാജയപ്പെടുത്തിയത്. ഒന്നാം ഇന്നിങ്സില്‍ ഇന്ത്യ 495 റണ്‍സെടുത്തിരുന്നു. ഒന്നാം ഇന്നിങ്സില്‍ 313 റണ്‍സ് ലീഡ് വഴങ്ങിയ വെസ്റ്റ് ഇന്‍ഡീസ് 187 റണ്‍സിന് എല്ലാവരും പുറത്താകുകയായിരുന്നു. രണ്ട് ഇന്നിങ്സിലുമായി 10 വിക്കറ്റെടുത്ത പ്രഗ്യാന്‍ ഓജയാണ്് മാന്‍ ഓഫ് ദ മാച്ച്. പരമ്പരയിലുടനീളം മികച്ച ബാറ്റിങ് പുറത്തെടുത്ത രോഹിത് ശര്‍മയാണ് മാന്‍ ഓഫ് ദ സീരീസ്. ഇന്ത്യയുടെ ആദ്യ ഇന്നിങ്്സിലെ ലീഡായ 313 റണ്‍സിനു മുന്നില്‍ രണ്ടാം ഇന്നിംഗ്സിലും വെസ്റ്റ് ഇന്‍ഡീസ് പതറുകയായിരുന്നു. ഇന്ത്യന്‍ സ്പിന്നര്‍മാരായ പ്രഗ്യാന്‍ ഓജയും ആര്‍. അശ്വിന്‍്റെയും സ്പിന്നിങിനു മുന്നില്‍ പിടിച്ചു നില്‍ക്കാനാകാതെ വിന്‍ഡീസ് 187 റണ്‍സിന് എല്ലാവരും പുറത്തായി. ഓജ അഞ്ചും അശ്വിന്‍ മൂന്നും വിക്കറ്റ് വീഴ്ത്തി. രണ്ടാം ഇന്നിങ്സില്‍ വിന്‍ഡീസ് നിരയില്‍ 41 റണ്‍സെടുത്ത് ചാന്ദര്‍പോളും 35 റണ്‍സെടുത്ത ഓപ്പണര്‍ ഗെയിലുമാണ് അല്‍പമെങ്കിലും പിടിച്ചുനിന്നത്. ചേതേശ്വര്‍ പൂജാരയുടെയും രോഹിത് ശര്‍മ്മയുടെ സെഞ്ച്വറികളും സചിന്‍്റെയും കോഹ്ലിയുടെയും അര്‍ദ്ധ സെഞ്ചറികളുമാണ് ഒന്നാം ഇന്നിങ്സില്‍ ഇന്ത്യക്ക് കൂറ്റന്‍ സ്കോര്‍ സമ്മാനിച്ചത്. പൂജാര 167 പന്തില്‍ 12 ഫോറടക്കം 113 റണ്‍സും രോഹിത് ശര്‍മ്മ 127 പന്തില്‍ മൂന്ന് സിക്സും പതിനൊന്ന് ഫോറുമടക്കം 111 റണ്‍സുമെടുത്തു. കോഹ്ലി 78 പന്തില്‍ അഞ്ച് ഫോറടക്കം 57 റണ്‍സും രോഹിത് ശര്‍മ്മ 93 പന്തില്‍ രണ്ട് സിക്സും എട്ട് ഫോറുമടക്കം 95 റണ്‍സുമെടുത്തു.118 പന്തില്‍ പന്ത്രണ്ട് ഫോറടക്കം 74 റണ്‍സാണ് അവസാന മത്സരത്തില്‍ സച്ചിന്‍്റെ നേട്ടം.  |
| Posted: 15 Nov 2013 10:57 PM PST Image:  മുംബൈ: വിജയരഥത്തിലേറി മൈതാനത്തില്‍ നിന്നുള്ള ഒടുവിലത്തെ ആ കാലടികളില്‍ അദ്ദേഹം വിതുമ്പലോടെ നിറമിഴികള്‍ തുടക്കുണ്ടായിരുന്നു. ലോകത്തിന്‍്റെ കണ്ണുകള്‍ ആ ‘വലിയ’ കൊച്ചു മനുഷ്യനിലേക്ക് ഉറ്റുനോക്കിയ മുഹൂര്‍ത്തത്തില്‍ വാംഖഡെ സ്റ്റേഡിയത്തിന്‍്റെ പുല്‍തകിടിയില്‍ നിന്ന് സച്ചിന്‍ ലോകത്തെ അഭിവാദ്യം ചെയ്തു. ഉജ്ജ്വലമായിയുന്നു ആ മടക്കം. തൊപ്പിയഴിച്ച് തന്നെ താനാക്കിയ ലോകത്തിന് അദ്ദേഹം ആദരങ്ങള്‍ അര്‍പിച്ചു. ലോകം കണ്ട ഏറ്റവും മാന്യനായ ക്രിക്കറ്റ് ഇതിഹാസത്തിന് ലോകം മാന്യമായി തന്നെ വിടയോതി. ‘ഇതിഹാസം ഒരിക്കലും വിരമിക്കുന്നില്ല’ എന്ന കൂറ്റന്‍ ബാനറുകള്‍ സ്റ്റേഡിയത്തില്‍ പാറിക്കളിച്ചു. ഉഛസ്ഥായിയിലുള്ള ആരവങ്ങളും കയ്യടികളും കൊണ്ട് മുഖരിതമായിരുന്നു വാംഖഡെ സ്റ്റേഡിയം. മനോഹരമായ ആ ബാറ്റിങ് നൃത്തം ഇനിയൊരിക്കലും കളത്തില്‍ ആസ്വദിക്കാനാവില്ലല്ളോ എന്ന ചിന്തയില്‍ ആരാധക ലോകം ഒരു നിമിഷത്തേക്ക് മൂകമായി. സച്ചിനും ഭാര്യയും മകനും മകളും ആരാധക വൃന്ദങ്ങള്‍ക്കു മുന്നില്‍ ക്രീസില്‍ നിരന്നു നിന്നു. വിശിഷ്ടമായ ശനിയാഴ്ചയാണ് ഈ ദിനമെന്ന ആമുഖത്തോടെ രവി ശാസ്ത്രി മൈക്ക് കയ്യിലെടുത്തു. സ്പോര്‍ട്സ് മന്ത്രി ശരത് പവാറില്‍ നിന്ന് സ്പെഷ്യന്‍ ട്രോഫി ഏറ്റുവാങ്ങി. ശ്രീലങ്കന്‍ സര്‍ക്കാറിന്‍്റെ ഉപഹാരവും ശരത് പവാര്‍ കൈമാറി. മുംബൈ പൊലീസ് കമ്മീഷണറും ഉപഹാരം സമ്മാനിച്ചു. ധോണിയടക്കമുള്ള പ്രമുഖ താരങ്ങള്‍ അദ്ദേഹവുമായുള്ള അനുഭവങ്ങളും ഓര്‍മകളും പങ്കുവെച്ചു. തുടര്‍ന്ന് സ്വതസിദ്ധമായ എളിമ കൈവിടാതെ സച്ചിന്‍ സംസാരിച്ചു തുടങ്ങി...വികാര നിര്‍ഭരമായിരുന്നു അത്. വിസ്മയകരമായ ഒരു യാത്രയായിരുന്നു കഴിഞ്ഞ 24 വര്‍ഷം എന്ന് പറഞ്ഞ സച്ചിന്‍ മണ്‍മറഞ്ഞുപോയ അഛന്‍ രമേശ് ടെണ്ടുല്‍ക്കറിനെ സ്മരിച്ചു. പിന്നെ, എല്ലാ ത്യാഗത്തിനും അമ്മക്ക് നന്ദി അര്‍പിച്ചു. എല്ലായ്പോഴും തന്നോട് സഹകരിച്ച മുഴുവന്‍ സഹപ്രവര്‍ത്തകര്‍ക്കും, ഗാഗംഗുലിക്കും ദ്രാവിഡിനും ധോണിക്കും പ്രത്യേകമായി നന്ദി പറഞ്ഞു. എപ്പോഴും താങ്ങും തണലുമായി നിന്ന ഭാര്യ അഞ്ജലിയെ കുറിച്ച് പറഞ്ഞപ്പോള്‍ ആ വാക്കുകള്‍ ഒഴുകുകയായിരുന്നു. തന്‍്റെ ജീവിതത്തിലെ ഏറ്റവും മനോഹരമായ കാര്യം സംഭവിച്ചത് 1995ല്‍ ആണെന്ന് പറഞ്ഞ സച്ചിന്‍ അന്നാണ് അഞ്ജലിയെ തനിക്ക് ലഭിച്ചതെന്നും പറഞ്ഞു. കുടുംബത്തിന്‍്റെ ഉത്തരവാദിത്തം ഞാന്‍ നോക്കിക്കൊള്ളാം നിങ്ങള്‍ ക്രിക്കറ്റില്‍ തുടര്‍ന്നോളൂ എന്നാണ് അഞ്ജലി എന്നോട് പറഞ്ഞത് ഇത് കേള്‍ക്കെ അഞ്ജലിയുടെ ചുണ്ടുകള്‍ അടക്കിവെക്കനാവാതെ വിതുമ്പുന്നുണ്ടായിരുന്നു. കണ്ണുകള്‍ നിറഞ്ഞു തൂകി. അടുത്തു നിന്ന മകള്‍ അമ്മയെ കെട്ടിപ്പിടിച്ചു ഉമ്മവെച്ചു. മകള്‍ സാറയെയും മകന്‍ അര്‍ജുനെയും വിലമതിക്കാനാവാത്ത രത്നങ്ങള്‍ എന്നാണ് സച്ചിന്‍ വിശേഷിപ്പിച്ചത്. ആദ്യമായി തനിക്ക് ബാറ്റു വാങ്ങിത്തന്ന സഹോദരിയെയും സഹോദരന്‍ അജിത് ടെണ്ടുല്‍ക്കറിനെയും വിശേഷിപ്പിക്കാന്‍ വാക്കുകള്‍ കിട്ടാതെ അദ്ദേഹം വിഷമിക്കുണ്ടായിരുന്നു. തന്നെ സ്നേഹിക്കുന്ന ആരാധകര്‍,മുംബൈ ക്രിക്കറ്റ് അസോസിയേഷന്‍, ബി.സി.സി.ഐ, ഡോക്ടര്‍മാര്‍ തുടങ്ങി എല്ലാവര്‍ക്കും നന്ദി അര്‍പിച്ച സച്ചിന്‍്റെ വാക്കുള്‍ ധോണിയും ദ്രാവിഡും അടക്കമുള്ള താരനിരകള്‍ അഭിമാനപൂര്‍വം സശ്രദ്ധം കേള്‍ക്കുന്നുണ്ടായിരുന്നു. മഹാനായ കളിക്കാരനെ ആദരിച്ച് സ്റ്റേഡിയം ഒന്നടങ്കം എഴുന്നേറ്റു നിന്നു. മൂവര്‍ണ ഇന്ത്യന്‍ പതാക പാറിക്കളിച്ചു. ഓരോ നന്ദി പറച്ചിലിലും സച്ചിന്‍ ഞങ്ങള്‍ താങ്കളെ സ്നേഹിക്കുന്നു എന്ന് ആരാധകര്‍ വിളിച്ചുകൂവി. പലരും കണ്ണുകള്‍ തുടച്ചു. ചിലര്‍ വിങ്ങിപ്പൊട്ടി. ഒടുവില്‍ ധോണിയുടെയും കോഹ്ലിയുടെയും ചുമലില്‍ ഏറി വാംഖഡെ സ്റ്റേഡിയം വലംവെച്ച് ആരാധക വൃന്ദത്തെ അഭിവാദ്യം ചെയ്താണ് ക്രിക്കറ്റ് ഇതിഹാസം വിടവാങ്ങിയത്.  |
| ഇന്ത്യയില്‍ അസഹിഷ്ണുത കൂടുന്നു-കമല്‍ഹാസന്‍ Posted: 15 Nov 2013 10:25 PM PST Image:  ദുബൈ:നമ്മള്‍ ഇന്ത്യക്കാര്‍ കൂടുതല്‍ കൂടുതല്‍ അസഹിഷ്ണുക്കള്‍ ആയിക്കൊണ്ടിരിക്കുകയാണെന്ന് പ്രശസ്ത നടന്‍ കമല്‍ഹാസന്‍. ഇന്ത്യയിലെ എല്ലാ ഭാഗത്തും ഒരുപോലെ സമാധാനത്തോടെ ജീവിക്കാനാവില്ല. മനുഷ്യമനസ്സുകളില്‍ അസഹിഷ്ണുത സൃഷ്ടിക്കാന്‍ എല്ലാകാലത്തും ഇന്ത്യയില്‍ ശ്രമമുണ്ടായിട്ടുണ്ട്. അസഹിഷ്ണുതയുടെ പേരില്‍ ഇപ്പോഴും മനുഷ്യരെ കൊല്ലുന്നു. ഗാന്ധിജിയെ മാത്രമല്ല അറിയപ്പെടാത്ത എത്രയോ പേരെ മതത്തിന്‍െറ പേരില്‍ കൊന്നുകൊണ്ടിരിക്കുന്നു. ഒരു മതവും ഇത് അംഗീകരിക്കുന്നില്ല. മതത്തെ ദുരുപയോഗം ചെയ്യുകയും നിന്ദിക്കുകയുമാണ് ഇവര്‍ ചെയ്യുന്നത്. ക്ഷോഭം വേഗം സാധിക്കുന്ന പ്രതികരണമാണ്.മനസിലാക്കി പ്രതികരിക്കാന്‍ സമയമെടുക്കും- ഷാര്‍ജ പുസ്തകോല്‍സവത്തില്‍ പങ്കെടുക്കാനെത്തിയ കമല്‍ഹാസന്‍ ദുബൈയില്‍ മാധ്യമപ്രവര്‍ത്തകരോട് സംസാരിക്കുയായിരുന്നു.  |
| ഹൂറയില്‍ മലയാളി സഹോദരങ്ങളുടെ കോള്‍ഡ് സ്റ്റോറില്‍ വന്‍ മോഷണം Posted: 15 Nov 2013 10:12 PM PST Image:  മനാമ: ഹൂറയില്‍ മലയാളികളായ സഹോദരങ്ങള്‍ നടത്തുന്ന കോള്‍ഡ് സ്റ്റോറില്‍ വന്‍ മോഷണം. ഹൂറ ഉമ്മുഅയ്മന്‍ സ്കൂളിന് സമീപം നാദാപുരം കുമ്മങ്കോട് സ്വദേശികളായ റാഷിദും സഹോദരന്‍ റഷീദും നടത്തുന്ന ഫാസ് മാര്‍ക്കറ്റിലാണ് ഇന്നലെ പുലര്‍ച്ചെ മോഷണം അരങ്ങേറിയത്. ഷട്ടറിന്‍െറ പൂട്ട് ഗ്യാസ് കട്ടര്‍ ഉപയോഗിച്ച് മുറിച്ച ശേഷം താബൂക്ക് ഉപയോഗിച്ച് ഗ്ളാസ് ഡോര്‍ തകര്‍ത്താണ് മോഷ്ടാവ് അകത്തുകടന്നത്. മേശയിലും ലോക്കറിലുമായി സൂക്ഷിച്ച 2000 ദിനാര്‍, 1500 ദിനാര്‍ വില വരുന്ന വിവിധ ടെലിഫോണ്‍ കാര്‍ഡുകള്‍, കോസ്മറ്റിക്സും സിഗരറ്റും ഉള്‍പ്പെടെ 1000 ദിനാറിന്‍െറ സാധനങ്ങള്‍ എന്നിവയാണ് നഷ്ടമായത്. മോഷ്ടാവിന്‍െറ ചിത്രം കടയിലെ സി.സി ടിവി കാമറിയില്‍ പതിഞ്ഞിട്ടുണ്ട്. ഹൂറ പൊലീസ് സ്ഥലത്ത് എത്തി തെളിവുകള്‍ ശേഖരിച്ച ശേഷം അന്വേഷണം ഊര്‍ജിതമാക്കിയിട്ടുണ്ട്.  |
| മഅ്ദനിക്കെതിരെ കര്‍ണാടക സര്‍ക്കാര്‍ Posted: 15 Nov 2013 09:55 PM PST Image:  ബംഗളൂരു: ബംഗളൂരു സ്ഫോടനകേസില്‍ പരപ്പര അഗ്രഹാര ജയിലില്‍ കഴിയുന്ന പി.ഡി.പി അധ്യക്ഷന്‍ അബ്ദുന്നാസിര്‍ മഅ്ദനിക്കെതിരെ കര്‍ണാടക സര്‍ക്കാര്‍. മഅ്ദനി രാഷ്ട്രീയ സ്വാധീനമുപയോഗിച്ച് വിചാരണ തടസപ്പെടുത്തുകയാണെന്ന് ചൂണ്ടിക്കാട്ടി കര്‍ണാടക സര്‍ക്കാര്‍ തിങ്കളാഴ്ച സുപ്രീംകോടതിയില്‍ സത്യാവാങ്മൂലം നല്‍കും. മഅ്ദനിക്ക് ജാമ്യം നല്‍കേണ്ടതില്ളെന്നും സ്വകാര്യ ആശുപത്രിയില്‍ ചികിത്സ നല്‍കാനാവില്ളെന്നും സത്യവാങ്മൂലത്തില്‍ പറയുന്നു.  |
| വയനാട്ടിലും ഇടുക്കിയിലും ഹര്‍ത്താല്‍ പൂര്‍ണം Posted: 15 Nov 2013 08:25 PM PST Image:  കോഴിക്കോട്: കസ്തൂരിരംഗന്‍ റിപ്പോര്‍ട്ട് നടപ്പാക്കുന്നതില്‍ പ്രതിഷേധിച്ച് ഇടതുമുന്നണി വയനാട്, ഇടുക്കി ജില്ലകളില്‍ ആഹ്വാനം ചെയ്ത ഹര്‍ത്താല്‍ പൂര്‍ണം. വയനാട്ടില്‍ കലക്ടറേറ്റ് ഉള്‍പ്പെടെയുള്ള സര്‍ക്കാര്‍ ഓഫീസുകളില്‍ ഹാജര്‍നില കുറവാണ്. കടകമ്പോളങ്ങള്‍ അടഞ്ഞു കിടക്കുകയാണ്. വിദ്യാഭ്യസ സ്ഥാപനങ്ങള്‍, ബാങ്ക് എന്നിവ തുറന്നു പ്രവര്‍ത്തിക്കുന്നില്ല. സമരാനുകൂലികള്‍ ജില്ലയുടെ വിവിധ ഭാഗങ്ങളില്‍ നിരത്തിലിറങ്ങിയ വാഹനങ്ങള്‍ തടഞ്ഞു. മാനന്തവാടി പേര്യ റേഞ്ചിലെ വരയാല്‍ വനംവകുപ്പ് ഓഫീസിന് നേരെ ആക്രമണമുണ്ടായി. വനംവകുപ്പ് ജീവനക്കാര്‍ ഓടി രക്ഷപ്പെട്ടു. ഫോസ്റ്റ് സ്റ്റേഷനിന് സമീപത്തുള്ള വനപ്രദേശത്ത് അക്രമികള്‍ തീയിട്ടു. പ്രകടനമായത്തെിയ 100 ഓളം പേരാണ് അക്രമം നടത്തിയത്. ഇടുക്കി ജില്ലയില്‍ എല്‍.ഡി.എഫ്. നടത്തുന്ന ഹര്‍ത്താലില്‍ നിന്ന് ശബരിമല തീര്‍ത്ഥാടകരെയും അവശ്യസര്‍വ്വീസുകളെയും ഒഴിവാക്കിയിട്ടുണ്ട്. വിദ്യാഭ്യാസസ്ഥാപനങ്ങള്‍ തുറന്നു പ്രവര്‍ത്തിക്കുന്നില്ല. മറയൂരില്‍ സമരാനുകൂലികള്‍ റോഡ് ഉപരോധിച്ചു. വൈകിട്ട് ആറുവരെയാണ് ഹര്‍ത്താല്‍. പാലക്കാട് ജില്ലയിലെ അട്ടപ്പാടി, കണ്ണൂര്‍ ജില്ലയിലെയും മലപ്പുറത്തെയും മലയോരപ്രദേശങ്ങള്‍ എന്നിവിടങ്ങളിലും ഹര്‍ത്താലാണ്. മലപ്പുറത്ത് നിലമ്പൂര്‍ മണ്ഡലത്തിലും ഏറനാട് മണ്ഡലത്തിലെ ചാലിയാര്‍ പഞ്ചായത്തിലും വണ്ടൂര്‍ മണ്ഡലത്തിലെ കാളികാവ്, കരുവാരക്കുണ്ട്, ചോക്കാട്, പഞ്ചായത്തുകളിലും കേരളസ്റ്റേറ്റ് വില്ലജേിലും പാലക്കാട് ജില്ലയിലെ അട്ടപ്പാടിയിലെ മൂന്നു പഞ്ചായത്തുകളിലാണ് ഹര്‍ത്താല്‍ .  |
| സ്വര്‍ണവിലയില്‍ മാറ്റമില്ല; പവന് 22,800 രൂപ Posted: 15 Nov 2013 07:56 PM PST Image:  കൊച്ചി: സംസ്ഥാനത്ത് സ്വര്‍ണവിലയില്‍ മാറ്റമില്ല. പവന് 22,800 രൂപയും ഗ്രാമിന് 2,850 രൂപയിലുമാണ് വ്യാപാരം പുരോഗമിക്കുന്നത്.  |
| You are subscribed to email updates from To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
No comments:
Post a Comment