ആഹ്ളാദം അയലത്തുമെത്തും Madhyamam News Feeds |  |
- ആഹ്ളാദം അയലത്തുമെത്തും
- ഏഷ്യന്‍ കപ്പ് ഫുട്ബാള്‍ യോഗ്യത റൗണ്ട്: യമനെ തൂത്തുവാരി ഖത്തര്‍
- പാകിസ്താന് ആണവ റിയാക്ടര്‍ നല്‍കുമെന്ന് ചൈന; ഇന്ത്യക്ക് പ്രതിഷേധം
- സചിന്‍്റെ വിടവാങ്ങല്‍ മത്സരം വാങ്കഡെയില്‍ തന്നെ
- ഗള്‍ഫ് മാര്‍ത്തോമ്മ യൂത്ത് കോണ്‍ഫറന്‍സ് തുടങ്ങി
- ഫിലിപ്പൈന്‍സില്‍ ഭൂകമ്പം; 20 മരണം
- ഓണവും പെരുന്നാളുമില്ലാതെ മൂന്ന് മലയാളികള്‍
- സ്വര്‍ണത്തിന് വീണ്ടും വിലകൂടി; പവന് 22,320
- പാക് അധീന കശ്മീരിന് പ്രത്യേക ലോക്സഭാ സീറ്റ് അനുവദിച്ചേക്കും
- ഇരുളില്‍ സംഗീതസാഗരം തീര്‍ത്ത് അഫ്സല്‍
| Posted: 15 Oct 2013 12:35 AM PDT Image:  എന്‍െറ ഗ്രാമത്തില്‍, എന്‍െറയൊക്കെ ബാല്യത്തില്‍ ഞങ്ങളുടേതുള്‍പ്പെടെ മൂന്നോ നാലോ മുസ്ലിം വീടുകളേ ഉണ്ടായിരുന്നുള്ളു. അതുകൊണ്ടുതന്നെ, പെരുന്നാള്‍ പോലുള്ള ഉത്സവങ്ങള്‍ കുടുംബത്തിനകത്തു മാത്രമായി ഒതുങ്ങാറാണ് പതിവ്.  |
| ഏഷ്യന്‍ കപ്പ് ഫുട്ബാള്‍ യോഗ്യത റൗണ്ട്: യമനെ തൂത്തുവാരി ഖത്തര്‍ Posted: 14 Oct 2013 11:25 PM PDT Image:  ദോഹ: ഖല്‍ഫാന്‍ ഇബ്രാഹിമിന്‍െറ ഹാട്രിക്കിന്‍െറ മികവില്‍ യമനെതിരായ 2015 ഏഷ്യന്‍ കപ്പ് ഫുട്ബാള്‍ ടൂര്‍ണമെന്‍റിന്‍െറ യോഗ്യത മല്‍സരത്തില്‍ ഖത്തറിന് തകര്‍പ്പന്‍ വിജയം. എതിരില്ലാത്ത ആറ് ഗോളുകള്‍ നേടിയാണ് അല്‍ ഗറാഫ സ്റ്റേഡിയത്തില്‍ ഞായറാഴ്ച നടന്ന മല്‍സരത്തില്‍ ഖത്തര്‍ വിജയിച്ചത്. നാല്, 61, 76 മിനുട്ടുകളിലാണ് ഖല്‍ഫാന്‍ ഇബ്രാഹിം ഗോളുകള്‍ നേടിയത്. 23ാം മിനുട്ടില്‍ ഹസന്‍ അല്‍ ഹൈദോസ്, 70ാം മിനുട്ടില്‍ സെബാസ്റ്റ്യന്‍ സോറിയ, 91ാം മിനുട്ടില്‍ അലി അഫീഫ് എന്നിവരുടെ വകയായിരുന്നു ഖത്തറിന്‍െറ മറ്റു ഗോളുകള്‍.  |
| പാകിസ്താന് ആണവ റിയാക്ടര്‍ നല്‍കുമെന്ന് ചൈന; ഇന്ത്യക്ക് പ്രതിഷേധം Posted: 14 Oct 2013 11:19 PM PDT Image:  ന്യൂദല്‍ഹി: പാകിസ്താന് ആണവ റിയാക്ടറുകള്‍ നല്‍കാനുള്ള ചൈനയുടെ തീരുമാനം അതീവ ഗൗരവമെന്ന് ഇന്ത്യ. ഇതിലെ പ്രതിഷേധം രാഷ്ട്രീയതലത്തിലും ഒൗദ്യോഗിക തലത്തിലും ചൈനയെ അറിയിച്ചതായും ഇന്ത്യ അറിയിച്ചു. കഴിഞ്ഞ ഏതാനും മാസങ്ങളായി ചൈനയിലെ ആണവ വിതരണ ഗ്രൂപ്പിനെയും ഇക്കാര്യം ബോധ്യപ്പെടുത്തി വരികയായിരുന്നു എന്നും പറയുന്നു. ചൈന തദ്ദേശീയമായി വികസിപ്പിച്ചെടുത്ത 1100 എം.വി ആണവ റിയാക്ടര്‍ സീരീസിലെ എ.സി.പി 1000 എന്ന റിയാക്ടര്‍ ആണ് കൈമാറാനൊരുങ്ങുന്നത്. ബീജിങ്ങിന്‍്റെ പുരോഗതിയില്‍ നിര്‍ണായകമായ പങ്ക് വഹിച്ച ഈ റിയാക്ടറിന്‍്റെ വിദേശരാജ്യത്തിനുള്ള ആദ്യ വില്‍പനയാണിത്. 96 കോടി ഡോളര്‍ വില മതിക്കുന്ന റിയാക്ടര്‍ കറാച്ചിയില്‍ ആയിരിക്കും സ്ഥാപിക്കുക. കഴിഞ്ഞ വര്‍ഷം കൈമാറ്റത്തിനുള്ള ഒൗദ്യോഗിക തല ചര്‍ച്ചകള്‍ ആരംഭിച്ചപ്പോള്‍ തന്നെ ഇതിലുള്ള ആശങ്ക ഇന്ത്യ അറിയിച്ചിരുന്നു. ആണവ നിര്‍വ്യാപന കരാറില്‍ ഉള്‍പ്പെടുന്ന രാജ്യമെന്ന നിലയില്‍ ചൈന ഇത്തരമൊരു നീക്കത്തിന് മുതിരുന്നതിന്‍്റെ അനൗചിത്യം ഇന്ത്യ ചൂണ്ടിക്കാണിച്ചിരുന്നു. എന്നാല്‍, ഇക്കാര്യത്തില്‍ ചൈനയും പാകിസ്താനും പ്രാഥമിക ചര്‍ച്ച നടത്തിയ അവസരത്തില്‍ തന്നെ ഇന്ത്യ ചുവപ്പുകൊടി കാണിച്ചിരുന്നതായി ചൈനീസ് വൃത്തങ്ങള്‍ പ്രതികരിച്ചു.  |
| സചിന്‍്റെ വിടവാങ്ങല്‍ മത്സരം വാങ്കഡെയില്‍ തന്നെ Posted: 14 Oct 2013 11:06 PM PDT Image:  ന്യൂദല്‍ഹി: ലോകക്രിക്കറ്റിലെ ഇതിഹാസതാരമായി തന്നെ വളര്‍ത്തിവലുതാക്കിയ മുംബൈയിലെ സ്വന്തം നാട്ടുകാര്‍ക്ക് മുന്നില്‍ അവസാന ടെസ്റ്റ് കളിച്ച് സചിന്‍ പാഡഴിക്കും. വിടവാങ്ങല്‍ മത്സരമായ 200ാം ടെസ്റ്റ് സ്വന്തം നാടായ മുംബൈയിലെ വാങ്കഡെ സറ്റേഡിയത്തില്‍ നടക്കുമെന്ന് ബി.സി.സി.ഐ ഒൗദ്യോഗികമായി അറിയിച്ചു. വെസ്റ്റ് ഇന്‍ഡീസിനെതിരെ നവംബര്‍ 14 മുതല്‍ 18 വരെയാണ് മത്സരം. വിടവാങ്ങല്‍ മത്സരത്തിന് സ്വന്തം നാട്ടില്‍ അവസരമൊരുക്കണമെന്ന് സചിന്‍ നേരത്തേ ആഗ്രഹം പ്രകടിപ്പിച്ചിരുന്നു. ഇക്കാര്യം പരിഗണിച്ചാണ് ബി.സി.സി.ഐ അവസാന മത്സരത്തിനുള്ള വേദിയായി സചിന്‍്റെ ഹോം ഗ്രൗണ്ട് കൂടിയായ വാങ്കഡെ സ്റ്റേഡിയം തന്നെ തെരഞ്ഞെടുത്തത്. 200ാം ടെസ്റ്റിന് വേദിയായി കൊല്‍ക്കത്തയെയും കണ്ടിരുന്നുവെങ്കിലും സചിന്‍െറ ആഗ്രഹംമാനിച്ച് ഒടുവില്‍ മുംബൈ തെരഞ്ഞെടുക്കുകയായിരുന്നുവെന്ന് ബി.സി.സി.ഐ വൈസ് പ്രസിഡന്‍റ് രാജീവ് ശുക്ള പറഞ്ഞു. വെസ്റ്റ്ഇന്‍ഡീസിനെതിരായ ടെസ്റ്റ് പരമ്പരയിലെ രണ്ടാം മത്സരത്തോടെയാണ് സചിന്‍്റെ വിടവാങ്ങല്‍. ആദ്യ ടെസ്റ്റ് നവംബര്‍ നാലിന് കൊല്‍ക്കത്തയിലെ ഈഡന്‍ ഗാര്‍ഡനില്‍ തുടങ്ങും.  |
| ഗള്‍ഫ് മാര്‍ത്തോമ്മ യൂത്ത് കോണ്‍ഫറന്‍സ് തുടങ്ങി Posted: 14 Oct 2013 10:32 PM PDT Image:  ദുബൈ: സ്വന്തം വിശ്വാസത്തിനും സാംസ്കാരിക സ്വത്വത്തിനും അപ്പുറം മറ്റുള്ളവരെ മനസ്സിലാക്കുകയും സമൂഹത്തിന്‍െറ പുരോഗതിക്കും സമാധാനത്തിനുമായി കൈകോര്‍ക്കുകയും ചെയ്യുന്നവരാണ് നല്ല മനുഷ്യരെന്ന് യു.എ.ഇ സാംസ്കാരിക-യുവജന-സാമൂഹിക വികസന മന്ത്രി ശൈഖ് നഹ്യാന്‍ ബിന്‍ മുബാറക് ആല്‍ നഹ്യാന്‍. ദുബൈ ജബല്‍അലി മാര്‍ത്തോമ്മ പള്ളിയില്‍ 17ാമത് ഗള്‍ഫ് മാര്‍ത്തോമ്മ യൂത്ത് കോണ്‍ഫറന്‍സ് ഉദ്ഘാടനം ചെയ്യുകയായിരുന്നു അദ്ദേഹം.  |
| ഫിലിപ്പൈന്‍സില്‍ ഭൂകമ്പം; 20 മരണം Posted: 14 Oct 2013 10:30 PM PDT Image:  മനില: ഫിലിപ്പൈന്‍സില്‍ ചൊവ്വാഴ്ച പുലര്‍ച്ചെയുണ്ടായ ശക്തമായ ഭൂചലനത്തില്‍ ചുരുങ്ങിയത് 20 പേര്‍ മരിച്ചതായി റിപ്പോര്‍ട്ട്. ഭൂകമ്പ മാപിനിയില്‍ 7.2 തീവ്രത രേഖപ്പെടുത്തിയ ഭൂകമ്പം മധ്യ ഫിലിപ്പൈന്‍സിലെ സെബുവിലാണ് കനത്ത നാശം വിതച്ചത്. രാജ്യത്തെ ഏറ്റവും വലിയ രണ്ടാമത്തെ നഗരമാണ് സെബു. നിരവധി കെട്ടിടങ്ങളും വീടുകളും നിലം പൊത്തി. മരണ സംഖ്യ ഇനിയും കൂടാന്‍ സാധ്യതയുണ്ടെന്നാണ് റിപ്പോര്‍ട്ട്.  |
| ഓണവും പെരുന്നാളുമില്ലാതെ മൂന്ന് മലയാളികള്‍ Posted: 14 Oct 2013 10:21 PM PDT Image:  മനാമ: നാട് പെരുന്നാള്‍ ആഘോഷിക്കുമ്പോള്‍ ഓണവും പെരുന്നാളുമൊന്നും ആഘോഷിക്കാനാകാതെ മൂന്ന് മലയാളികള്‍ ജോലിയും കൂലിയും ഭക്ഷണം പോലുമില്ലാതെ ദുരിതത്തില്‍. വെസ്റ്റ് എക്കറിലെ സ്വകാര്യ ബേക്കറിയില്‍ ജോലി ചെയ്യുന്ന വടകര സ്വദേശി ശശി, കൊടുവള്ളി സ്വദേശി ദാസന്‍, ഗുരുവായൂര്‍ സ്വദേശി സുബിന്‍ എന്നിവരാണ് കഴിഞ്ഞ ഒരു മാസമായി ഭക്ഷണത്തിന് പോലും വകയില്ലാതെ ദുരിതം അനുഭവിക്കുന്നത്. ഇവരുടെ പ്രയാസം സാമൂഹിക പ്രവര്‍ത്തകനായ ബഷീര്‍ അമ്പലായിയിലൂടെ അറിഞ്ഞ ലുലു ഹൈപ്പര്‍ മാര്‍ക്കറ്റ് അധികൃതര്‍ ആവശ്യമായ ഭക്ഷ്യ വസ്തുക്കള്‍ നല്‍കി സഹായിച്ചത് മൂവര്‍ക്കും അനുഗ്രഹമായി. ഇനിയും എത്രകാലം അന്യരുടെ ഒൗദാര്യത്തിന് യാചിച്ച് കഴിഞ്ഞുകൂടുമെന്ന ആശങ്കയിലാണ് അവര്‍. ഇവര്‍ക്കൊപ്പം രണ്ട് വര്‍ഷം കഴിഞ്ഞിട്ടും നാട്ടിലേക്ക് പോകാന്‍ കഴിയാതെ പ്രയാസപ്പെടുന്ന യു.പി സ്വദേശി ദിലീപ്കുമാറുമുണ്ട്.  |
| സ്വര്‍ണത്തിന് വീണ്ടും വിലകൂടി; പവന് 22,320 Posted: 14 Oct 2013 09:30 PM PDT Image:  കോഴിക്കോട്: തുടര്‍ച്ചയായ രണ്ടാം ദിവസവും സ്വര്‍ണത്തിന് വില കൂടി. ചൊവ്വാഴ്ച പവന് 160 രൂപ വര്‍ധിച്ച് സ്വര്‍ണവില 22,320ല്‍ എത്തി. 2790 രൂപയാണ് ഗ്രാം വില. രണ്ടാഴ്ചക്കിടെ സ്വര്‍ണത്തിന് 320 രൂപയുടെ വര്‍ധനയാണുണ്ടായിരിക്കുന്നത്.  |
| പാക് അധീന കശ്മീരിന് പ്രത്യേക ലോക്സഭാ സീറ്റ് അനുവദിച്ചേക്കും Posted: 14 Oct 2013 09:30 PM PDT Image:  ന്യൂദല്‍ഹി: പാക് അധീനകശ്മീരിന് പ്രത്യേക ലോക്സഭാ സീറ്റ് അനുവദിക്കുന്നതിനുള്ള നീക്കം കേന്ദ്രസര്‍ക്കാര്‍ ആരംഭിച്ചു. പാക് അധീന കശ്മീരിന് മേലുള്ള ഇന്ത്യയുടെ അവകാശവാദങ്ങള്‍ക്ക് ശക്തിപകരുന്നതിന്‍്റെ ഭാഗമായാണ് കേന്ദ്രത്തിന്‍്റെ നീക്കം. ഇതിനായി ഭരണഘടനയുടെ 81ാം അനുച്ഛേദം ഭേദഗതി ചെയ്യുന്നത് ആഭ്യന്തര മന്ത്രി സുശീല്‍ കുമാര്‍ ഷിന്‍ഡെയുടെ പരിഗണനയിലാണ്. ഇതുസംബന്ധിച്ച നടപടി ക്രമങ്ങള്‍ വേഗത്തില്‍ പൂര്‍ത്തീകരിക്കുന്നതിനുള്ള ചര്‍ച്ചകളും ആഭ്യന്തര മന്ത്രാലയത്തിന്‍്റെ കീഴില്‍ നടന്നുവരുന്നു. ആഭ്യന്തര ജോയിന്‍്റ് സെക്രട്ടറി ആര്‍.കെ ശ്രീവാസ്തവയാണ് ലോക്സഭയില്‍ പാക് അധീന കശ്മീരിന് പ്രത്യേക സീറ്റ് നീക്കിവെക്കുന്നതു സംബന്ധിച്ച നിര്‍ദേശങ്ങള്‍ ആഭ്യന്തര മന്ത്രിക്ക് സമര്‍പ്പിച്ചത്. നിലവില്‍, ജമ്മു കശ്മീര്‍ നിയമസഭയില്‍ പാക് അധീന കശ്മീരിനായി 24 സീറ്റുകള്‍ മാറ്റിവെച്ചിട്ടുണ്ടെങ്കിലും ഇതുവരെ അതിലേക്ക് തെരഞ്ഞെടുപ്പ് നടന്നിട്ടില്ല. ഈ പ്രദേശം പാകിസ്താന്‍്റെ നിയന്ത്രണത്തിലായതിനാല്‍ ഈ സീറ്റുകള്‍ ഒഴിഞ്ഞുകിടക്കുകയാണ്്. നിയമസഭയിലെ മൊത്തം അംഗസംഖ്യയെ സൂചിപ്പിക്കുമ്പോള്‍ ഈ സീറ്റുകള്‍ കണക്കിലെടുക്കാറുമില്ല. ഈ രീതിയില്‍ ഏതാനും സീറ്റുകള്‍ ലോക്സഭയില്‍ പാക് അധീന കശ്മീരിന് വേണ്ടി മാറ്റിവെക്കാനാണ് കേന്ദ്രം ആലോചിക്കുന്നത്. എന്നാല്‍, മറ്റൊരു രാജ്യത്തിന്‍െറ നിയന്ത്രണത്തിലുള്ള പ്രദേശത്ത് തെരഞ്ഞെടുപ്പ് നടത്താന്‍ ഇന്ത്യന്‍ ഭരണഘടനയുടെ 81ാം അനുച്ഛേദ പ്രകാരം സാധ്യമല്ല. അതിനാല്‍, ഈ വകുപ്പ് ഭേദഗതി ചെയ്യുക വഴി പാക് അധീന കശ്മീര്‍ ഇന്ത്യയുടെ അവിഭാജ്യ ഘടകമെന്ന ഇന്ത്യന്‍ പ്രധാനമന്ത്രിയുടെ പ്രസ്താവനക്കും കശ്മീരുമായി ബന്ധപ്പെട്ട് ലോക്സഭ പാസാക്കിയിരിക്കുന്ന അസംഖ്യം പ്രമേയങ്ങള്‍ക്കും ശക്തി പകരാന്‍ സാധിക്കുമെന്നും ശ്രീവാസ്തവ സമര്‍പ്പിച്ച റിപ്പോര്‍ട്ടില്‍ പറയുന്നു.
 |
| ഇരുളില്‍ സംഗീതസാഗരം തീര്‍ത്ത് അഫ്സല്‍ Posted: 14 Oct 2013 08:47 PM PDT Image:  Subtitle: ഇന്ന് ലോക അന്ധദിനം കൊച്ചി: കാഴ്ചയില്ളെന്ന കുറവ് സംഗീതമാസ്മരികതയിലൂടെ മറികടന്ന് അഫ്സല്‍ യൂസുഫ് അത്ഭുതം വിരിയിക്കുന്നു. നിരവധി സിനിമാഗാനങ്ങള്‍ക്ക് സംഗീതം നല്‍കിയ അഫ്സല്‍ ഒടുവില്‍ സിനിമക്ക് പശ്ചാത്തല സംഗീതമൊരുക്കിയും പ്രേക്ഷക കാഴ്ചയെ അനുഭവസമ്പന്നമാക്കുന്നു. സിനിമ കാണാതെ സിനിമക്ക് പശ്ചാത്തല സംഗീതം ഒരുക്കുക എന്നത് ഒരുപക്ഷേ ലോകത്ത് തന്നെ അപൂര്‍വമാകും.  |
| You are subscribed to email updates from To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
No comments:
Post a Comment