ഇറാഖിലെ പൊലീസ് ആസ്ഥാനത്ത് ചാവേര്‍ ആക്രമണം: 30 കൊല്ലപ്പെട്ടു Madhyamam News Feeds |  |
- ഇറാഖിലെ പൊലീസ് ആസ്ഥാനത്ത് ചാവേര്‍ ആക്രമണം: 30 കൊല്ലപ്പെട്ടു
- എയ്ഡഡ് പദവി വിഷയത്തില്‍ വാശിപിടിക്കില്ലെന്ന് ലീഗ്
- 2019 ഏഷ്യന്‍ കപ്പ് ഫുട്ബാള്‍ വേദിക്കായി യു.എ.ഇ രംഗത്ത്
- കായികദിനം: കത്താറയില്‍ വിവിധ പരിപാടികള്‍
- ആര്‍ദ്രത എന്ന ആയുധം
- ഐ പി എല്‍ ലേലം: ഗ്ളെന്‍ മാക്സ്വെല്‍ 5.3 കോടിക്ക് മുംബൈ ഇന്ത്യന്‍സിന്
- കോമണ്‍വെല്‍ത്ത് ഗെയിംസ് അഴിമതി: കല്‍മാഡിക്ക് മേല്‍ നാളെ കുറ്റം ചുമത്തും
- മരണം വരെ പാടാനാണ് എനിക്കിഷ്ടം
- ഡി.ഐ.ജി ശ്രീജിത്തിനെതിരെ നടപടിവേണമെന്ന് ഡി.ജി.പി
- സൂര്യനെല്ലി കേസ് പുനരന്വേഷണം: നിയമോപദേശത്തിന് ശേഷം തീരുമാനം
| ഇറാഖിലെ പൊലീസ് ആസ്ഥാനത്ത് ചാവേര്‍ ആക്രമണം: 30 കൊല്ലപ്പെട്ടു Posted: 03 Feb 2013 12:56 AM PST Image:  ബാഗ്ദാദ്: ഇറാഖിലെ വടക്കന്‍ നഗരമായ കിര്‍ക്കുക്കിലെ പൊലീസ് ആസ്ഥാനത്തിനു നേരെ ഉണ്ടായ ചാവേര്‍ ബോംബാക്രമണത്തില്‍ 30 പേര്‍ കൊല്ലപ്പെട്ടു. സ്ഫോടനത്തില്‍ 70 ഓളം ആളുകള്‍ക്ക് ഗുരുതരമായി പരിക്കേറ്റിട്ടുണ്ട്. ഞായറാഴ്ച രാവിലെ സ്ഫോടക വസ്തുക്കള്‍ നിറച്ച കാര്‍ പൊലീസ് ആസ്ഥാനത്തേക്ക് ഇടിച്ചുകയറ്റുകയായിരുന്നു. മരിച്ചവരില്‍ കൂടുതലും പൊലീസുകാരാണ്. സ്ഫോടനം നടന്നത് തിരക്കേറിയ സമയമായിരുന്നതിനാല്‍ കൂടുതല്‍ പേര്‍ക്ക് പരിക്കേറ്റു. മരണ സംഖ്യ ഉയരാനാണ് സാധ്യത. ബോംബ് സ്ഫോടനത്തിനു ശേഷം പൊലീസുകാര്‍ക്കെതിരെ വെടിവെപ്പും ഗ്രനേഡ് ആക്രമണവും ഉണ്ടായതായും റിപ്പോര്‍ട്ടുകളുണ്ട്. സ്ഫോടനത്തിന്റെ ഉത്തരവാദിത്വം ഒരു സംഘടനയും ഏറ്റെടുത്തിട്ടില്ല.  |
| എയ്ഡഡ് പദവി വിഷയത്തില്‍ വാശിപിടിക്കില്ലെന്ന് ലീഗ് Posted: 03 Feb 2013 12:53 AM PST Image:  കോഴിക്കോട്: ഏരിയ ഇന്റന്‍സീവ് പദ്ധതിക്ക് കീഴിലുള്ള മലബാറിലെ 33 സ്‌കൂളുകള്‍ക്ക് എയ്ഡഡ് പദവി നല്‍കണമെന്ന കാര്യത്തില്‍ വാശി പിടിക്കില്ലെന്ന് മുസ്ലീംലീഗ്. എയ്ഡഡ് പദവി പാര്‍ട്ടിയുടെ അജണ്ടയില്‍ ഇല്ലെന്നും സ്‌കൂളിലെ അധ്യാപകരുടെ സേവന-വേതന വ്യവസ്ഥകള്‍ ഉറപ്പുവരുത്തുകയാണ് ലക്ഷ്യമെന്നും ലീഗ് സംസ്ഥാന ജനറല്‍ സെക്രട്ടറി കെ.പി.എ മജീദും ഉന്നതാധികാര സമിതി അംഗം ഇ.ടി മുഹമ്മദ് ബഷീറും വാര്‍ത്താസമ്മേളനത്തില്‍ വ്യക്തമാക്കി. ലീഗ് ഹൗസില്‍ ചേര്‍ന്ന പാര്‍ട്ടി സംസ്ഥാന പ്രവര്‍ത്തക സമിതി യോഗത്തിന് ശേഷം മാധ്യമങ്ങളോട് സംസാരിക്കുകയായിരുന്നു ഇരുവരും. ലോക്‌സഭാ തെരഞ്ഞെടുപ്പിനുള്ള മുന്നൊരുക്കങ്ങള്‍ പ്രവര്‍ത്തന സമിതിയോഗത്തില്‍ ചര്‍ച്ച ചെയ്തു. പരിസ്ഥിതി സംബന്ധമായ വിഷയങ്ങളില്‍ കൂടുതല്‍ ശ്രദ്ധ കേന്ദ്രീകരിച്ച് പ്രവര്‍ത്തിക്കാനും ധാരണയായി. ഇതിന്റെ ഭാഗമായി എട്ട് ടാസ്‌ക് ഫോഴ്‌സുകള്‍ രൂപീകരിച്ചു. സൂര്യനെല്ലി കേസുമായി ബന്ധപ്പെട്ട് ഇപ്പോള്‍ ഉയര്‍ന്നിരിക്കുന്ന വിവാദങ്ങളോടും എന്‍.എസ്.എസ് വിഷയത്തിലും പ്രതികരിക്കാനില്ലെന്നും ലീഗ് നേതാക്കള്‍ പറഞ്ഞു.  |
| 2019 ഏഷ്യന്‍ കപ്പ് ഫുട്ബാള്‍ വേദിക്കായി യു.എ.ഇ രംഗത്ത് Posted: 02 Feb 2013 11:32 PM PST Image:  അബൂദബി: 2019ലെ ഏഷ്യന്‍ കപ്പ് ഫുട്ബാള്‍ വേദിയാകാന്‍ യു.എ.ഇയും രംഗത്ത്. ഇതിനായി ഏഷ്യന്‍ ഫുട്ബാള്‍ കോണ്‍ഫെഡറേഷനില്‍ (എ.എഫ്.സി) അപേക്ഷ സമര്‍പ്പിച്ചിട്ടുണ്ടെന്ന് യു.എ.ഇ ഫുട്ബാള്‍ അസോസിയേഷന്‍ അധികൃതര്‍ വ്യക്തമാക്കി. ഈ ലക്ഷ്യം കൈവരിക്കാനും ഏഷ്യന്‍ കപ്പ് നേടാനും യു.എ.ഇക്ക് കഴിയുമെന്ന് അസോസിയേഷന്‍ സെക്രട്ടറി ജനറല്‍ യൂസുഫ് അബ്ദുല്ല പ്രത്യാശ പ്രകടിപ്പിച്ചു. പല പ്രാദേശിക, അന്താരാഷ്ട്ര ടൂര്‍ണമെന്‍റുകളിലും വിജയികളായ യു.എ.ഇയുടെ പുതു തലമുറ ഫുട്ബാള്‍ ടീം അതിന് പ്രാപ്തമാണെന്ന് അദ്ദേഹം ചൂണ്ടിക്കാട്ടി.  |
| കായികദിനം: കത്താറയില്‍ വിവിധ പരിപാടികള്‍ Posted: 02 Feb 2013 11:29 PM PST Image:  ദോഹ: ദേശീയ കായികദിനത്തോടനുബന്ധിച്ച് ഈ മാസം 12ന് കത്താറ കള്‍ച്ചറല്‍ വില്ലേജില്‍ വിവിധ കായിക, സാംസ്കാരിക പരിപാടികള്‍ നടക്കും. സ്പോര്‍ട്സിലൂടെ ആരോഗ്യകരമായ ജീവിത ശൈലി എന്ന സന്ദേശവുമായി സംഘടിപ്പിക്കുന്ന പരിപാടികളില്‍ പരമാവധി ജനപങ്കാളിത്തം ഉറപ്പാക്കുമെന്ന് സംഘാടകര്‍ അറിയിച്ചു.  |
| Posted: 02 Feb 2013 10:49 PM PST Image:  സാമൂഹിക ജീവിതത്തെക്കുറിച്ചുള്ള നമ്മുടെ ആധികള്‍ പെരുകുമ്പോള്‍ നാം സ്വപ്നത്തിലും ജാഗ്രത്തിലും നമ്മുടെ എഴുത്തുകാരിലേക്കാണ് ശ്രദ്ധ തിരിക്കാറുള്ളത്. സാമൂഹിക ജീവിതത്തിന്‍െറ ലയവും താളവും തകര്‍ന്നു പോകുമ്പോള്‍ അതിന്‍െറ വസ്തുതകളിലേക്ക് ഇറങ്ങിപ്പോവുകയും ലയതാളങ്ങളെ തകര്‍ക്കുന്ന ഘടകങ്ങളെ ഉന്മൂലനം ചെയ്യാനുള്ള ആയുധങ്ങള്‍ സാമൂഹിക ജീവിതത്തിന് പകര്‍ന്നു കൊടുക്കുകയും ചെയ്യുക എന്നത് നമ്മുടെ എഴുത്തുകാര്‍ എന്നും അനുവര്‍ത്തിച്ചു പോന്നിട്ടുമുണ്ട്. അത് പ്രത്യക്ഷമായ ഇടപെടലിലൂടെയും പരോക്ഷമായ സാന്നിധ്യ പ്രകടനത്തിലൂടെയും സംഭവിക്കാം. ഈ രണ്ടു വഴിയിലൂടെയും ഇത്തരത്തില്‍ കഥയിലൂടെ സാന്നിധ്യമാകുന്നു കെ.പി. രാമനുണ്ണി. രാമനുണ്ണിയുടെ ‘തന്തപ്പറത്തെയ്യം’ എന്ന കൃതിയിലെ പതിനാലു കഥകളും ഈ അര്‍ഥത്തില്‍ ഇന്നിന്‍െറ മുഖം പൊളിച്ചു കാണിക്കുന്ന അദ്ഭുതങ്ങള്‍ കൂടിയാണ്.  |
| ഐ പി എല്‍ ലേലം: ഗ്ളെന്‍ മാക്സ്വെല്‍ 5.3 കോടിക്ക് മുംബൈ ഇന്ത്യന്‍സിന് Posted: 02 Feb 2013 10:40 PM PST Image:  ചെന്നൈ: ഇന്ത്യന്‍ പ്രീമിയര്‍ ലീഗ് ക്രിക്കറ്റ് ആറാം സീസണിനുള്ള കളിക്കാരുടെ ലേലം പുരോഗമിക്കുന്നു. ലേലത്തില്‍ ആസ്ട്രേലിയന്‍ ഓള്‍ റൗണ്ടറായ ഗ്ളെന്‍ മാക്സ്വെല്ലിനെ 5.3 കോടി രൂപക്ക് മുംബൈ ഇന്ത്യന്‍സ് സ്വന്തമാക്കി. ലേലത്തില്‍ മലയാളിയായ അഭിഷേക് നായരെയും പേസ് ബോളര്‍ ആര്‍.പി സിംങിനെയും സ്വന്തമാക്കാനാണ് ടീമുകള്‍ മത്സരിച്ചത് . ഓള്‍ റൗണ്ടര്‍ അഭിഷേക് നായരെ 3.5 കോടി രൂപ നല്‍കിയാണ് പൂണെ വാരിയേര്‍സ് വാങ്ങിയത്. ശ്രീലങ്കന്‍ താരം തിസര പെരേരയെ 3.5 കോടി നല്‍കി ഹൈദരബാദ് സണ്‍റൈസസും സ്വന്തമാക്കി. എന്നാല്‍ ഫാസ്റ്റ് ബോളറായ ആര്‍.പി സിംങിനെ ബംഗളൂര്‍ റോയല്‍ ചാലഞ്ചേഴ്സ് വാങ്ങിയത് 2.1 കോടി രൂപക്കാണ്. റിക്കി പോണ്ടിങ്ങിനെ 2.1കോടി രൂപക്ക് മുംബൈ ഇന്ത്യന്‍സാണ് സ്വന്തമാക്കിയത്. ആസ്ട്രേലിയന്‍ ക്യാപ്റ്റന്‍ മൈക്കല്‍ ക്ളാര്‍ക്ക് ഈ സീസണില്‍ പൂണെ വാരിയേര്‍സിനു വേണ്ടിയാണ് കളിക്കുക. 2.1 കോടി രൂപക്കാണ് വാരിയേര്‍സ് ക്ളാര്‍ക്കിനെ വാങ്ങിയത്. ദക്ഷിണാഫ്രിക്കന്‍ ഓള്‍ റൗണ്ടറായ ജൊഹാന്‍ ബോത്തയെ 2.3 കോടി രൂപയ്ക്കാണ് ഡല്‍ഹി ഡെയര്‍ ഡെവിള്‍സ് സ്വന്തമാക്കിയത്. ലുക്ക് പോമര്‍ബാഷിനെ 1.69 കോടി രൂപക്ക് കിംഗ്സ് ഇലവന്‍ പഞ്ചാബ് ടീമില്‍ സ്ഥാനം ഉറപ്പിച്ചു. ഡാരന്‍ ബ്രാവോ, ഡഗ് ബോലിഞ്ചര്‍, ഹെര്‍ഷല്‍ ഗിബ്സ് തുടങ്ങി എട്ടു രാഷ്ട്രങ്ങളില്‍ നിന്നുള്ള താരങ്ങളും ലേല പട്ടികയിലുണ്ട്. 108 അംഗ ലേലപ്പട്ടിയ തയ്യറാക്കിയപ്പോള്‍ പാകിസ്താന്‍ താരങ്ങളെ ഉള്‍പ്പെടുത്തിയില്ല. പാകിസ്താന്‍ താരങ്ങളെ ഇക്കുറി ഐ.പി.എല്ലില്‍ ഉള്‍പ്പെടുത്തുമെന്ന് സൂചിപ്പിച്ചിരുന്നെങ്കിലും ഏറ്റവും ഒടുവിലുണ്ടായ നയതന്ത്ര ഉലച്ചിലുകളോടെ ഇത് മുടങ്ങി.
 |
| കോമണ്‍വെല്‍ത്ത് ഗെയിംസ് അഴിമതി: കല്‍മാഡിക്ക് മേല്‍ നാളെ കുറ്റം ചുമത്തും Posted: 02 Feb 2013 10:30 PM PST Image:  ന്യൂദല്‍ഹി: കോമണ്‍വെല്‍ത്ത് ഗെയിംസ് അഴിമതിക്കേസില്‍ സംഘാടകസമിതി ചെയര്‍മാനായിരുന്ന സുരേഷ് കല്‍മാഡിക്കു മേല്‍ നാളെ ദല്‍ഹി കോടതി കുറ്റം ചുമത്തും.കല്‍മാഡിക്ക് പുറമെ സംഘാടക സമിതിയിലെ മറ്റു ഒമ്പത് അംഗങ്ങള്‍ക്കും സംഘാടകസമിതി സെക്രട്ടറി ജനറലായിരുന്ന ലളിത് ഭാനോട്ടിനു മേലും പ്രത്യേക സി ബി ഐ ജഡ്ജി രവീന്ദര്‍ കൗര്‍ കുറ്റം ചുമത്തും. വഞ്ചന, ഗൂഢാലോചന, വ്യാജരേഖ ചമയ്ക്കല്‍,സര്‍ക്കാര്‍ ഖജനാവിന് 90 കോടിയുടെ നഷ്ടം വരുത്തല്‍ തുടങ്ങിയ കുറ്റങ്ങളാണ് ഇവര്‍ക്കെതിരെ ചുമത്തുക. 2010ല്‍ നടന്ന ഗെയിംസില്‍ സമയം,സ്കോറും ഫലവും പ്രഖ്യാപിക്കുന്ന സംവിധാനത്തിന്റെ കരാര്‍ സ്വിറ്റ്സര്‍ലന്‍ഡിലെ സ്ഥാപനമായ 'സ്വിസ് ടൈമിങ്' ന് അനധികൃതമായി നല്‍കിയതില്‍ സര്‍ക്കാരിന് 90 കോടിയുടെ സാമ്പത്തിക ബാധ്യതയുണ്ടാക്കിയെന്നാണ് കേസ്. ഗെയിംസ് സംഘാടക സമിതി ഡയറക്ടര്‍ ജനറല്‍ വി.കെ.വര്‍മ, സംഭരണ വിഭാഗം ഡയറക്ടര്‍ ജനറല്‍ സുര്‍ജിത് ലാല്‍, കായിക വിഭാഗം ജോ.ഡയറക്ടര്‍ എ.എസ്.വി. പ്രസാദ്, ട്രഷറര്‍ എം.ജയചന്ദ്രന്‍ എന്നിവര്‍ക്കെതിരെയും കുറ്റം ചുമത്തും.
 |
| Posted: 02 Feb 2013 10:28 PM PST Image:  ഒറ്റപ്പാലം തോട്ടക്കര ചേരിക്കുന്നിലെ സാധാരണക്കാരനായ എന്‍.കെ. ചന്ദ്രന്‍െറ വീട്ടിലെ സ്വീകരണമുറിയില്‍ ‘വാസന്ത പഞ്ചമിനാളു’പോലുള്ള നിലാവുള്ള ദിവസം ഒരു സൂര്യകാന്തിയെത്തി. ദശലക്ഷക്കണക്കിന് സംഗീത പ്രേമികളെ ശബ്ദമാധുര്യംകൊണ്ട് കുളിരണിയിച്ച എസ്. ജാനകിയായിരുന്നു ആ ‘സൂര്യകാന്തി’!
രാഷ്ട്രം നല്‍കുന്ന ഏത് ബഹുമതിയും ഏറെ വലുതാണ്. ഒരിക്കലും ഭാരതരത്നം പുരസ്കാരത്തെ ഇകഴ്ത്താന്‍ വേണ്ടി പറഞ്ഞതല്ല. പലപ്പോഴും പത്മ ബഹുമതിപോലുള്ള പുരസ്കാരങ്ങള്‍ക്കായി ദക്ഷിണേന്ത്യക്കാരെ പരിഗണിക്കുന്നതിലുള്ള അവഗണനയോടുള്ള എതിര്‍പ്പാണ് ഞാന്‍ പ്രകടിപ്പിക്കാനുദ്ദേശിക്കുന്നത്. ചിലര്‍ക്ക് ലഭിക്കുന്നതാകട്ടെ, മരണാനന്തരവും. ഇതിലെ വൈരുധ്യം സഹിക്കാവുന്നതിലും അപ്പുറമാണ്.
ഗായികയെന്നുള്ള നിലക്ക് ആദ്യം ആ രംഗത്തുള്ളവരുടെ കാര്യം പറഞ്ഞുവെന്നേയുള്ളൂ. ഈ വര്‍ഷം രാജേഷ് ഖന്നക്ക് മരണാനന്തര ബഹുമതിയായാണ് പത്മപുരസ്കാരം സമ്മാനിച്ചത്. കലാരംഗത്തോ മറ്റോ കത്തിനില്‍ക്കുന്ന കാലത്ത് ആകസ്മികമായി മരണം സംഭവിക്കുകയാണെങ്കില്‍ മരണാനന്തര ബഹുമതിയായി പുരസ്കാരം നല്‍കാവുന്നതാണ്. യുദ്ധത്തില്‍ മരിച്ചവര്‍ക്ക് മരണാനന്തര ബഹുമതിയായി പുരസ്കാരം നല്‍കുന്നതില്‍ ഇതേവരെ ആരും എതിര്‍പ്പ് പ്രകടിപ്പിച്ചിട്ടില്ല. ഇനിയുണ്ടാവുമെന്നും തോന്നുന്നില്ല. പക്ഷേ, കലാകാരന്മാരുടെ സ്ഥിതി മറിച്ചാണ്. അവര്‍ക്ക് തങ്ങളുടെ മേഖലയില്‍ തിളങ്ങിനില്‍ക്കുമ്പോഴും ആരോഗ്യത്തോടെയിരിക്കുമ്പോഴുമാണ് ഇത്തരം ബഹുമതികള്‍ ലഭിക്കേണ്ടത്.
പ്രണയാതുരനായ കാമുകനും ക്ഷുഭിതയൗവനക്കാരനുമായി സിനിമയിലെത്തിയ മധുവിന് കറുത്തമ്മയെ മനസ്സില്‍ കുടിയിരുത്തിയ പ്രണയതരളമായ മനസ്സുമായി ജീവിച്ച ചെമ്മീനിലെ പരീക്കുട്ടി എന്ന ഒറ്റ കഥാപാത്രം അനശ്വരമാക്കിയതിനു മാത്രം പത്മശ്രീ നല്‍കാമെന്നിരിക്കെ, പത്മഭൂഷണ് പരിഗണിക്കാന്‍ നല്‍കിയ പട്ടികയില്‍നിന്ന് താഴേക്കിറക്കി 80ാം വയസ്സില്‍ പത്മശ്രീ പുരസ്കാരമാണ് നല്‍കിയത്. അടുത്തകാലത്ത് സിനിമയിലെത്തിയ നടന്മാര്‍ക്കും സംവിധായകര്‍ക്കും മറ്റും പത്മശ്രീ വര്‍ഷങ്ങള്‍ക്കുമുമ്പേ ലഭിച്ചിട്ടുള്ള അവസ്ഥയിലാണിത് ചൂണ്ടിക്കാട്ടുന്നതെന്നും ഓര്‍ക്കണം. സംഗീതവും അഭിനയവും ജീവിതവ്രതമായി കണ്ട് ഔത്യത്തിലേറിയവര്‍ക്ക് ഇതാണ് സ്ഥിതിയെങ്കില്‍ മറ്റുള്ളവരുടെ സ്ഥിതിയെന്താകും? തന്നെ സ്നേഹിക്കുന്നവരുടെയും സംഗീതത്തെ ഇഷ്ടപ്പെടുന്നവരുടെയും പരിലാളനകള്‍ക്കും സ്നേഹപ്രകടനങ്ങള്‍ക്കുമുപരി മറ്റൊന്നും ആവശ്യംപോലുമല്ലാത്ത മാനസികാവസ്ഥയിലാണിപ്പോള്‍ എസ്. ജാനകി. അഞ്ചുദിവസം നീണ്ട ഒറ്റപ്പാലത്തെ വീട്ടിലെ താമസം മാത്രം മതി ഇതിനുദാഹരണമായി. അഞ്ചുദിവസവും പുലര്‍ച്ചെ രണ്ടുമണിക്കുശേഷമാണ് അവര്‍ക്ക് കിടന്നുറങ്ങാന്‍ മുറിയിലേക്ക് പോകാനായത്. പ്രായഭേദമന്യേ അവരെ കാണാനെത്തിയവര്‍ നൂറുകണക്കിനായിരുന്നു. ഒരുവേള, താമസിച്ച വീട്ടിലെ ‘സദസ്യര്‍’ക്ക് മുന്നില്‍ അവര്‍ ഒരു കുട്ടിയെപ്പോലെ ശാസ്ത്രീയമായ നൃത്തച്ചുവടുകള്‍ വെച്ചു. മലയാളിയെ വിസ്മയിപ്പിച്ച ആ കൊച്ചു ശബ്ദത്തില്‍ അവര്‍ പാടി. ചേച്ചിയുടെ മകനും സന്തതസഹചാരിയും നൃത്താധ്യാപകനുമായ ബദരി ഇതിന് പ്രചോദനമാവുകയും ചെയ്തു.
എനിക്കെപ്പോഴും ആരാധകര്‍ക്കിടയിലും വേണ്ടപ്പെട്ടവരുടെയിടയിലും ഇഴചേര്‍ന്ന് കഴിയാനാണിഷ്ടം. ആന്ധ്രപ്രദേശിലെ ഗുണ്ടൂര്‍ ജില്ലയില്‍പെട്ട പള്ളിപട്ല എന്ന സ്ഥലത്ത് ജനിച്ച എനിക്ക് ഒരു പക്കാ വള്ളുവനാട്ടുകാരിയാവാന്‍ ഒരു പ്രശ്നവുമില്ല. പ്രായദേമന്യേ എല്ലാവരോടും അവര്‍ പ്രതീക്ഷിക്കുന്ന തരത്തില്‍ പെരുമാറാനും കഴിയും. എന്തിനേറെ, പുളിയിഞ്ചി കൂട്ടിയുള്ള നാടന്‍ ശാപ്പാട് കഴിക്കുന്നതില്‍പോലും എനിക്കു മുന്നില്‍ മലയാളി തോറ്റുപോകും. നാടന്‍ രുചിഭേദങ്ങള്‍ കുറച്ചുദിവസം കൂടി അനുഭവിക്കാന്‍ അല്‍പമൊക്കെ കൂടെ കൊണ്ടുപോകുന്നുമുണ്ട്. ജാനകിയമ്മക്ക് ഇഷ്ടമുള്ളവ സംഘടിപ്പിക്കാന്‍ വീട്ടുകാരും അയല്‍വാസികളും തമ്മില്‍ മത്സരം വരെ നടക്കുന്നു. അപ്പോഴാണ് എനിക്ക് പത്മഭൂഷണ് ജനങ്ങള്‍ എന്നേ നല്‍കിക്കഴിഞ്ഞതായി പറയാന്‍ കഴിയുന്നത്.
മാസങ്ങള്‍ക്കു മുമ്പ് കുളിമുറിയില്‍ വീണു പരിക്കുപറ്റിയതോടെ ഇനി പാടാനാവുമോയെന്ന് ആശങ്കപ്പെട്ടിരുന്നു. പക്ഷേ, കഴിഞ്ഞ ജനുവരി നാലിന് യേശുദാസിനോടൊപ്പം ഒരു യുഗ്മഗാനം ആലപിച്ച് റെക്കോഡ് ചെയ്തു. ധനുഷിന്‍െറ ഏറ്റവും പുതിയ തമിഴ് ചിത്രത്തിനുവേണ്ടിയാണിത്. 1957ല്‍ 19ാം വയസ്സില്‍ ‘വിധിയിന്‍ വിളയാട്ട്’ എന്ന തമിഴ് സിനിമക്കുവേണ്ടി ടി. ചലപ്പതി റാവു ഈണം പകര്‍ന്ന ഗാനമാലപിച്ചാണ് പിന്നണി ഗാനരംഗത്തെത്തിയത്.
തീര്‍ച്ചയായും. എന്‍െറ ശബ്ദം കേള്‍ക്കാന്‍ ആവശ്യപ്പെടുന്നവര്‍ക്കുമുന്നില്‍ മരണം വരെ പാടാനാണെനിക്കിഷ്ടം.
ചെറുപ്പം മുതലേ ആഡംബരങ്ങളോട് വലിയ മമതയില്ല; ആഭരണങ്ങളോട് പ്രത്യേകിച്ചും. 12 വര്‍ഷംമുമ്പ് ഭര്‍ത്താവ് വി. രാമപ്രസാദ് മരിച്ചതോടെ നെറ്റിയിലെ വലിയ സിന്ദൂരപ്പൊട്ട് ചന്ദനംകൊണ്ടും ഭസ്മം കൊണ്ടും നീട്ടിവരച്ച കുറികള്‍ക്ക് വഴിമാറി. കൂടുതല്‍ നേരം പ്രാര്‍ഥനയാണ്. പിന്നെ ആരാധകര്‍ക്കുവേണ്ടി സംഗീതവും.
ഏക മകന്‍ മുരളീകൃഷ്ണ. മരുമകള്‍ ഉമ. അവര്‍ക്ക് അമൃതവര്‍ഷിണി, അപ്സര എന്നീ മക്കള്‍. കുടുംബത്തോടൊപ്പമുണ്ടാകുന്ന സന്തോഷം പറഞ്ഞറിയിക്കാവുന്നതല്ല. ചേച്ചിയുടെ മകന്‍ ബദരീനാഥ് യാത്രകളിലൊക്കെ കൂടെയുണ്ടാവും. ബദരീനാഥിന്‍െറ കൂട്ടുകാരനായ സുജേഷ് എനിക്ക് മകനെപ്പോലെയാണ്. ആന്ധ്രക്കാരിയായി വന്ന് വള്ളുവനാട്ടുകാരിയായാണ് എസ്. ജാനകി മടങ്ങിയത്. യാത്രയാക്കാനെത്തിയത് നിഷ്കളങ്കരായ ഗ്രാമീണരായിരുന്നു. അവരുടെ സ്നേഹവായ്പിനുമുന്നില്‍ ജാനകിയമ്മയുടെയും കണ്ണ് നിറഞ്ഞു. തെല്ലിട പക്വത വീണ്ടെടുത്ത അവര്‍ പറഞ്ഞു: വൈകാതെ ഞാന്‍ വീണ്ടും വരും.  |
| ഡി.ഐ.ജി ശ്രീജിത്തിനെതിരെ നടപടിവേണമെന്ന് ഡി.ജി.പി Posted: 02 Feb 2013 10:24 PM PST Image:  തിരുവനന്തപുരം: ഡി.ഐ.ജി ശ്രീജിത്തിനെതിരെ നടപടിവേണമെന്ന് ഡി.ജി.പി യുടെ റിപ്പോര്‍ട്ട്. ശ്രീജിത്തിനെ സസ്പെന്‍ഡ് ചെയ്ത് അദ്ദേഹത്തിനെതിരായ ആരോപണങ്ങളെ കുറിച്ച് വിശദമായ അന്വേഷണം നടത്തണമെന്നും ഡി.ജി.പി സര്‍ക്കാറിനോട് ശിപാര്‍ശ ചെയ്തു. ഐസ്ക്രീം പെണ്‍വാണിഭ കേസില്‍ കെ.എ റഊഫ് നടത്തിയ ഇടപെടലുകളില്‍ ശ്രീജിത്തിനെതിരെ ഉയര്‍ന്ന ആരോപണങ്ങളില്‍ വസ്തുതയുണ്ടെന്ന് തെളിഞ്ഞ സാഹചര്യത്തില്‍ നടപടിയെടുക്കണമെന്ന് ഡി.ജി.പി സര്‍ക്കാരിന് നല്‍കിയ റിപ്പോര്‍ട്ടില്‍ പറയുന്നു. ചീഫ് സെക്രട്ടറിക്കും ആഭ്യന്തരസെക്രട്ടറിക്കുമാണ് ഡി.ജി. പി റിപ്പോര്‍ട്ട് നല്‍കിയിട്ടുള്ളത്. ശ്രീജിത്തിനെ സസ്പെന്‍ഡ് ചെയ്തു മാറ്റി നിര്‍ത്തി ഉന്നതപൊലീസ് ഉദ്യോഗസ്ഥരെ കൊണ്ട് അന്വേഷിപ്പിക്കണമെന്നാണ് ഡി.ജി.പി ശിപാര്‍ശ ചെയ്തിരിക്കുന്നത്. ഐസ്ക്രീം കേസില്‍ വെളിപ്പെടുത്തലുകള്‍ നടത്തിയ റഊഫുമായി ശ്രീജിത്ത് നിരന്തരം ബന്ധപ്പെട്ടിരുന്നതായി ഇന്‍്റലിജന്‍സ് റിപ്പോര്‍ട്ട് ചെയ്തിരുന്നു. റഊഫുമായി ചേര്‍ന്ന് ഡി.ഐ.ജി ശ്രീജിത്ത് കുടകിലുള്ള ഒരാളുടെ ഭൂമി തട്ടിയെടുക്കാന്‍ പദ്ധതിയിട്ടതായും ആരോപണം ഉയര്‍ന്നിരുന്നു. സംഭവുമായി ബന്ധപ്പെട്ട് റഊഫുമായി നടത്തിയ ഫോണ്‍സംഭാഷണം പുറത്തുവന്നപ്പോഴാണ് സര്‍ക്കാര്‍ അന്വേഷണത്തിന് ഉത്തരവിട്ടത്. മലപ്പുറം ഡി.വൈ.എസ്.പി അഭിലാഷിനെ കൈക്കൂലിക്കേസില്‍ കുടുക്കാന്‍ ശ്രമിച്ചതിലും ശ്രീജിത്തിന്റെ പങ്കിനെ കുറിച്ചും ഡിജിപിയുടെ നിര്‍ദേശത്തിന്റെ അടിസ്ഥാനത്തില്‍ തൃശൂര്‍ റെയ്ഞ്ച് ഐ.ജി ഗോപിനാഥ് പ്രാഥമിക അന്വേഷണം നടത്തിയിരുന്നു. ശ്രിജിത്തില്‍ നിന്നും ഡിവൈഎസ്പി അഭിലാഷില്‍ നിന്നും ഗോപിനാഥ് മൊഴിരേഖപ്പെടുത്തിയിരുന്നു. ആരോപണങ്ങളില്‍ കഴമ്പുണ്ടെന്നും വിശദമായ അന്വേഷണം ആവശ്യമാണെന്നും ഐജി ഗോപിനാഥ് ഡിജിപി കെ.എസ്.ബാലസുബ്രമണ്യത്തിന് റിപ്പോര്‍ട്ട് നല്‍കിയിരുന്നു.  |
| സൂര്യനെല്ലി കേസ് പുനരന്വേഷണം: നിയമോപദേശത്തിന് ശേഷം തീരുമാനം Posted: 02 Feb 2013 09:54 PM PST Image:  തിരുവന്തപുരം: സൂര്യനെല്ലിക്കേസില്‍ നിയമോപദേശം കിട്ടിയശേഷം തുടരന്വേഷണം വേണമോയെന്ന കാര്യത്തില്‍ തീരുമാനമെടുക്കുമെന്ന് ആഭ്യന്തരമന്ത്രി തിരുവഞ്ചൂര്‍ രാധാകൃഷ്ണന്‍. 17 വര്‍ഷം മുമ്പ് നടന്ന സംഭവം പലരും അന്വേഷിച്ചതാണ്. വീണ്ടുമൊരു അന്വേഷണം വേണമോയൊന്ന് വിദഗ്‌ധോപദേശത്തിന് ശേഷം മാത്രമേ തീരുമാനിക്കാന്‍ സാധിക്കുകയുള്ളു. ഇക്കാര്യത്തില്‍ എ.ജിയുടെയും ഡയറക്ടര്‍ ജനറല്‍ ഓഫ് പ്രോസിക്യൂഷന്റെയും നിയമോപദേശം തേടുമെന്നും അദ്ദേഹം വ്യക്തമാക്കി. കേസന്വേഷണ സംഘത്തിലുണ്ടായിരുന്ന സിബി മാത്യൂസിന്റെയും കെ.കെ. ജോഷ്വായുടേയും പ്രശ്‌നത്തില്‍ ആഭ്യന്തരവകുപ്പ് ഇടപെടില്ല. കുര്യനെ ബ്ലാക്ക്‌മെയില്‍ ചെയ്യാനുള്ള ശ്രമമാണ് നടക്കുന്നതെന്നാണ് കരുതുന്നത്. ഒരാളെ വ്യക്തിപരമായി ഇത്തരത്തില്‍ അധിക്ഷേപിക്കുന്നതില്‍ എതിര്‍പ്പുണ്ട്. ജോഷ്വക്കെതിരെ കുര്യന്റെ പരാതി ലഭിച്ചിരുന്നു. ജോഷ്വക്കെതിരെ നടപടിയെടുക്കാതിരുന്നതിന് കാരണങ്ങളുണ്ട്. കുര്യന്റെ പരാതി ലഭിക്കുമ്പോള്‍ ജോഷ്വ വിജിലന്‍സ് വിഭാഗത്തില്‍ ആയിരുന്നു. ക്രൈംബ്രാഞ്ച് അന്വേഷിക്കുന്ന കേസില്‍ ജോഷ്വക്ക് ഇടപെടാന്‍ കഴിയില്ലെന്ന് ബോധ്യമായിരുന്നു. അക്കാരണത്താലാണ് ജോഷ്വക്കെതിരെ നടപടിയെടുക്കാതിരുന്നതെന്നും തിരുവഞ്ചൂര്‍ പറഞ്ഞു. കുര്യന്‍ തന്നെ പീഡിപ്പിച്ചെന്നും ഇക്കാര്യത്തില്‍ തുടരന്വേഷണം നടത്തണമെന്നും ആവശ്യപ്പെട്ട് സൂര്യനെല്ലി പെണ്‍കുട്ടി കഴിഞ്ഞദിവസം മുഖ്യമന്ത്രിക്ക് ഫാക്‌സ് അയച്ചിരുന്നു.
 |
| You are subscribed to email updates from To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
No comments:
Post a Comment