അധ്യാപകരുടെ ലീവ് സറണ്ടര്‍ വെട്ടിച്ചുരുക്കി Madhyamam News Feeds |  |
- അധ്യാപകരുടെ ലീവ് സറണ്ടര്‍ വെട്ടിച്ചുരുക്കി
- ഹൈദരാബാദ് ടെസ്റ്റ്: ഇന്ത്യക്ക് ഇന്നിങ്സ് ജയം
- ചാവെസിന്റെ നില അതീവ ഗുരുതരമെന്ന് വെനസ്വേല സര്‍ക്കാര്‍
- പൈപ്പ് പൊട്ടല്‍: പമ്പിങ് ആരംഭിച്ചു
- വിദ്യാര്‍ഥിനിയുടെ മരണം: യുവാവ് അറസ്റ്റില്‍
- കോംഗോയില്‍ വിമാനം തകര്‍ന്നുവീണ് 36 മരണം
- നീരൊഴുക്ക് കുറഞ്ഞു; പാമ്പാര്‍ മലിനം
- കണ്‍സെഷന്‍ തര്‍ക്കം: വിദ്യാര്‍ഥിയെ വനിതാ കണ്ടക്ടര്‍ അടിച്ചതായി പരാതി
- യു.കെയില്‍ ജോലി വാഗ്ദാനം ചെയ്ത് ലക്ഷങ്ങള്‍ തട്ടിയതായി പരാതി
- കൊച്ചി റിഫൈനറി രണ്ടാംഘട്ട വികസനം; 50 ഏക്കര്‍ ഏറ്റെടുക്കാന്‍ ധാരണ
| അധ്യാപകരുടെ ലീവ് സറണ്ടര്‍ വെട്ടിച്ചുരുക്കി Posted: 05 Mar 2013 01:01 AM PST Image:  തിരുവനന്തപുരം: അധ്യാപകരുടെ ലീവ് സറണ്ടര്‍ വെട്ടിച്ചുരുക്കി. നേരത്തെ 24 ദിവസമായിരുന്നത് എട്ടു ദിവസമാക്കിയാണ് കുറച്ചത്. അവധി ദിവസങ്ങളില്‍ ജോലി ചെയ്താല്‍ എട്ട് ദിവസത്തെ ലീവ് സറണ്ടര്‍ മാത്രമെ ഇനി അനുവദിക്കൂ. ഉത്തരവിന് മുന്‍കാല പ്രാബല്യമുള്ളതിനാല്‍ ലീവ് സറണ്ടര്‍ ചെയ്ത് കൈപ്പറ്റിയ തുക തിരിച്ചടക്കണമെന്നും സര്‍ക്കാര്‍ ഉത്തരവില്‍ പറയുന്നു. കഴിഞ്ഞ മധ്യവേനലവധിക്ക് അധ്യാപകര്‍ 48 ദിവസം സെന്‍സസ് ജോലി ചെയ്തിരുന്നു. ദിവസത്തെ ലീവ് സറണ്ടര്‍ അധ്യാപകര്‍ക്ക് ലഭിച്ചു. എന്നാല്‍ ഇത് എട്ടു ദിവസമായി വെട്ടിച്ചുരുക്കാന്‍ സര്‍ക്കാര്‍ തീരുമാനിച്ചു. ഇതോടെ 16 ദിവസത്തെ ശമ്പളം അധ്യാപകര്‍ തിരിച്ചു നല്‍കണം. ഒന്നര ലക്ഷത്തോളം അധ്യാപകരാണ് ഈ ഉത്തരവിനെ തുടര്‍ന്ന് 16 ദിവത്തെ ശമ്പളം തിരിച്ചടയ്ക്കേണ്ടി വരിക.  |
| ഹൈദരാബാദ് ടെസ്റ്റ്: ഇന്ത്യക്ക് ഇന്നിങ്സ് ജയം Posted: 04 Mar 2013 10:39 PM PST Image:  ഹൈദരാബാദ്: ഇന്ത്യ-ആസ്ട്രേലിയ രണ്ടാം ക്രിക്കറ്റ് ടെസ്റ്റില്‍ ഇന്ത്യക്ക് ഇന്നിങ്സ് ജയം. ഇന്നിങ്സിനും 135 റണ്‍സിനും ജയിച്ച ഇന്ത്യ പരമ്പരയില്‍ 2-0 ന് മുന്നിലെത്തി. ഒന്നാമിന്നിങ്സില്‍ 266 റണ്‍സ് ലീഡ് വഴങ്ങിയ ഓസീസ് നാലാം ദിവസം തോല്‍വി ഒഴിവാക്കാന്‍ ശ്രമിച്ചുച്ചെങ്കിലും രണ്ടാമിന്നിങ്സില്‍ 131 റണ്‍സിന് പുറത്താവുകയായിരുന്നു. ചെന്നൈയില്‍ നടന്ന ഒന്നാം ടെസ്റ്റില്‍ ഇന്ത്യ എട്ടു വിക്കറ്റ് ജയം നേടിയിരുന്നു. രണ്ടു വിക്കറ്റ് നഷ്ടത്തില്‍ 74 റണ്‍സ് എന്ന നിലയില്‍ നാലാം ദിവസം ബാറ്റിങ് പുന:രാരംഭിച്ച ഓസീസ് ഇന്ത്യന്‍ ബൗളര്‍മാരുടെ മുന്നില്‍ കൂപ്പുകുത്തുകയായിരുന്നു. തലേ ദിവസം ഒന്‍പത് റണ്‍സെടുത്ത് ക്രീസിലിറങ്ങിയ ഷെയ്ന്‍ വാട്സന് റണ്‍സൊന്നും കൂട്ടിച്ചേര്‍ക്കാനാകാതെ ഇശാന്ത് ശര്‍മ്മയുടെ പന്തില്‍ പുറത്തായി. ക്യാപ്റ്റന്‍ മൈക്കല്‍ ക്ളാര്‍ക്കാണ് വാട്സന് പകരക്കാരനായി ക്രീസിലെത്തിയത്. വാട്സന് പുറത്താകുമ്പോള്‍ 27 റണ്‍സുമായി ക്രീസിലുണ്ടായിരുന്ന കോവന്‍ 44 റണ്‍സെടുത്ത് പിടിച്ചു നില്‍ക്കാന്‍ ശ്രമിച്ചെങ്കിലും രവീന്ദ്ര ജഡേജയുടെ പന്തില്‍ പുറത്തുപോയി. മൈക്കല്‍ ക്ളാര്‍ക്കിനെ (16) മടക്കിയതും ജഡേജയാണ്. ഹെന്‍്റിക്കസ്(0) റണ്‍ ഔട്ടായി. മാക്സ് വെല്‍ലിനെ അശ്വിനും സിഡിലിനെ ജഡേജയും പുറത്താക്കി. അശ്വിന്റെ അഞ്ചാം വിക്കറ്റായി പാറ്റിസണ്‍ മടങ്ങിയതോടെ ജയം ഇന്ത്യക്കു സ്വന്തമായി. മാര്‍ച്ച് 14 ന് മൊഹാലിയില്‍ നടക്കുന്ന മൂന്നാം ടെസ്റ്റില്‍ ആശങ്കകളില്ലാതെ ജയം ആവര്‍ത്തികാനാകുമെന്ന പ്രതീക്ഷയിലാണ് ഇന്ത്യ.
 |
| ചാവെസിന്റെ നില അതീവ ഗുരുതരമെന്ന് വെനസ്വേല സര്‍ക്കാര്‍ Posted: 04 Mar 2013 10:13 PM PST Image:  കാറക്കസ്: അര്‍ബുദ ശസ്ത്രക്രിയക്കു ശേഷം തുടര്‍ചികില്‍സയില്‍ കഴിയുന്ന വെനസ്വേല പ്രസിഡന്റ് ഊഗോ ചാവെസിന്റെ നില അതീവ ഗുരുതരമെന്ന് വെനസ്വേല സര്‍ക്കാര്‍. ശ്വാസകോശത്തില്‍ പുതുതായി രൂപം കൊണ്ട അണുബാധ കാരണം ശ്വാസതടസ്സം നേരിടുന്നതായും വാര്‍ത്താവിതരണ മന്ത്രി എണസ്‌റ്റോ വില്ലഗാസ് അറിയിച്ചു. ചികില്‍സയുടെ ഭാഗമായി കനത്ത തോതില്‍ കീമോതെറപ്പിക്കു വിധേയനാകുന്ന ചാവെസിന് മറ്റു ശാരീരിക ബുദ്ധിമുട്ടുകള്‍ക്കുള്ള ചികിത്സകളും നല്‍കുന്നുണ്ടെന്ന് അദ്ദേഹം പറഞ്ഞു. ക്യൂബയില്‍ അര്‍ബുദചികിത്സക്ക് വിധേയനായ ചാവെസ് രണ്ടാഴ്ച മുന്‍പാണ് വെനസ്വേലയിലേക്കു മടങ്ങിയെത്തിയത്. എന്നാല്‍ ചാവെസ് ഇതുവരെ പൊതുവേദിയില്‍ പ്രത്യക്ഷപ്പെട്ടിട്ടില്ല. കാറക്കസിലെ സൈനിക ആശുപത്രിയില്‍ കനത്ത സുരക്ഷാ വലയത്തിലാണ് ചാവെസ് കഴിയുന്നത്. പ്രസിഡന്റായി വീണ്ടും തെരഞ്ഞെടുക്കപ്പെട്ട ചാവെസിന് അനാരോഗ്യം കാരണം ഇതുവരെ സത്യപ്രതിജ്ഞ ചെയ്യാനും കഴിഞ്ഞിട്ടില്ല. അതേസമയം, ചാവെസിന്റെ യഥാര്‍ത്ഥ ആരോഗ്യനില സര്‍ക്കാര്‍ മറച്ചുവെക്കുകയാണെന്ന് പ്രതിപക്ഷം ആരോപിച്ചു.  |
| പൈപ്പ് പൊട്ടല്‍: പമ്പിങ് ആരംഭിച്ചു Posted: 04 Mar 2013 09:52 PM PST തിരുവനന്തപുരം: അരുവിക്കരയില്‍ പൈപ്പ് പൊട്ടിയതിനെ തുടര്‍ന്ന് നിര്‍ത്തിവെച്ചിരുന്ന പമ്പിങ് വീണ്ടും പുനരാരംഭിച്ചു. അറ്റകുറ്റപ്പണികള്‍ പൂര്‍ത്തിയാക്കി പമ്പിങ് ആരംഭിച്ചതോടെ നഗരത്തിലെ താഴ്ന്ന പ്രദേശങ്ങളില്‍ വൈകുന്നേരത്തോടെയും ഉയര്‍ന്ന പ്രദേശങ്ങളില്‍ രാത്രിയോടെയും കുടിവെള്ളമെത്തി.  |
| വിദ്യാര്‍ഥിനിയുടെ മരണം: യുവാവ് അറസ്റ്റില്‍ Posted: 04 Mar 2013 09:49 PM PST കുണ്ടറ: ആറുവര്‍ഷം മുമ്പ് റെയില്‍വേപാളത്തില്‍ വിദ്യാര്‍ഥിനിയെ മരിച്ചനിലയില്‍ കണ്ട സംഭവത്തില്‍ യുവാവ് പിടിയില്‍. മണ്‍റോതുരുത്ത് റെയില്‍വേ സ്റ്റേഷന് സമീപം പൊന്നാംവാതുക്കല്‍ വീട്ടില്‍ രതീഷ് (28) ആണ് പിടിയിലായത്.  |
| കോംഗോയില്‍ വിമാനം തകര്‍ന്നുവീണ് 36 മരണം Posted: 04 Mar 2013 08:53 PM PST Image:  ഗോമ (കോംഗോ): കോംഗോയുടെ കിഴക്കന്‍ നഗരമായ ഗോമയില്‍ യാത്രാവിമാനം തകര്‍ന്നുവീണ് 36 പേര്‍ മരിച്ചു. ലോഡ്ജാ നഗരത്തില്‍ നിന്നു വരികയായിരുന്ന സി.എ.എ കമ്പനിയുടെ ഫോക്കര്‍ 50 എന്ന ഇരട്ട എന്‍ഞ്ചിന്‍ യാത്രാവിമാനമാണ് ഗോമയില്‍ ഇറക്കാനുള്ള ശ്രമത്തിനിടെ തകര്‍ന്നുവീണത്. മൂന്നു പേര്‍ രക്ഷപ്പെട്ടു. ഇവരെ സമീപമുള്ള ആശുപത്രിയില്‍ പ്രവേശിപ്പിച്ചു. 50 പേര്‍ക്ക് ഇരിക്കാവുന്ന വിമാനത്തില്‍ എത്ര യാത്രക്കാരുണ്ടായിരുന്നുവെന്ന് വ്യക്തമായിട്ടില്ല. കനത്ത മഴയാണ് അപകടത്തിനു കാരണമായതെന്നാണ് പ്രാഥമിക നിഗമനം. പ്രദേശത്തെ പ്രതികൂലമായ കാലാവസ്ഥ രക്ഷാപ്രവര്‍ത്തനങ്ങള്‍ക്കു തടസം സൃഷ്ടിക്കുന്നുണ്ട്. വ്യോമയാന സുരക്ഷയുടെ കാര്യത്തില്‍ ഏറെ പിന്നിലുള്ള കോംഗോയുടെ 50 വിമാനങ്ങള്‍ യൂറോപ്യന്‍ യൂണിയന്‍ കരിമ്പട്ടികയില്‍ ചേര്‍ത്തിട്ടുണ്ട്. യൂറോപ്യന്‍ യൂണിയന്‍ രാജ്യങ്ങളുടെ വ്യോമമാര്‍ഗത്തില്‍ നിന്ന് ഈ വിമാനങ്ങളെ വിലക്കിയിട്ടുണ്ട്.  |
| നീരൊഴുക്ക് കുറഞ്ഞു; പാമ്പാര്‍ മലിനം Posted: 04 Mar 2013 08:43 PM PST മറയൂര്‍: പാമ്പാറില്‍ നീരൊഴുക്ക് കുറഞ്ഞതിനെ തുടര്‍ന്ന് മലിനമാകുന്നു. പൊങ്ങംപുള്ളി, ആലാംപെട്ടി, ചമ്പക്കാട്, പാളപെട്ടി തുടങ്ങിയ ആദിവാസി കുടികളിലെ ജനങ്ങള്‍ പാമ്പാറ്റിലെ ജലത്തെയാണ് ആശ്രയിക്കുന്നത്. ചിന്നാറിലെത്തുന്ന വിനോദ സഞ്ചാരികളും ട്രീ ഹൗസില്‍ താമസിക്കുന്നവരും ഉപയോഗിക്കുന്നത് പാമ്പാറ്റിലെ ജലമാണ്. വ്യാപാര സ്ഥാപനങ്ങളിലെ മാലിന്യങ്ങള്‍ നിക്ഷേപിക്കുന്നതും പുഴയിലാണ്. നീരൊഴുക്ക് കുറവായതിനാല്‍ മാലിന്യം പുഴയില്‍ തന്നെ തങ്ങിനില്‍ക്കുന്ന സ്ഥിതിയാണ്. റിസോര്‍ട്ടുകളിലെ മാലിന്യങ്ങളും പാമ്പാറ്റിലെ കൈവരിയായ കരുമുട്ടി ആറിലാണ് നിക്ഷേപിക്കുന്നത്. മാലിന്യങ്ങള്‍ ഒഴുകാതെ കിടക്കുന്നതിനാല്‍ പുഴ മലിനവും ദുര്‍ഗന്ധപൂരിതവുമാണ്. ഇത് ഗുരുതര ആരോഗ്യ പ്രശ്നങ്ങള്‍ക്കിടയാക്കും. പാമ്പാറ്റിലെ നീരൊഴുക്ക് കുറഞ്ഞതോടെ തമിഴ്നാട്ടിലെ അമരാവധി ഡാമിന്‍െറ ജലനിരപ്പ് താഴ്ന്നു. പാമ്പാറ്റില്‍ നിന്ന് ഒഴുകിയെത്തുന്ന ജലമാണ് കുടിവെള്ളത്തിനായും കൃഷി ആവശ്യത്തിനായും ഉപയോഗിക്കുന്നത്. ഒഴുകിയെത്തുന്ന മലിനജലം നിത്യാവശ്യത്തിനായി ഉപയോഗിക്കുന്ന ആദിവാസി മേഖലകളിലും ചിന്നാര്‍ വന്യജീവി സങ്കേതത്തിലെ മൃഗങ്ങളിലും ആരോഗ്യ പ്രശ്നങ്ങള്‍ക്കിടയാക്കുമോ എന്ന ആശങ്ക നിലനില്‍ക്കുകയാണ്.  |
| കണ്‍സെഷന്‍ തര്‍ക്കം: വിദ്യാര്‍ഥിയെ വനിതാ കണ്ടക്ടര്‍ അടിച്ചതായി പരാതി Posted: 04 Mar 2013 08:40 PM PST റാന്നി: കണ്‍സെഷന്‍ തര്‍ക്കത്തെ തുടര്‍ന്ന് വിദ്യാര്‍ഥിയെ സ്വകാര്യബസിലെ വനിതാ കണ്ടക്ടര്‍ ടിക്കറ്റ് റാക്കറ്റ് കൊണ്ട് അടിച്ച് പരിക്കേല്‍പ്പിച്ചതായി പരാതി. മൂക്കിന് പരിക്കേറ്റ വെണ്ണിക്കുളം പൊളിടെക്നിക് രണ്ടാം വര്‍ഷ വിദ്യാര്‍ഥി ഷിജുവിനെ താലൂക്കാശുപത്രിയില്‍ പ്രാഥമിക ശുശ്രൂഷ നല്‍കി വിട്ടയച്ചു. തിങ്കളാഴ്ച ഉച്ചക്ക് 12ന് ഇട്ടിയപ്പാറ സ്വകാര്യബസ്സ്റ്റാന്‍ഡിലായിരുന്നു സംഭവം.  |
| യു.കെയില്‍ ജോലി വാഗ്ദാനം ചെയ്ത് ലക്ഷങ്ങള്‍ തട്ടിയതായി പരാതി Posted: 04 Mar 2013 08:32 PM PST കോട്ടയം: വിദേശത്ത് ജോലി വാഗ്ദാനം ചെയ്ത് ലക്ഷങ്ങള്‍ തട്ടിയതായി പരാതി. നിരവധിയുവാക്കളാണ് തട്ടിപ്പിനിരയായിരിക്കുന്നത്. രണ്ടു ലക്ഷത്തിലധികം രൂപ വരെ ഓരോരുത്തര്‍ക്കും നഷ്ടമായിട്ടുണ്ട്. തട്ടിപ്പിനിരയായവര്‍ ഇതു സംബന്ധിച്ച് ജില്ലാ പൊലീസ് മേധാവിക്ക് പരാതി നല്‍കി.  |
| കൊച്ചി റിഫൈനറി രണ്ടാംഘട്ട വികസനം; 50 ഏക്കര്‍ ഏറ്റെടുക്കാന്‍ ധാരണ Posted: 04 Mar 2013 08:20 PM PST കൊച്ചി: ഭാരത് പെട്രോളിയം കോര്‍പറേഷന്‍ കൊച്ചി റിഫൈനറിയുടെ രണ്ടാംഘട്ട വികസനത്തിന്‍െറ ഭാഗമായി 50 ഏക്കര്‍ സ്ഥലം ഏറ്റെടുക്കുന്നതിന് ഉടമകളുമായി അന്തിമ ധാരണയായതായി ജില്ലാ കലക്ടര്‍ പി.ഐ. ഷെയ്ഖ് പരീത് അറിയിച്ചു. കൊച്ചി റിഫൈനറി അധികൃതരും സ്ഥലമുടമകളുമായി കലക്ടര്‍ ഇക്കാര്യത്തില്‍ ചര്‍ച്ച നടത്തി വരികയായിരുന്നു.  |
| You are subscribed to email updates from To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
No comments:
Post a Comment