സോളാര്‍ കേസ് സാമ്പത്തിക തിരിമറി; കേന്ദ്ര ബിന്ദു ആന്‍റോ ആന്‍റണിയെന്ന് പി.സി ജോര്‍ജ് Madhyamam News Feeds |  |
- സോളാര്‍ കേസ് സാമ്പത്തിക തിരിമറി; കേന്ദ്ര ബിന്ദു ആന്‍റോ ആന്‍റണിയെന്ന് പി.സി ജോര്‍ജ്
- പയ്യനാട്ട് തെരുവുനായയുടെ പരാക്രമം; ആറുപേര്‍ക്ക് കടിയേറ്റു
- നൂറുമേനിയില്‍ ജില്ലക്ക് തകര്‍പ്പന്‍ മുന്നേറ്റം
- നേപ്പാളില്‍ ബസ് മറിഞ്ഞ് 12 ഇന്ത്യന്‍ തീര്‍ത്ഥാടകര്‍ മരിച്ചു
- തെലങ്കാനയില്‍ കുഞ്ഞുങ്ങള്‍ വില്‍പനക്ക്
- വിദ്യാഭ്യാസ രംഗത്ത് സ്തുത്യര്‍ഹമായ നേട്ടം - സല്‍മാന്‍ രാജാവ്
- യേശുദാസ് എത്തും; ചിരിയമിട്ടുമായി ഇന്നസെന്‍റും ശ്രീനിവാസനും സുരാജും
- ചാമ്പ്യന്‍സ് ലീഗ്: ബാഴ്സയും ബയേണും സെമിയില്‍
- യമനിലെ കുവൈത്ത് സൈന്യത്തിന് എല്ലാ പിന്തുണയും –ആഭ്യന്തര മന്ത്രി
- കേരളത്തില്‍ ഭരണം നടക്കുന്നത് രാത്രി^ കോടിയേരി
- വീരന്‍ ഉറപ്പിച്ചുതന്നെ; സമവായ സാധ്യതകള്‍ അടയുന്നു
- ഒരു കാമ്പസ് ‘പീഡന കഥ’യുടെ പാഠങ്ങള്‍
- യമനിലെ വ്യോമാക്രമണം സൗദി സഖ്യസേന അവസാനിപ്പിച്ചു
- മാനുഷികദുരന്തം
- സര്‍ക്കാറിനെതിരെ എല്‍.ഡി.എഫ് ഉപരോധം ആരംഭിച്ചു
- എസ്.എസ്.എല്‍.സി: പ്രഖ്യാപിച്ച ഫലത്തില്‍ മാറ്റം വരും
- മണിക്കൂറില്‍ 603 കിലോമീറ്റര്‍; ജപ്പാനിലെ മാഗ് ലേവ് ട്രെയിന്‍ റെക്കോഡ് തിരുത്തി
- മുര്‍സിക്കെതിരായ വിധിയില്‍ പരക്കെ വിമര്‍ശം
- ‘ഇ. ശ്രീധരന്, അങ്ങ് കേരളം വിടരുത്’
- ഏഷ്യന്‍ ചാമ്പ്യന്‍ഷിപ് ബാഡ്മിന്‍റണ്‍; കശ്യപ് രണ്ടാം റൗണ്ടില്‍
- അങ്കിതിന്‍െറ മരണത്തിന് പിന്നാലെ വിവാദങ്ങളും
- മയക്കുമരുന്നിന് അടിമയായ സ്ത്രീ ആറ് മക്കളെ കൊന്ന് കുഴിച്ചുമൂടി
- സൂപ്പര്‍ ഓവറില്‍ പഞ്ചാബ് ജയം
- മുഹമ്മദ് മുര്‍സിക്ക് 20 വര്‍ഷം തടവ്
- എസ്.എസ്.എല്‍.സി: ജില്ലയില്‍ 97.33 ശതമാനം വിജയം; 1073 പേര്‍ക്ക് എല്ലാ വിഷയങ്ങള്‍ക്കും എ പ്ളസ്
| സോളാര്‍ കേസ് സാമ്പത്തിക തിരിമറി; കേന്ദ്ര ബിന്ദു ആന്‍റോ ആന്‍റണിയെന്ന് പി.സി ജോര്‍ജ് Posted: 22 Apr 2015 12:19 AM PDT Image:  തിരുവനന്തപുരം: സോളര്‍ കേസില്‍ നടന്നത് സാമ്പത്തിക തിരിമറിയാണെന്ന് പി.സി ജോര്‍ജ്. കേസില്‍ സരിത എസ്.നായര്‍ ഏജന്‍റ് മാത്രമാണ്. സോളാര്‍ ഇടപാടിന്‍റെ കേന്ദ്രബിന്ദു ആന്‍റോ ആന്‍റണി എം.പിയാണെന്നും പി.സി.ജോര്‍ജ് പറഞ്ഞു. കേസില്‍ സോളാര്‍ കമ്മീഷനു മുമ്പാകെ മൊഴി നല്‍കാന്‍ എത്തിയതായിരുന്നു അദ്ദേഹം. കേരളം മുഴുവന്‍ സോളാര്‍ പദ്ധതി വ്യാപിപ്പിക്കാന്‍ കമ്പനിയുണ്ടാക്കി. സംസ്ഥാന സര്‍ക്കാരിനു മുന്‍പാകെ സമര്‍പിക്കപ്പെട്ട 1.6 ലക്ഷം കോടി രൂപയുടെ പദ്ധതിയുടെ ചുവടുപിടിച്ചാണ് തട്ടിപ്പ് നടന്നത്. മുഖ്യമന്ത്രി ഉമ്മന്‍ചാണ്ടിക്കും മന്ത്രി തിരുവഞ്ചൂര്‍ രാധാകൃഷ്ണനും അതില്‍ പങ്കുണ്ട്. സോളാര്‍ ഇടപാടില്‍ മന്ത്രിമാരായ ആര്യാടന്‍ മുഹമ്മദിനും കെ.ബാബുവിനും വ്യക്തമായ പങ്കുണ്ട്. മുഖ്യമന്ത്രി ഉള്‍പ്പെടെയുള്ള ചിലര്‍ ഇതൊരു ബിസിനസായി കൊണ്ടുപോകാമെന്ന് തിരുമാനിച്ചിരുന്നു. ഇതെല്ലാം തെളിയിക്കുന്ന രേഖകള്‍ തന്‍റെ കൈവശമുണ്ടെന്നും പി.സി.ജോര്‍ജ് വെളിപ്പെടുത്തി.  |
| പയ്യനാട്ട് തെരുവുനായയുടെ പരാക്രമം; ആറുപേര്‍ക്ക് കടിയേറ്റു Posted: 22 Apr 2015 12:07 AM PDT പയ്യനാട്: മഞ്ചേരി പയ്യനാട്ടെ അമയംകോട്, ചോലക്കല്‍, മടയംകോട്, കാരേപറമ്പ്, എലമ്പ്ര എന്നിവിടങ്ങളില്‍ തെരുവുനായയുടെ പരാക്രമത്തില്‍ ആറുപേര്‍ക്ക് കടിയേറ്റു. ചൊവ്വാഴ്ച വൈകീട്ടാണ് പേയിളകി ഓടിയ നായ പലരെയും കടിച്ചത്.  |
| നൂറുമേനിയില്‍ ജില്ലക്ക് തകര്‍പ്പന്‍ മുന്നേറ്റം Posted: 21 Apr 2015 11:12 PM PDT കോഴിക്കോട്: മാറിമറിഞ്ഞുകൊണ്ടിരിക്കുന്ന എസ്.എസ്.എല്‍.സി ഫലപ്രഖ്യാപനത്തില്‍ ഇതുവരെ ലഭിച്ച കണക്കനുസരിച്ച് ജില്ലയില്‍ നൂറുമേനി വിജയംകൊയ്തത് 113 സ്കൂളുകള്‍. കഴിഞ്ഞവര്‍ഷം 65 സ്കൂളുകള്‍ക്കായിരുന്നു 100 ശതമാനം വിജയം. 2012ല്‍ 37ഉം 2013ല്‍ 40 ഉം 2014ല്‍ 65ഉം ആയിരുന്ന നൂറുമേനി സ്കൂളുകളുടെ എണ്ണമാണ് ഈവര്‍ഷം 113 ലേക്ക് കുതിച്ചത്.  |
| നേപ്പാളില്‍ ബസ് മറിഞ്ഞ് 12 ഇന്ത്യന്‍ തീര്‍ത്ഥാടകര്‍ മരിച്ചു Posted: 21 Apr 2015 11:03 PM PDT Image:  കാഠ്മണ്ഡു: നേപ്പാള്‍ തലസ്ഥാനമായ കാഠ്മണ്ഡുവിനടുത്ത് ബസ് കൊക്കയിലേക്ക് മറിഞ്ഞ് 12 ഇന്ത്യന്‍ തീര്‍ത്ഥാടകര്‍ മരിച്ചു. മരിച്ചവരില്‍ അഞ്ചുപേര്‍ സ്ത്രീകളാണ്. അപകടത്തില്‍ 37 പേര്‍ക്ക് പരിക്കേറ്റു. പരിക്കേറ്റ ആറുപേരുടെ നില ഗുരുതരമാണ്. ഇവരെ കാഠ്മണ്ഡുവിലെ സ്വകാര്യ ആശുപത്രിയില്‍ പ്രവേശിപ്പിച്ചു.  |
| തെലങ്കാനയില്‍ കുഞ്ഞുങ്ങള്‍ വില്‍പനക്ക് Posted: 21 Apr 2015 10:29 PM PDT Image:  ഹൈദരാബാദ്: രാജ്യത്തെ പുതിയ സംസ്ഥാനമായ തെലങ്കാനയില്‍ കുഞ്ഞുങ്ങള്‍ വില്‍പനക്ക്. ആവശ്യപ്പെട്ട് അര മണിക്കൂറിനകം കുട്ടിയെ കൈമാറുന്ന തരത്തില്‍ ശക്തമായ റാക്കറ്റാണ് സംസ്ഥാനത്ത് പ്രവര്‍ത്തിക്കുന്നത്. 5000 രൂപ മുതല്‍ 50000 രൂപ വരെ വാങ്ങിയാണ് റാക്കറ്റ് കുഞ്ഞുങ്ങളെ വില്‍ക്കുന്നത്. ദേശീയ ചാനല്‍ നടത്തിയ അന്വേഷണത്തിലാണ് കുഞ്ഞുങ്ങളെ വില്‍ക്കുന്നത് സംബന്ധിച്ച വിവരങ്ങള്‍ പുറത്തായത്. കുഞ്ഞുങ്ങളെ ഒരാഴ്ചക്കകം എത്തിക്കാമെന്നും കുട്ടികളുടെ ഫോട്ടോകള്‍ വാട്സ് ആപ്പ് വഴിയോ ഇ മെയില്‍ വഴിയോ അയക്കാമെന്നും ഇടനിലക്കാരന്‍ പറയുന്നു. അയ്യായിരം രൂപക്ക് പെണ്‍കുഞ്ഞുങ്ങളെ എത്തിക്കാമെന്നും പിറ്റന്നേ് വന്നാല്‍, വേണമെങ്കില്‍, ഇരട്ട കുട്ടികളെ തന്നെ എത്തിക്കാമെന്നുമാണ് വാഗ്ദാനം. പിറ്റേദിവസം ഇടനിലക്കാരന്‍ കുട്ടിയെ സംഘടിപ്പിച്ചതായി അറിയിച്ച് വിളിക്കുകയും മുപ്പതിനായിരം രൂപക്ക് പെണ്‍കുട്ടിയെ വാങ്ങാമെന്നും പറഞ്ഞു. 23 ദിവസം പ്രായമുള്ള ഭവാനി എന്ന കുഞ്ഞിനെയാണ് സംഘടിപ്പിച്ചിരുന്നത്. എന്നാല്‍, പിറ്റന്നേ് നേരില്‍ കണ്ടപ്പോള്‍ അമ്പതിനായിരം രൂപ വേണമെന്ന് അവര്‍ ആവശ്യപ്പെട്ടു. ഉദ്യോഗസ്ഥര്‍ക്കും മറ്റും കൈക്കൂലി കൊടുക്കുന്നതിനാണ് അധിക തുകയെന്നും അവര്‍ പറഞ്ഞു. കമലി ബായ് എന്ന ഇടനിലക്കാരി സഹോദരന്‍മാരുടെ കുട്ടികളുള്‍പ്പെടെ 20ലേറെ പെണ്‍കുഞ്ഞുങ്ങളെ വിറ്റതായി വെളിപ്പെടുത്തി. കുഞ്ഞിനെ വാങ്ങാനായി ഇടനിലക്കാര്‍ കൊണ്ടുപോയ താവളത്തില്‍ അമ്മയെയും കുഞ്ഞിനെയും എത്തിച്ചിരുന്നു. കുഞ്ഞിനെ കണ്ട് കാര്യങ്ങള്‍ വ്യക്തമായ ശേഷം ഇടപാടിനായി മറ്റൊരു ദിവസം വരാമെന്ന് പറഞ്ഞ് ചാനല്‍സംഘം മടങ്ങുകയായിരുന്നു. ഗ്രാമപ്രദേശങ്ങളിലെ ദാരിദ്ര്യത്തെ മുതലെടുത്തുകൊണ്ടുള്ള മനുഷ്യകടത്താണ് തെലങ്കാനയില്‍ നടക്കുന്നത്.  |
| വിദ്യാഭ്യാസ രംഗത്ത് സ്തുത്യര്‍ഹമായ നേട്ടം - സല്‍മാന്‍ രാജാവ് Posted: 21 Apr 2015 10:28 PM PDT റിയാദ്: വിദ്യാഭ്യാസ രംഗത്ത് സൗദി അറേബ്യ വന്‍ പുരോഗതിയാണ് കഴിഞ്ഞ പതിറ്റാണ്ടുകളില്‍ കൈവരിച്ചതെന്ന് സൗദി ഭരണാധികാരി സല്‍മാന്‍ രാജാവ് പറഞ്ഞു. വിദ്യാഭ്യാസ മന്ത്രി അസ്സാം അദ്ദഖീലിനോടൊപ്പം രാജാവിനെ സന്ദര്‍ശിക്കാനത്തെിയ സര്‍വകലാശാല മേധാവികളോട് സംസാരിക്കുകയായിരുന്നു അദ്ദേഹം. തലസ്ഥാനത്തെ അല്‍യമാമ കൊട്ടാരത്തില്‍ നടന്ന സ്വീകരണ പരിപാടിയില്‍ കിരീടാവകാശി അമീര്‍ മുഖ്രിന്‍ ബിന്‍ അബ്ദുല്‍ അസീസ്, രണ്ടാം കിരീടാവകാശിയും ആഭ്യന്തര മന്ത്രിയുമായ അമീര്‍ മുഹമ്മദ് ബിന്‍ നായിഫ് എന്നിവരും പങ്കെടുത്തു.  |
| യേശുദാസ് എത്തും; ചിരിയമിട്ടുമായി ഇന്നസെന്‍റും ശ്രീനിവാസനും സുരാജും Posted: 21 Apr 2015 10:01 PM PDT Image:  ദുബൈ: ഗള്‍ഫ് മാധ്യമം മധുരമെന്‍ മലയാളം പരിപാടിയുടെ സമ്മാനദാനത്തോടനുബന്ധിച്ച് നടക്കുന്ന സംസ്കാരികോത്സവത്തിനായി അണിയറയിലൊരുങ്ങുന്നത് പുതുമയേറിയ പരിപാടികള്‍. വെള്ളിയാഴ്ച ദുബൈ മെയ്ദാന്‍ ആംഫി തിയറ്ററില്‍ വൈകിട്ട് ഏഴുമണിക്കാരംഭിക്കുന്ന പരിപാടിയില്‍ മലയാള ഭാഷയുടെ തുടിപ്പുകള്‍ പാട്ടും നൃത്തവും ഹാസ്യവിരുന്നുമായി താളം കൊട്ടും. മാധ്യമം കുടുംബത്തില്‍ നിന്നുള്ള രണ്ടാമത്തെ ടെലിവിഷന്‍ ചാനലായ മീഡിയ വണ്‍ ഗള്‍ഫിന്‍െറ പിറവിക്കും ചടങ്ങ് സാക്ഷ്യം വഹിക്കും.  |
| ചാമ്പ്യന്‍സ് ലീഗ്: ബാഴ്സയും ബയേണും സെമിയില്‍ Posted: 21 Apr 2015 09:18 PM PDT Image:  ബാഴ്സലോണ/മ്യൂണിക്: ബാഴ്സലോണയും ബയേണ്‍ മ്യൂണികും യുവേഫ ചാമ്പ്യന്‍സ് ലീഗ് ഫുട്ബാളിന്‍െറ സെമിഫൈനലില്‍ കടന്നു. ക്വാര്‍ട്ടര്‍ ഫൈനലിന്‍െറ രണ്ടാം പാദത്തില്‍ പാരിസ് എസ്. ജിയെ ബാഴ്സലോണ 2^0ന് തോല്‍പ്പിച്ചപ്പോള്‍ ഒന്നിനെതിരെ ആറ് ഗോളുകള്‍ക്കാണ് ബയേണ്‍ മ്യൂണിക്ക് പോര്‍ച്ചുഗീസ് ക്ളബായ എഫ്.സി പോര്‍ടോയെ പരാജയപ്പെടുത്തിയത്. 34ാം മിനിറ്റിലാണ് നെയ്മര്‍ രണ്ടാം ഗോള്‍ നേടിയത്. ഗോള്‍പോസ്റ്റിന് മുന്നിലെ ബോക്സില്‍ മാര്‍ക്ക് ചെയ്യപ്പെടാതെ നിന്ന നെയ്മറിന് ഡാനി ആല്‍വസ് പന്ത് ക്രോസ് ചെയ്യുകയായിരുന്നു. പാകപ്പിഴവില്ലാതെ നെയ്മര്‍ വീണ്ടും വലകുലുക്കി. ഈ ജയത്തോടെ ഇരുപാദങ്ങളിലുമായി ബാഴ്സ നേടിയ ഗോളുകള്‍ ഒന്നിനെതിരെ അഞ്ചായി.  |
| യമനിലെ കുവൈത്ത് സൈന്യത്തിന് എല്ലാ പിന്തുണയും –ആഭ്യന്തര മന്ത്രി Posted: 21 Apr 2015 09:10 PM PDT Image:  കുവൈത്ത് സിറ്റി: യമനില്‍ യുദ്ധം നടത്തിക്കൊണ്ടിരിക്കുന്ന കുവൈത്ത് സൈന്യത്തിന് എല്ലാ സഹായങ്ങളും സര്‍ക്കാര്‍ നല്‍കുമെന്ന് ആഭ്യന്തര മന്ത്രി ശൈഖ് മുഹമ്മദ് അല്‍ ഖാലിദ് അല്‍ഹമദ് അസ്സബാഹും പ്രതിരോധ മന്ത്രി ശൈഖ് സബാഹ് ഖാലിദ് അല്‍ ജര്‍റാഹും വ്യക്തമാക്കി.  |
| കേരളത്തില്‍ ഭരണം നടക്കുന്നത് രാത്രി^ കോടിയേരി Posted: 21 Apr 2015 09:07 PM PDT Image:  തിരുവനന്തപുരം: കേരളത്തില്‍ ഭരണം നടക്കുന്നത് രാത്രിയിലാണെന്ന് സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണന്‍. മന്ത്രിമാര്‍ കൈക്കൂലി ചോദിച്ചു വാങ്ങുകയാണ്. കോഴ ഇടപാടു നടത്തുന്നത് വൈകിട്ട് അഞ്ചു മണിക്ക് ശേഷമാണ്. എന്തിനാണ് സര്‍ക്കാര്‍ ഇങ്ങനെ ഭരിക്കുന്നതെന്നും കോടിയേരി ആരാഞ്ഞു. ബാര്‍ കോഴ ആരോപണം നേരിടുന്ന ധനമന്ത്രി കെ.എം മാണി രാജിവെക്കണമെന്നാവശ്യപ്പെട്ട് പ്രതിപക്ഷം നടത്തുന്ന സെക്രട്ടേറിയറ്റ് ഉപരോധം ഒൗദ്യോഗികമായി ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. മാണി രാജിവെക്കുന്നതു വരെ സമരം ശക്തമായി തുടരുമെന്നും കോടിയേരി വ്യക്തമാക്കി. അരുവിക്കരയിലെ വോട്ട് പിടിക്കുന്നതിന് വേണ്ടിയാണ് മുഖ്യമന്ത്രി ഉമ്മന്‍ചാണ്ടി കഴിഞ്ഞദിവസം തിരുവനന്തപുരത്ത് ജനസമ്പര്‍ക്ക പരിപാടി സംഘടിപ്പിച്ചത്. എസ്.എസ്.എല്‍.സി ഫലം അലങ്കേലപ്പെട്ടത് സംബന്ധിച്ച് അന്വേഷണം നടത്തണം. സംഭവത്തിന്‍്റെ ഉത്തരവാദിത്വം വിദ്യാഭ്യാസമന്ത്രി അബ്ദു റബ്ബിനാണെന്നും കോടിയേരി പറഞ്ഞു. മാണിക്കെതിരായ പ്രതിഷേധ സമരത്തിനായി രാവിലെ 5.30 ഓടെ തന്നെ പ്രവര്‍ത്തകര്‍ സെക്രട്ടേറിയറ്റിന് മുന്നിലത്തെിയിരുന്നു. കണ്ടോണ്‍മെന്‍്റ് ഗേറ്റ് ഉപരോധിക്കാന്‍ ശ്രമിച്ച വി.ശിവന്‍കുട്ടി എം.എല്‍.എ അടക്കമുള്ള നാല് പേരെ പൊലീസ് അറസ്റ്റ് ചെയ്തു നീക്കി. സെക്രട്ടേറിയറ്റിന് മുന്നിലും ഒരോ ഗേറ്റിലും കക്ഷി തിരിഞ്ഞ് ഉപരോധിക്കാനാണ് പ്രതിപക്ഷം ശ്രമിച്ചത്. മന്ത്രിസഭാ യോഗത്തിന് മന്ത്രിമാരെ സെക്രട്ടേറിയറ്റിനുള്ളില്‍ കടക്കാന്‍ അനുവദിക്കില്ല എന്ന് പ്രതിപക്ഷം ഇന്നലെ പ്രഖ്യാപിച്ചിരുന്നു. എന്നാല്‍ പ്രതിപക്ഷത്തിന്‍്റെ ശക്തമായ ഉപരോധത്തിനിടയില്‍ മുഖ്യമന്ത്രിയും മറ്റ് മന്ത്രിമാരും സെക്രട്ടേറിയറ്റിനുള്ളില്‍ പ്രവേശിച്ചു. നാല് ഗേറ്റും ഉപരോധിക്കാന്‍ സി.പി.എം, സി.പി.ഐ പ്രവര്‍ത്തകര്‍ക്ക് കഴിഞ്ഞെങ്കിലും കണ്ടോണ്‍മെന്‍റ് ഗേറ്റ് വഴിയാണ് പൊലീസ് മന്ത്രിമാരെ സെക്രട്ടേറിയറ്റിനുള്ളില്‍ എത്തിച്ചത്. മുഖ്യമന്ത്രി വരുന്ന വഴിയില്‍ പൊലീസ് കനത്ത സുരക്ഷ ഏര്‍പ്പെടുത്തിയിരുന്നു.  |
| വീരന്‍ ഉറപ്പിച്ചുതന്നെ; സമവായ സാധ്യതകള്‍ അടയുന്നു Posted: 21 Apr 2015 08:01 PM PDT Image:  Subtitle: കോണ്‍ഗ്രസിന്‍െറ പരിശ്രമം താല്‍ക്കാലിക ഒത്തുതീര്‍പ്പായി മാറും തിരുവനന്തപുരം: എം.പി. വീരേന്ദ്രകുമാര്‍ നയിക്കുന്ന ജനതാദള്‍-യുവിനെ അനുനയിപ്പിക്കാന്‍ കോണ്‍ഗ്രസ് നേതൃത്വം നീക്കം തുടങ്ങിയെങ്കിലും സമവായ സാധ്യതകള്‍ അടയുന്നു. ദേശീയതലത്തില്‍ ജനതാ പരിവാര്‍ രൂപവത്കരണം യാഥാര്‍ഥ്യമാകുന്നതിനൊപ്പം ഇടതുമുന്നണിയിലേക്ക് മടങ്ങാന്‍ വീരേന്ദ്രകുമാറും കൂട്ടരും മാനസികമായി തയാറെടുത്തു കഴിഞ്ഞു. അതിനാല്‍, കോണ്‍ഗ്രസ് നേതൃത്വത്തിന്‍െറ പരിശ്രമം ഏതാനും മാസത്തേക്ക് മാത്രമുള്ള താല്‍ക്കാലിക ഒത്തുതീര്‍പ്പായി മാറും. യു.ഡി.എഫിനോടുള്ള പാര്‍ട്ടിയുടെ നിലപാട് വാര്‍ത്താസമ്മേളനം വിളിച്ച് പരസ്യമാക്കിയ വീരേന്ദ്രകുമാര്‍, തങ്ങള്‍ ഇതുവരെ മുന്നണിയില്‍ നേരിട്ട അവഗണനകള്‍ എണ്ണിയെണ്ണി വിശദീകരിച്ചെന്ന് മാത്രമല്ല ഇടതു മുന്നണിയായിരുന്നു ഭേദമെന്ന് വ്യക്തമാക്കുകയും ചെയ്തു. ലോക്സഭാ തെരഞ്ഞെടുപ്പില്‍ പാലക്കാട് സീറ്റില്‍ നേരിട്ട കനത്ത തോല്‍വിക്ക് ശേഷം പൊതുവെ യു.ഡി.എഫുമായി അകലം പാലിക്കുന്ന വീരേന്ദ്രകുമാര്‍, സി.പി.എമ്മിന്‍െറ ദേശീയ, സംസ്ഥാന നേതൃത്വത്തില്‍ ഉണ്ടായ മാറ്റങ്ങളെ സമയോചിതമായി പ്രയോജനപ്പെടുത്താനാണ് ഒരുങ്ങുന്നത്. ലോക്സഭാ തെരഞ്ഞെടുപ്പില്‍ പാലക്കാട് സീറ്റില്‍ വീരേന്ദ്രകുമാറിനുണ്ടായ തോല്‍വിയെപ്പറ്റി പരിശോധിക്കുന്ന യു.ഡി.എഫ് ഉപസമിതിയുടെ റിപ്പോര്‍ട്ട് ലഭിച്ചാലുടന്‍ നടപടി സ്വീകരിക്കുമെന്ന് വീരേന്ദ്രകുമാറിന് ഉറപ്പുനല്‍കാനാണ് കോണ്‍ഗ്രസ് തീരുമാനം. വീരനും കൂട്ടരും മുന്നണി വിടുമെന്ന കാര്യം കോണ്‍ഗ്രസ്-യു.ഡി.എഫ് നേതാക്കളും രഹസ്യമായിട്ടാണെങ്കിലും സമ്മതിക്കുന്നുണ്ട്.  |
| ഒരു കാമ്പസ് ‘പീഡന കഥ’യുടെ പാഠങ്ങള്‍ Posted: 21 Apr 2015 07:53 PM PDT Image: 
റോളിങ് സ്റ്റോണ്‍ എന്ന പ്രസിദ്ധീകരണത്തില്‍വന്ന വാര്‍ത്തയുടെ തലക്കെട്ട് ‘റേപ് ഇന്‍ കാമ്പസ്’ എന്നായിരുന്നു. ബലാത്സംഗത്തെ അവരിപ്പോഴും പീഡനമെന്ന് പരിഷ്കരിച്ചിട്ടില്ല. സാന്‍ഫ്രാന്‍സിസ്കോയില്‍ 1967 മുതല്‍ പ്രവര്‍ത്തിക്കുന്ന ദൈ്വവാരികയാണ് റോളിങ് സ്റ്റോണ്‍. കാമ്പസുകളില്‍ ബലാത്സംഗം പെരുകുന്നതായി സൂചിപ്പിക്കുന്ന സംഭവങ്ങള്‍ സമീപകാലത്തുണ്ടായപ്പോഴാണ് പത്രാധിപസമിതി ഇക്കാര്യമന്വേഷിക്കാന്‍ തീരുമാനിച്ചത്. 2014 ജൂണില്‍ മാഗസിനിന്‍െറ മുതിര്‍ന്ന റിപ്പോര്‍ട്ടര്‍ സബ്രിനാ റുബിന്‍ എര്‍ഡ്ലി കാമ്പസ് ലൈംഗിക കുറ്റകൃത്യങ്ങളെ കുറിച്ച് അന്വേഷണമാരംഭിച്ചു. അവര്‍ യൂനിവേഴ്സിറ്റി ഓഫ് വെര്‍ജീനിയയിലെ സ്റ്റാഫ് അംഗമായ എമിലി റെന്‍ഡയുടെ സഹായംതേടി. ലൈംഗികാക്രമണത്തിന് ഇരയായവരെ സഹായിക്കുന്ന ഒരു ഗ്രൂപ്പിന്‍െറ പ്രവര്‍ത്തക കൂടിയായിരുന്നു എമിലി റെന്‍ഡ. പീഡിപ്പിക്കപ്പെട്ട ആരെയെങ്കിലും ബന്ധപ്പെടുത്തണം എന്നാണവര്‍ ആവശ്യപ്പട്ടത്. തന്‍െറ സഹപ്രവര്‍ത്തകയായിക്കഴിഞ്ഞ ഒരു പൂര്‍വവിദ്യാര്‍ഥിനി സ്വന്തം അനുഭവം പറയുമെന്ന് എമിലി റെന്‍ഡ അറിയിച്ചപ്പോള്‍ ലേഖികക്ക് സന്തോഷമായി. പെണ്‍കുട്ടിയുമായി ഇ-മെയിലില്‍ നിരന്തരം ബന്ധപ്പെട്ട് അവര്‍ വിവരങ്ങള്‍ ശേഖരിച്ചു. യഥാര്‍ഥപേരിന്‍െറ ചുരുക്കമായി ജാക്കി എന്നാണ് റോളിങ് സ്റ്റോണ്‍ ഫീച്ചറില്‍ ലൈംഗികാക്രമണത്തിന്‍െറ ഇര വിളിക്കപ്പെട്ടത്. യൂനിവേഴ്സിറ്റി ഓഫ് വെര്‍ജീനിയയില്‍ 2012 സെപ്റ്റംബറിലാണ് തനിക്ക് ക്രൂരമായ ആക്രമണം നേരിടേണ്ടിവന്നത് എന്നവര്‍ ലേഖികയോട് പറഞ്ഞു. കാമ്പസ് പൂളിലെ ലൈഫ്ഗാര്‍ഡായി പ്രവര്‍ത്തിക്കുന്നയാള്‍ ഏഴു ജൂനിയര്‍ വിദ്യാര്‍ഥികളുമായി ചേര്‍ന്നാണ് അതു ചെയ്തത്. ഒരുസംഘം വിദ്യാര്‍ഥികള്‍ നടത്തിയ ഒരു സായാഹ്ന പാര്‍ട്ടിക്ക് ശേഷമാണ് സംഭവം. ആണും പെണ്ണും മൂക്കറ്റംകുടിച്ച് ബോധംകെടുന്നതാണ് ഇത്തരം പാര്‍ട്ടികളുടെ പൊതുസ്വഭാവം. ആഗ്രഹിച്ചതരം കഥയാണ് ലേഖികക്ക് കിട്ടിയത്. പീഡനം ക്രൂരം, പരാതി അവഗണിക്കപ്പെട്ടു, കുറ്റവാളികള്‍ കാമ്പസിലൂടെ ഞെളിഞ്ഞുനടക്കുന്നു, വര്‍ഷം രണ്ടു കഴിഞ്ഞിട്ടും നടപടിയില്ല-ഇതാണ് വാര്‍ത്ത. പരാതിക്കാരിയുടെ വിവരണം അപ്പടി റിപ്പോര്‍ട്ടാക്കുകയല്ല ലേഖിക ചെയ്തത്. സംഭവം സത്യമാണ് എന്ന് ഉറപ്പാക്കാനുള്ള ശ്രമംനടത്തി. ആറുമാസം അവര്‍ അതിനു ചെലവഴിച്ചു. പക്ഷേ, പാടില്ല എന്ന് ജാക്കി നിര്‍ബന്ധം പിടിച്ചതുകൊണ്ടുമാത്രം പലരെയും നേരിട്ട് ചോദ്യംചെയ്യാന്‍ കഴിഞ്ഞില്ല. പലര്‍ക്കും സാങ്കല്‍പ്പിക പേരുകളാണ് റിപ്പോര്‍ട്ടില്‍ നല്‍കിയത്. പെണ്‍കുട്ടിയുടെ പേര് മറച്ചുവെക്കുന്നത് സ്വാഭാവികം. പക്ഷേ, കുറ്റവാളികളുടെ പേര് കൊടുക്കുന്നത് തന്നെ അപകടപ്പെടുത്തുമെന്ന് വിദ്യാര്‍ഥിനി ഭയപ്പെട്ടതുകൊണ്ട് അതും സാങ്കല്‍പ്പികമാക്കി. ലൈംഗികപീഡനത്തിനിരയായ ഒരു വിദ്യാര്‍ഥിനിയെ അവിശ്വസിച്ച്, പറയുന്ന ഓരോവാക്കിനും തെളിവ് ചോദിക്കുക രണ്ടാമതൊരു പീഡനമാവും എന്ന് അറിയുന്നതുകൊണ്ടുതന്നെ, പലതും ചോദ്യംചെയ്യാതെ സ്വീകരിക്കേണ്ടിവന്നു. എന്തായാലും, 2014 നവംബറില്‍ റോളിങ് സ്റ്റോണ്‍ ഫീച്ചര്‍ സവിസ്തരം പ്രസിദ്ധപ്പെടുത്തി. ഇത്രയും ലോകത്തെവിടെയും സംഭവിക്കാവുന്ന കാര്യംതന്നെ. ഇനി നടന്നതൊന്നും അങ്ങനെയല്ല. വാര്‍ത്ത വന്നതുമുതല്‍ അവിശ്വാസത്തിന്‍െറ പുരികങ്ങള്‍ പലേടത്തും ഉയരുന്നുമുണ്ട് എന്ന് ലേഖിക ശ്രദ്ധിക്കുന്നുണ്ടായിരുന്നു. യൂനിവേഴ്സിറ്റി പ്രസിഡന്‍റ് സംഭവം അന്വേഷിക്കണമെന്ന് പൊലീസ് ഉന്നതരോട് ആവശ്യപ്പെട്ടിരുന്നു. ലേഖിക എര്‍ഡ്ലിയും വെറുതെ ഇരുന്നില്ല. തന്‍െറ റിപ്പോര്‍ട്ട് സത്യമാണെന്നു തെളിയിക്കേണ്ടത് ബാധ്യതയായതുകൊണ്ട് അവര്‍ കൂടുതല്‍ അന്വേഷണത്തിന് തുടക്കമിട്ടു. കുറ്റകൃത്യത്തിന് നേതൃത്വംവഹിച്ച ആ ലൈഫ്ഗാര്‍ഡിന്‍െറ പേര് പറയാന്‍ നമ്മുടെ മുഖ്യകഥാപാത്രം ഒടുവില്‍ സമ്മതിച്ചുവെങ്കിലും പേര് കൃത്യമായി പറയാതിരുന്നത് ലേഖികയില്‍ സംശയമുയര്‍ത്തി. പൊലീസും ലേഖികയോട് തെളിവ് ചോദിക്കുന്നുണ്ടായിരുന്നു. ഒരു പ്രസിദ്ധീകരണത്തില്‍വന്ന വാര്‍ത്ത തെറ്റായാലും ശരിയായാലും മറ്റു പ്രസിദ്ധീകരണങ്ങള്‍ കണ്ടില്ളെന്ന് നടിക്കാറില്ല പല വികസിതരാജ്യങ്ങളിലും. വാഷിങ്ടണ്‍ പോസ്റ്റ് അപൂര്‍വമെന്ന് തോന്നിയ ഈ കാമ്പസ് ക്രൂരതയുടെ വിശദാംശങ്ങള്‍ അന്വേഷിച്ചു. പല ഭാഗത്തുനിന്നും ടോര്‍ച്ചടിച്ചു നോക്കിയപ്പോള്‍ ക്രമേണ കഥയിലെ പഴുതുകള്‍ വിപുലവും പ്രകടവുമായി. വാഷിങ്ടണ്‍ പോസ്റ്റ് അവയിലേക്ക് വിരല്‍ചൂണ്ടുന്ന റിപ്പോര്‍ട്ടാണ് പ്രസിദ്ധപ്പെടുത്തിയത്. വിദ്യാര്‍ഥിനിയുടെ സംഭവവിവരണം അവരുടെ ഒപ്പമുണ്ടായിരുന്ന കുട്ടികള്‍പോലും വിശ്വസിക്കുന്നില്ല എന്നും പറഞ്ഞദിവസം ഒരു സോഷ്യല്‍ പാര്‍ട്ടി ഉണ്ടായിരുന്നില്ളെന്നും റിപ്പോര്‍ട്ടര്‍ കണ്ടത്തെി. പത്രം ഈ വിദ്യാര്‍ഥിനികളുമായുള്ള അഭിമുഖവും പ്രസിദ്ധപ്പെടുത്തി. സംശയങ്ങളും അവിശ്വാസവും പെരുകിയപ്പോള്‍ ലേഖികതന്നെ തന്‍െറ എഡിറ്ററോട് കാര്യം തുറന്നുപറഞ്ഞു-ഞാന്‍ എഴുതിയവാര്‍ത്ത ശരിയല്ളെന്ന് എനിക്കു തോന്നുന്നു. റോളിങ് സ്റ്റോണ്‍ സ്ഥാപനത്തിന് വേണമെങ്കില്‍ മൗനംദീക്ഷിച്ച് എല്ലാം മറച്ചുവെക്കാമായിരുന്നു. പക്ഷേ, അവര്‍ നമ്മുടെ നാട്ടിലൊന്നും ഒരു മാധ്യമവും ഇക്കാലംവരെ ചെയ്തിട്ടില്ലാത്ത ഒരു കാര്യംചെയ്തു. വാര്‍ത്ത സംബന്ധിച്ച് തങ്ങള്‍ക്കെന്തെങ്കിലും തെറ്റ് പറ്റിയിട്ടുണ്ടോയെന്ന് പരിശോധിക്കാന്‍ അവര്‍ ലോകപ്രശസ്ത മാധ്യമ പഠന ഗവേഷണസ്ഥാപനമായ കൊളംബിയ യൂനിവേഴ്സിറ്റി ഗ്രാജ്വേറ്റ് സ്കൂള്‍ ഓഫ് ജേണലിസത്തോട് അഭ്യര്‍ഥിച്ചു. സ്ഥാപനത്തിന്‍െറ മൂന്നു വിദഗ്ധന്മാര്‍ സൗജന്യമായി ഈ ചുമതല നിര്‍വഹിക്കാന്‍ തയാറായി. മൂന്നുപേര്‍ ചേര്‍ന്ന് തയാറാക്കിയത് 45 പേജ് വരുന്ന സമഗ്രമായ റിപ്പോര്‍ട്ടാണ്. (http://www.cjr.org/investigation/rolling_stone_investigation.php) വാര്‍ത്താസമ്മേളനം നടത്തിയാണ് അവര്‍ റിപ്പോര്‍ട്ട് ഏപ്രില്‍ അഞ്ചിന് പുറത്തിറക്കിയത്. അല്‍പ്പംകൂടി ശ്രദ്ധിച്ചിരുന്നെങ്കില്‍ ‘ഒഴിവാക്കാമായിരുന്ന ഒരു വീഴ്ച’യാണ് മാധ്യമത്തിന് സംഭവിച്ചതെന്ന് റിപ്പോര്‍ട്ടിന്‍െറ അടിസ്ഥാനത്തില്‍ റോളിങ് സ്റ്റോണ്‍ തെറ്റുകള്‍ ഏറ്റുപറഞ്ഞു- (http://www.rollingstone.com/culture/features/arapeoncampuswhatwe ntwrong20150405) മാനേജിങ് എഡിറ്ററുടെ 12644 വാക്കുകളുള്ള ദീര്‍ഘ വിശദീകരണം അവരുടെ വെബ്സൈറ്റില്‍ പ്രസിദ്ധപ്പെടുത്തി. തുടര്‍ന്ന്, ഏപ്രില്‍ എട്ടിന് കൊളംബിയ യൂനിവേഴ്സിറ്റിയുടെ റിപ്പോര്‍ട്ടിന്‍െറ പ്രധാനഭാഗങ്ങളും പ്രസിദ്ധപ്പെടുത്തി. സ്വന്തംവീഴ്ചകള്‍ ഏറ്റുപറയുന്നതിനാണ് ഒരു മാധ്യമം ഇത്രയും സ്ഥലം ചെലവഴിച്ചതെന്നോര്‍ക്കണം. റിപ്പോര്‍ട്ടിങ്, എഡിറ്റിങ്, എഡിറ്റോറിയല്‍ മേല്‍നോട്ടം, വസ്തുതാപരിശോധന തുടങ്ങിയ തലങ്ങളിലെല്ലാം സംഭവിക്കാന്‍ പാടില്ലാത്ത വീഴ്ചയുണ്ടായി എന്നവര്‍ ഏറ്റുപറഞ്ഞു. തുടര്‍ന്ന്, ലേഖിക സബ്രിനാ റുബിന്‍ എര്‍ഡ്ലി സ്ഥാപനത്തോടും വായനക്കാരോടും സഹപ്രവര്‍ത്തകരോടും യൂനിവേഴ്സിറ്റി സമൂഹത്തോടും ഈ റിപ്പോര്‍ട്ട് കാരണം ഭാവിയില്‍ ഭയംതോന്നാനിടയുള്ള ലൈംഗികാക്രമണ ഇരകളോടും പരസ്യമായി മാപ്പ് ചോദിച്ചു. ലൈംഗികാക്രമണ ഇരയെ കൂടുതല്‍ ബുദ്ധിമുട്ടിക്കരുതെന്ന ചിന്തയാണ് തനിക്ക് റിപ്പോര്‍ട്ടിങ്ങിലെ പതിവ് മുന്‍കരുതല്‍ എടുക്കുന്നതില്‍ വീഴ്ചയുണ്ടാകാന്‍ കാരണമെന്നവര്‍ വിശദീകരിച്ചു. ‘ഇത്തരം തെറ്റുകള്‍ ഇനി ഞാന്‍ ആവര്‍ത്തിക്കില്ല’ അവര്‍ ഉറപ്പുനല്‍കി. ലൈംഗികാക്രമണ വാര്‍ത്ത ആയതുകൊണ്ടല്ല ലേഖികക്ക് തെറ്റുപറ്റിയത്. എഴുതുന്നയാള്‍ക്ക് വൈകാരികമായ ഒരു നിലപാടും മുന്‍വിധിയും ഉണ്ടാകുന്ന ഏത് റിപ്പോര്‍ട്ടിലും തെറ്റ് സംഭവിക്കാം. ‘ശരിയോ എന്ന് പലവട്ടം പരിശോധിക്കാന്‍ മനസ്സ് സമ്മതിക്കാത്ത അത്രയും നല്ല വാര്‍ത്ത’ കൈകാര്യം ചെയ്യേണ്ടിവരുമ്പോഴെല്ലാം ഇത് സംഭവിക്കും. അധികം സംശയമുണ്ടായാല്‍ വാര്‍ത്തതന്നെ ഇല്ലാതായിപ്പോകുമോ എന്ന ലേഖകന്‍െറ ഭയമുണരാം. മോനേ നിന്നെഞാന്‍ സ്നേഹിക്കുന്നു എന്ന് അച്ഛനോ അമ്മയോ പറഞ്ഞാല്‍ അതിനും തെളിവ് ചോദിക്കണം എന്നെല്ലാം പത്രപ്രവര്‍ത്തക വിദ്യാര്‍ഥികളെ പഠിപ്പിക്കുന്നതില്‍ കഴമ്പുണ്ട് എന്നുവേണം കരുതാന്‍.  |
| യമനിലെ വ്യോമാക്രമണം സൗദി സഖ്യസേന അവസാനിപ്പിച്ചു Posted: 21 Apr 2015 07:35 PM PDT Image:  Subtitle: സൈനികദൗത്യം പൂര്‍ണമായും നിര്‍ത്തില്ല •അടുത്ത ഘട്ടത്തില്‍ രാഷ്ട്രീയ ഇടപെടലും സന്‍ആ/ജിദ്ദ: യമനില്‍ ഹൂതി വിമതര്‍ക്കെതിരെ സൗദി അറേബ്യയുടെ നേതൃത്വത്തില്‍ ‘ഓപറേഷന്‍ ഡിസിസീവ് സ്റ്റോം’ എന്ന പേരില്‍ മൂന്നാഴ്ചയോളമായി തുടരുന്ന വ്യോമാക്രമണം അവസാനിപ്പിച്ചതായി സൗദി പ്രതിരോധ മന്ത്രാലയം അറിയിച്ചു. ജി.സി.സി രാഷ്ട്രങ്ങളുടെ പിന്തുണയോടെ സംഘടിപ്പിക്കപ്പെട്ട സൈനികാക്രമണം പൂര്‍ണ വിജയമായിരുന്നുവെന്നും ഹൂതികളുടെ മുന്നേറ്റത്തെ പൂര്‍ണമായും ഇല്ലാതാക്കാന്‍ കഴിഞ്ഞുവെന്നും മന്ത്രാലയം വ്യക്തമാക്കി. എന്നാല്‍, യമനിലെ സൈനിക ഇടപെടല്‍ അവസാനിപ്പിക്കില്ല.  |
| Posted: 21 Apr 2015 07:34 PM PDT Image:  ഉത്തരാഫ്രിക്കന്‍ രാജ്യമായ ലിബിയയുടെ തീരത്തുനിന്ന് ഇറ്റലിയെയും ദക്ഷിണ യൂറോപ്പിനെയും ലക്ഷ്യമാക്കി യാത്ര പുറപ്പെട്ട ഒരു മനുഷ്യക്കടത്ത് ബോട്ട് നടുക്കടലില്‍ മുങ്ങി 950 മനുഷ്യാത്മാക്കള്‍ക്ക് ജീവഹാനി നേരിട്ടതായ വാര്‍ത്ത ലോകത്തെ പൊതുവിലും യൂറോപ്പിനെ വിശേഷിച്ചും ഞെട്ടിച്ചിരിക്കുകയാണ്. തിങ്കളാഴ്ച ലക്സംബര്‍ഗില്‍ അടിയന്തരയോഗം ചേര്‍ന്ന യൂറോപ്യന്‍ യൂനിയന്‍ മന്ത്രിമാര്‍ ഈ വിഷയകമായി ഉച്ചകോടിതന്നെ വിളിക്കണമെന്നാണാവശ്യപ്പെട്ടിരിക്കുന്നത്. സംഭവത്തിന്‍െറ മാനുഷികമുഖം അത്യന്തം വേദനാജനകമാണെന്ന കാര്യത്തില്‍ പൊതുവെ യൂറോപ്യന്‍ യൂനിയന്‍ യോജിക്കുന്നു. തികച്ചും ഇരുണ്ടദിനമാണ് അപകടമുണ്ടായ ഞായറാഴ്ചയെന്ന് ബ്രിട്ടീഷ് പ്രധാനമന്ത്രി ഡേവിഡ് കാമറണ്‍ പ്രതികരിച്ചപ്പോള്‍ അഭയാര്‍ഥി പ്രതിസന്ധിയുടെ ഉത്തരവാദിത്തം യൂറോപ്യന്‍ യൂനിയന്‍ ഏറ്റെടുക്കണമെന്നാണ് സ്വീഡിഷ് അഭയാര്‍ഥികാര്യ മന്ത്രി മോര്‍ഗന്‍ ജൊഹാന്‍സണ്‍ ആവശ്യപ്പെട്ടത്. ഇത്രയേറെ അഭയാര്‍ഥികള്‍ ഒന്നടങ്കം അപകടത്തില്‍പെടുന്നത് ഇതാദ്യത്തെ സംഭവമാണെങ്കിലും വര്‍ഷങ്ങളായി തുടരുന്ന ദുരന്തങ്ങളുടെ കൂടുതല്‍ ഭയാനകമായ ആവര്‍ത്തനം മാത്രമാണിത്. ഈജിപ്ത്, ലിബിയ, സോമാലിയ, നൈജീരിയ, സെനഗല്‍, മാലി, സാംബിയ, ഘാന തുടങ്ങിയ ആഫ്രിക്കന്‍ രാജ്യങ്ങളില്‍നിന്നും സിറിയ, ഇറാഖ് പോലുള്ള യുദ്ധബാധിത പശ്ചിമേഷ്യന്‍ രാജ്യങ്ങളില്‍നിന്നുമുള്ളവരാണ് അഭയാര്‍ഥികളില്‍ ബഹുഭൂരിഭാഗവും. ബംഗ്ളാദേശ് പോലുള്ള പരമദരിദ്ര നാടുകളിലെ തൊഴിലന്വേഷകരും കൂട്ടത്തിലുണ്ട്. യൂറോപ്പിനോട് ഏറ്റവും അടുത്ത് സ്ഥിതിചെയ്യുന്ന ലിബിയ കേന്ദ്രീകരിച്ചാണ് മധ്യധരണ്യാഴിവഴിയുള്ള മനുഷ്യക്കടത്ത് ഇടതടവില്ലാതെ തുടരുന്നത്. ലിബിയയില്‍ മുഅമ്മര്‍ അല്‍ഖദ്ദാഫിയെ സ്ഥാനഭ്രഷ്ടനാക്കിയതിനെ തുടര്‍ന്ന് പൊട്ടിപ്പുറപ്പെട്ട ആഭ്യന്തരയുദ്ധം ഇനിയും ശമിച്ചിട്ടില്ളെന്നിരിക്കെ സമുദ്രാതിര്‍ത്തിയില്‍ വേണ്ടത്ര ജാഗ്രതാപൂര്‍വമായ നിരീക്ഷണസംവിധാനം നിലവിലില്ലാത്തതു കാരണം സമീപരാജ്യങ്ങളില്‍നിന്നുള്ള പട്ടിണിപ്പാവങ്ങള്‍ക്കും തൊഴിലന്വേഷകര്‍ക്കും അക്കരെ കടക്കാനുള്ള ഹബ്ബായി അത് മാറിയിരിക്കുന്നു. നടേപറഞ്ഞ രാജ്യങ്ങളില്‍ മിക്കതും ആഭ്യന്തര യുദ്ധങ്ങളും ക്ഷാമവും പട്ടിണിയുംമൂലം ദുരിതം പേറുന്നവയാണ്. അതിനാല്‍, പതിനായിരക്കണക്കില്‍ മനുഷ്യര്‍ അഭയാര്‍ഥികളായി യൂറോപ്യന്‍ നാടുകളിലേക്ക് പ്രവഹിക്കുന്ന മാനുഷിക ദുരന്തങ്ങളില്‍നിന്ന് മുതലെടുക്കുന്ന മനുഷ്യക്കടത്തുകാരായ കഴുകന്മാര്‍ അവസരമുപയോഗിച്ച് വന്‍ തുകകള്‍ ഈടാക്കി സുരക്ഷിതമല്ലാത്ത കപ്പലുകളിലും ബോട്ടുകളിലും അഭയാര്‍ഥികളായ സ്ത്രീകളെയും കുട്ടികളെയും പുരുഷന്മാരെയും കുത്തിനിറച്ച് കടല്‍കടത്തുമ്പോഴാണ് കൂട്ടത്തോടെ മുങ്ങിച്ചാവുന്നത്. കുറെ പേര് രക്ഷപ്പെടും എന്നതുകൊണ്ട് വീണ്ടും വീണ്ടും അഭയാര്‍ഥികള്‍ അപകടം വിലക്കെടുക്കാന്‍ ഉദ്യുക്തരാവുകയാണ്. 2011ല്‍ 1,500ഉം 2012ല്‍ 500ഉം 2013ല്‍ 600ഉം പേര് മുങ്ങിപ്പോയപ്പോള്‍ 2014ല്‍ കടലില്‍ നഷ്ടപ്പെട്ടവരുടെ സംഖ്യ 3,500 ആയി ഉയര്‍ന്നു. ഇക്കൊല്ലം ഇപ്പോള്‍തന്നെ 1,500 പേര്‍ക്ക് ജീവഹാനി നേരിട്ടുവെന്നാണ് കണക്ക്. അപ്പോഴും ഇറ്റലിയില്‍ മാത്രം പോയവര്‍ഷം 1,70,000 അഭയാര്‍ഥികള്‍ കരപറ്റിയെന്നറിയുന്നവരാണ് വീണ്ടും ഭാഗ്യാന്വേഷണത്തിനു മുതിരുന്നത്. ഐക്യരാഷ്ട്രസഭയുടെ കണക്കുപ്രകാരം 2,19,000 ആഫ്രോ-ഏഷ്യന്‍ വംശജര്‍ അഭയാര്‍ഥികളായി യൂറോപ്പില്‍ സമീപവര്‍ഷങ്ങളില്‍ എത്തിപ്പെട്ടിട്ടുണ്ട്. തീര്‍ച്ചയായും യൂറോപ്യന്‍ രാജ്യങ്ങള്‍ക്ക് വന്‍ഭീഷണിയായി വളര്‍ന്നിരിക്കുന്നു ഈ സ്ഥിതിവിശേഷം. കുടിയേറിപ്പാര്‍പ്പുകാരെ കര്‍ശനമായി തടയണമെന്ന് തീവ്ര വലതുപക്ഷ ദേശീയവാദികള്‍ മുറവിളി കൂട്ടുമ്പോള്‍ മറുവശത്ത് പ്രശ്നത്തെ മാനുഷികമായി സമീപിക്കണമെന്നാവശ്യപ്പെടുന്നവരും കുറവല്ല. നിരന്തരമായ സംഘര്‍ഷങ്ങളും ആഭ്യന്തരയുദ്ധങ്ങളും പട്ടിണിയും തൊഴിലില്ലായ്മയും വരള്‍ച്ചയും ക്ഷാമവും ഭരണപരമായ അസ്ഥിരതയും വേട്ടയാടുന്ന ആഫ്രിക്കന്‍ രാജ്യങ്ങളുടെ പട്ടികയിലേക്ക് താരതമ്യേന സമ്പന്നമായിരുന്ന ലിബിയയും ഇറാഖും സിറിയയും കയറിവന്നതാണ് ഒടുവിലത്തെ സ്ഥിതിവിശേഷം. ഇറാഖില്‍നിന്നും സിറിയയില്‍നിന്നുമുള്ള അഭയാര്‍ഥിലക്ഷങ്ങളുടെ ഭാരം ഏറ്റവും കഠിനമായി ഞെരുക്കുന്നത് അയല്‍രാജ്യമായ തുര്‍ക്കിയെയാണ്. അവശേഷിച്ചവരാണ് മറ്റു യൂറോപ്യന്‍ നാടുകളിലേക്ക് കടന്നുകയറുന്നത്. യുദ്ധത്തിനും പരസ്പര രക്തച്ചൊരിച്ചിലിനും സത്വര വിരാമമിട്ട് രാജ്യങ്ങളില്‍ സമാധാനവും സാധാരണനിലയും പുന$സ്ഥാപിക്കാന്‍ ഐക്യരാഷ്ട്രസഭക്ക് കഴിഞ്ഞാല്‍ മാത്രമേ ഈ മാനവിക ദുരന്തനിവാരണത്തിലേക്കുള്ള പ്രാഥമിക കാല്‍വെപ്പെങ്കിലും സാധ്യമാവൂ. അതിന് ആദ്യമായി വേണ്ടത് അമേരിക്കയും യൂറോപ്പിലെ സഖ്യരാജ്യങ്ങളും സാമ്രാജ്യത്വ വികസനപരവും ആയുധക്കച്ചവടപരവുമായ താല്‍പര്യങ്ങള്‍ മാറ്റിവെച്ച് മൂന്നാം രാജ്യങ്ങളെ നരകത്തില്‍നിന്ന് രക്ഷിക്കുകയാണ്. ഒരുവശത്ത് അഭയാര്‍ഥികളെയും കുടിയേറിപ്പാര്‍പ്പുകാരെയും ചൊല്ലി ബഹളംവെക്കുന്ന ഇക്കൂട്ടര്‍തന്നെ മറുവശത്ത് മനുഷ്യജീവികളെ ഗതിയില്ലാക്കയത്തില്‍ തള്ളിവീഴ്ത്തുന്ന വൈരുധ്യമാണ് നിലനില്‍ക്കുന്നത്. പരസ്പരം പോരടിക്കുന്ന വിഭാഗങ്ങള്‍ക്ക് ആയുധങ്ങള്‍ വില്‍ക്കുകയില്ളെന്ന് തീരുമാനിച്ചാല്‍തന്നെ പ്രശ്നപരിഹാരത്തിന് വഴിയൊരുങ്ങും. പാര്‍ക്കാന്‍ ഭൂമിയും ജീവിക്കാന്‍ വിഭവങ്ങളും ഇല്ലാത്തതല്ല, ഭീകരമായ ചൂഷണവും സാമ്പത്തിക കേന്ദ്രീകരണവും അനീതിപരമായ വിതരണവും സ്വേച്ഛാ ഭരണകൂടങ്ങളുമാണ് ഏഷ്യനാഫ്രിക്കന്‍ നാടുകളുടെ ശാപം.  |
| സര്‍ക്കാറിനെതിരെ എല്‍.ഡി.എഫ് ഉപരോധം ആരംഭിച്ചു Posted: 21 Apr 2015 07:30 PM PDT Image:  തിരുവനന്തപുരം: ബാര്‍ കോഴ കേസില്‍ ധനമന്ത്രി കെ.എം മാണിയുടെ രാജി ഉള്‍പ്പടെയുള്ള ആവശ്യങ്ങളുന്നയിച്ച് എല്‍.ഡി.എഫ് പ്രഖ്യാപിച്ച ഉപരോധസമരം ആരംഭിച്ചു. സെക്രട്ടേറിയറ്റ്, വിവിധ കലക്ടറേറ്റുകള്‍ എന്നിവിടങ്ങള്‍ ഉപരോധിക്കാനാണ് തീരുമാനിച്ചിരിക്കുന്നത്. തിരുവനന്തപുരത്ത് സെക്രട്ടേറിയറ്റിന് പുറത്ത് വി. ശിവന്‍കുട്ടിയുടെ നേതൃത്വത്തിലാണ് സമരം ആരംഭിച്ചത്. ശിവന്‍കുട്ടിയടക്കമുള്ളവരെ പൊലീസ് അറസ്റ്റ് ചെയ്ത് നീക്കി. പൊലീസ് വാനില്‍ കയറാന്‍ വിസമ്മതിച്ച ശിവന്‍കുട്ടിയെ ബലംപ്രയോഗിച്ച് സ്ഥലത്തുനിന്നും മാറ്റുകയായിരുന്നു. കണ്‍ഡോന്‍മെന്‍റ് ഗേറ്റിന് സമീപം റോഡില്‍ കുത്തിയിരുന്നാണ് ഉപരോധം രാവിലെ തന്നെ ആരംഭിച്ചത്. ഉപരോധത്തിന്‍െറ ഒൗദ്യോഗിക ഉദ്ഘാടനം സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണന്‍ അല്‍പസമയത്തിനകം നിര്‍വഹിക്കും. അതേസമയം എന്‍ട്രന്‍സ് പരീക്ഷയെ സമരം ബാധിക്കുമെന്ന ആശങ്ക നിലനില്‍ക്കുകയാണ്. വിദ്യാര്‍ഥികള്‍ക്ക് ബുദ്ധിമുട്ടുണ്ടാക്കരുത് എന്ന് ആവശ്യപ്പെടാന്‍ പൊലീസ് എല്‍.ഡി.എഫ് നേതാക്കളെ ചര്‍ച്ചക്ക് വിളിച്ചിരുന്നെങ്കിലും ആരും പങ്കെടുത്തില്ല.  |
| എസ്.എസ്.എല്‍.സി: പ്രഖ്യാപിച്ച ഫലത്തില്‍ മാറ്റം വരും Posted: 21 Apr 2015 11:25 AM PDT Image:  തിരുവനന്തപുരം: ധിറുതി പിടിച്ച് തയാറാക്കിയ എസ്.എസ്.എല്‍.സി ഫലത്തില്‍ അടിമുടി വന്ന പിഴവ് തിരുത്താന്‍ രണ്ടാം ദിവസവും പരീക്ഷാഭവനും വിദ്യാഭ്യാസ വകുപ്പിനുമായില്ല. പൂര്‍ണഫലം പുറത്തുവിടാന്‍ രണ്ട് നാള്‍കൂടി വേണ്ടിവരുമെന്നാണ് അധികൃതര്‍ പറയുന്നത്. നേരത്തേ പ്രഖ്യാപിച്ച പരീക്ഷാഫലത്തില്‍ ഏറെ മാറ്റം വരും. മന്ത്രി പ്രഖ്യാപിച്ച ഫലത്തിലെ കണക്കുകളില്‍ പലതും പിഴവാണെന്ന് ഇതിനകം വ്യക്തമായി. പിഴവിന്‍െറ പേരില്‍ വിദ്യാഭ്യാസ വകുപ്പില്‍ പരസ്പരം കുറ്റപ്പെടുത്തല്‍ ആരംഭിച്ചിട്ടുണ്ട്. ഫലപ്രഖ്യാപനം പൊളിഞ്ഞതിനെക്കുറിച്ച് അന്വേഷണം പ്രഖ്യാപിക്കുമെന്നാണ് സൂചന.
ധിറുതി പിടിച്ച് പ്രഖ്യാപനം നടത്തുന്നതിനായി സ്വീകരിച്ച നടപടികളാണ് ഫലം അടിമുടി പിഴക്കാന്‍ വഴിയൊരുക്കിയത്. കോട്ടയം, തൃശൂര്‍, കോഴിക്കോട്, കാസര്‍കോട് അടക്കം ജില്ലകളിലെ നിരവധി കുട്ടികളുടെ ഫലത്തില്‍ അപാകതയുണ്ട്. ഹിന്ദി, ഫിസിക്സ്, സാമൂഹികപാഠം തുടങ്ങിയ വിഷയങ്ങളുടെ ഫലം പലര്‍ക്കും കിട്ടിയിട്ടില്ല. മറ്റ് ജില്ലകളിലും ഒറ്റപ്പെട്ട പരാതിയുണ്ടെങ്കിലും വടക്കന്‍ ജില്ലകളിലാണ് പ്രശ്നങ്ങള്‍ കൂടുതല്‍. ചില കുട്ടികളുടെ എല്ലാ വിഷയത്തിലെയും ഫലം പുറത്തുവന്നിട്ടില്ല. ചിലരുടെ ഫലം പിന്നീട് പ്രഖ്യാപിക്കുമെന്നാണ് പറഞ്ഞിരിക്കുന്നത്. ഗ്രേസ് മാര്‍ക്കുകള്‍ പൂര്‍ണമായി ഉള്‍പ്പെടുത്താത്ത ഫലവും നിരവധിയാണ്. ഗ്രേസ് മാര്‍ക്ക് ഉള്ളവരുടെ മാര്‍ക്ക്ലിസ്റ്റില്‍ തന്നെ അത് പരാമര്‍ശിക്കുന്നില്ല.
 |
| മണിക്കൂറില്‍ 603 കിലോമീറ്റര്‍; ജപ്പാനിലെ മാഗ് ലേവ് ട്രെയിന്‍ റെക്കോഡ് തിരുത്തി Posted: 21 Apr 2015 11:18 AM PDT Image:  ടോക്യോ: വേഗത്തിന്‍െറ കാര്യത്തില്‍ ജപ്പാന്‍െറ അതിനൂതന ട്രെയിനായ മാഗ്ലേവ് വീണ്ടും സ്വന്തം റെക്കോഡ് തിരുത്തി. ചൊവ്വാഴ്ച കാഴ്ചക്കാരെയും യാത്രക്കാരെയും വിസ്മയിപ്പിച്ച് മണിക്കൂറില്‍ 603 കിലോമീറ്റര്‍ എന്ന പുതിയ വേഗമാണ് മാഗ്ലേവ് സ്വന്തമാക്കിയത്. കൂടുതല്‍ വേഗം കൈവരിക്കുമ്പോള്‍ ട്രെയിന്‍ കൂടുതല്‍ സന്തുലിതമാവുമെന്നതാണ് മാഗ്ലെവ് സാങ്കേതികവിദ്യയുടെ പ്രത്യേകതയെന്ന് ടോക്യോക്കടുത്തുള്ള മാഗ്ലെവ് പരീക്ഷണകേന്ദ്രത്തിന്‍െറ തലവന്‍ യാസുകാസു എന്‍ഡോ പറഞ്ഞു. 2045ഓടെ ടോക്യോയെയും ഒസാകയെും ബന്ധിപ്പിച്ച് ഒരു മണിക്കൂര്‍ എഴു മിനിറ്റുകൊണ്ട് ട്രെയിന്‍ സര്‍വിസ് നടത്താനാവുമെന്നാണ് അധികൃതരുടെ പ്രതീക്ഷ. 10,000 കോടി ഡോളറിന്‍െറ പദ്ധതിയാണ് ഇതിനായി നടപ്പാക്കുന്നത്. അമേരിക്കന്‍ പ്രസിഡന്‍റ് ബറാക് ഒബാമ പ്രഖ്യാപിച്ച അതിവേഗ റെയില്‍ പദ്ധതിയിലുള്‍പ്പെടെ മാഗ്ലെവ് സാങ്കേതികവിദ്യ ഉപയോഗിക്കാന്‍ ജപ്പാന് ശ്രമം നടത്തുന്നുണ്ട്. 1962ലാണ് ജപ്പാന് ഈ സാങ്കേതികവിദ്യക്കായി ശ്രമം തുടങ്ങിയത്.  |
| മുര്‍സിക്കെതിരായ വിധിയില്‍ പരക്കെ വിമര്‍ശം Posted: 21 Apr 2015 11:12 AM PDT Image:  Subtitle: അറസ്റ്റിലായവരെയും ഉടന്‍ മോചിപ്പിക്കണമെന്ന് ആംനസ്റ്റി കൈറോ: ഈജിപ്തിലെ മുന്‍ പ്രസിഡന്‍റും മുസ്ലിം ബ്രദര്‍ഹുഡ് നേതാവുമായ മുഹമ്മദ് മുര്‍സിക്ക് 20 വര്‍ഷം തടവ് വിധിച്ചതിനെതിരെ പരക്കെ വിമര്‍ശം. വിധി രാജ്യത്ത് രാഷ്ട്രീയ അനിശ്ചിതത്വത്തിന് വഴിതെളിക്കുമെന്നാണ് പശ്ചിമേഷ്യന്‍ രാഷ്ട്രീയ നിരീക്ഷകരുടെ വിലയിരുത്തല്‍. ആഭ്യന്തരമായി രാജ്യത്ത് കടുത്ത ജനരോഷമുയരുന്നതിനു പുറമെ ഈജിപ്തിന്‍െറ അന്താരാഷ്ട്ര ബന്ധങ്ങളെയും ഇത് പ്രതികൂലമായി ബാധിക്കുമെന്നാണ് സൂചന. മുര്‍സി ജയില്‍മോചിതനാവുന്നതുവരെ ഈജിപ്തുമായുള്ള ബന്ധം മെച്ചപ്പെടുകയില്ളെന്ന് തുര്‍ക്കി പ്രസിഡന്‍റ് റജബ് ത്വയ്യിബ് ഉര്‍ദുഗാന്‍ ഈയിടെ വ്യക്തമാക്കിയിരുന്നു.  |
| ‘ഇ. ശ്രീധരന്, അങ്ങ് കേരളം വിടരുത്’ Posted: 21 Apr 2015 11:06 AM PDT Image:  Subtitle: മോഹന്‍ലാലിന്‍െറ ബ്ളോഗ് കൊച്ചി: മെട്രോമാന്‍ ഇ. ശ്രീധരന് പിന്തുണയുമായി നടന്‍ മോഹന്‍ലാലിന്‍െറ ബ്ളോഗ്. ആക്ഷേപങ്ങളില്‍ മനംമടുത്ത് ഇനി കേരളത്തിലെ വികസനപ്രവര്‍ത്തനങ്ങള്‍ക്ക് ഇല്ളെന്ന ശ്രീധരന്‍െറ വാക്കുകള്‍ വേദനിപ്പിച്ചെന്ന ആമുഖത്തോടെ ബ്ളോഗില്‍ കുറിപ്പ് പ്രസിദ്ധീകരിച്ച മോഹന്‍ലാല്‍, സംസ്ഥാന വികസനത്തിന് ശ്രീധരന് എന്ന വ്യക്തിയെ ആവശ്യമാണെന്ന് വ്യക്തമാക്കുന്നു. തിരുവനന്തപുരത്തും കോഴിക്കോട്ടും പ്രഖ്യാപിച്ച ലൈറ്റ് മെട്രോ സംബന്ധിച്ച് വിവാദം ഉയര്‍ന്ന സാഹചര്യത്തിലാണ് കേരളത്തിന്‍െറ വികസനപ്രവര്‍ത്തനങ്ങളില്‍ ഇനിയില്ളെന്ന് ശ്രീധരന് പറഞ്ഞത്. ലൈറ്റ് മെട്രോ ശ്രീധരന്‍െറ നേതൃത്വത്തില്‍ ഡല്‍ഹി മെട്രോയെ ഏല്‍പിക്കുന്നത് സി.പി.എം ചോദ്യംചെയ്തിരുന്നു. ആഗോള ടെന്‍ഡര്‍ വിളിക്കണമെന്ന് വി. ശിവന്‍കുട്ടി എം.എല്‍.എയും ആവശ്യപ്പെട്ടു. ഇതാണ് ശ്രീധരനെ ചൊടിപ്പിച്ചത്. കൊങ്കണ്‍ പാത നിര്‍മാണം മുതല്‍ ഡല്‍ഹി മെട്രോ, കൊച്ചി മെട്രോ തുടങ്ങിയവയിലെ ശ്രീധരന്‍െറ നേതൃത്വം വിശദീകരിച്ചുകൊണ്ടായിരുന്നു ലാലിന്‍െറ ബ്ളോഗ് കുറിപ്പ്. ‘കേരളത്തില്‍ കൊച്ചി മെട്രോയുടെ കാര്യത്തില്‍ അങ്ങയുടെ തുടക്കം ശുഭകരമായിരുന്നില്ല. ഒരു സമര്‍പ്പിതപ്രതിഭയെ മനസ്സിലാക്കാനും തിരിച്ചറിയാനുമുള്ള സാമാന്യബുദ്ധിയും വിനയവും പോലും പലരും കാണിച്ചില്ല. ഞങ്ങള്‍ക്ക് അങ്ങയെ വേണം. ഇ. ശ്രീധരന്‍െറ വിലയറിയാവുന്ന മലയാളികള്‍ പറയുന്നു, മടുത്ത് മടങ്ങരുത്. വികസനപ്രവര്‍ത്തനങ്ങളെ മുന്നില്‍ നിന്ന് ഉറപ്പോടെയും സത്യസന്ധമായും നയിക്കാന്‍ താങ്കള്‍ വേണം. അലോസരപ്പെടുത്തുന്ന വല്ലതും ഉണ്ടായിട്ടുണ്ടെങ്കില്‍ ഒരു മലയാളിയെന്ന നിലയില്‍ അങ്ങയോട് ക്ഷമചോദിക്കുന്നു’ -അഞ്ച് പേജ് നീണ്ട കുറിപ്പില്‍ മോഹന്‍ലാല്‍ വ്യക്തമാക്കുന്നു.  |
| ഏഷ്യന്‍ ചാമ്പ്യന്‍ഷിപ് ബാഡ്മിന്‍റണ്‍; കശ്യപ് രണ്ടാം റൗണ്ടില്‍ Posted: 21 Apr 2015 10:51 AM PDT Image:  വുഹാന്‍ (ചൈന): ഇന്ത്യയുടെ പി. കശ്യപ് എഷ്യ ചാമ്പ്യന്‍ഷിപ് ബാഡ്മിന്‍റണ്‍ ടൂര്‍ണമെന്‍റില്‍ രണ്ടാം റൗണ്ടില്‍ കടന്നു. സിംഗപ്പൂരിന്‍െറ സി ലിയാങ് ഡെരെക് വോങ്ങിനെ നേരിട്ടുള്ള സെറ്റുകള്‍ക്ക് തുരത്തിയാണ് മുന്നേറിയത്. 39 മിനിറ്റ് നീണ്ട മത്സരത്തില്‍ 21^17, 21^13ന് കശ്യപ് ജയം പിടിച്ചു. ചൈനീസ് തായ്പേയുടെ ജെന്‍ ഹാവോ സു ആണ് രണ്ടാം റൗണ്ടില്‍ ഇന്ത്യന്‍ താരത്തിന്‍െറ എതിരാളി. വനിത ഡബ്ള്‍സില്‍ ജ്വാല ഗുട്ട-അശ്വിനി പൊന്നപ്പ സഖ്യം 17^21, 21^15,15^21 സ്കോറിന് ചൈനീസ് തായ്പേയ് ജോടിയായ യു പോ പൈ^യാ ചിങ്ങിനോട് തോറ്റു പുറത്തായി. പരിക്കിനെ തുടര്‍ന്ന് വിശ്രമത്തിലായിരുന്ന പി.വി. സിന്ധു ഇന്ന് കളത്തിലിറങ്ങും. ആദ്യ രണ്ട് റൗണ്ടിലും ബൈയും വാക്കോവറും ലഭിച്ച സൈന നെഹ്വാള്‍ മൂന്നാം റൗണ്ടില്‍ ജപ്പാന്‍െറ നൊസോമി ഒകുഹാരയെ നേരിടും.  |
| അങ്കിതിന്‍െറ മരണത്തിന് പിന്നാലെ വിവാദങ്ങളും Posted: 21 Apr 2015 10:42 AM PDT Image:  കൊല്‍ക്കത്ത: ഗ്രൗണ്ടിലുണ്ടായ കൂട്ടിയിടിയത്തെുടര്‍ന്ന് പശ്ചിമ ബംഗാളില്‍നിന്നുള്ള യുവ ക്രിക്കറ്റ്താരം അങ്കിത് കേസരിയുടെ മരണത്തിന് പിന്നാലെ വിവാദങ്ങളും തലപൊക്കുന്നു. യഥാസമയം രോഗനിര്‍ണയം നടത്തുന്നതില്‍ അങ്കിതിനെ ആദ്യം പ്രവേശിപ്പിച്ച സ്വകാര്യ ആശുപത്രിയിലെ ഡോക്ടര്‍മാര്‍ കാണിച്ച അലസതയാണ് യുവതാരത്തിന് അകാലത്തില്‍ മരണം സമ്മാനിച്ചതെന്നാണ് പരക്കെ ഉയരുന്ന ആരോപണം. അപകടം നടന്ന ഉടനെ പ്രവേശിപ്പിച്ച എ.എം.ആര്‍.ഐ ആശുപത്രിയില്‍ നടത്തിയ എം.ആര്‍.ഐ സ്കാനിങ്ങില്‍ തലച്ചോറിലെ രക്തസ്രാവത്തിന്‍െറ ലക്ഷണങ്ങള്‍ കണ്ടത്തൊനാവാത്തതാണ് മരണത്തിനിടയാക്കിയതെന്നാണ് അങ്കിതിന്‍െറ ബന്ധുക്കള്‍ പറയുന്നത്. എ.എം.ആര്‍.ഐയില്‍ പ്രവേശിപ്പിക്കുമ്പോള്‍ അങ്കിതിന് പനി അനുഭവപ്പെട്ടിരുന്നുവെന്ന് ക്ളബ് അധികൃതരും സുഹൃത്തുക്കളും സാക്ഷ്യപ്പെടുത്തുന്നുണ്ട്. ഇത് തലച്ചോറിലെ ആന്തരിക രക്തസ്രാവത്തിന്‍െറ ലക്ഷണമായിരുന്നെന്നാണ് പിന്നീട് അങ്കിതിനെ പ്രവേശിപ്പിച്ച നൈറ്റിങ്ഗേല്‍ ആശുപത്രിയിലെ ഡോക്ടര്‍മാര്‍ വ്യക്തമാക്കുന്നത്. എന്നാല്‍, എ.എം.ആര്‍.ഐ ആശുപത്രിയില്‍ നടത്തിയ എം.ആര്‍.ഐ, സി.ടി. സ്കാനിങ്ങുകളില്‍ തലച്ചോറില്‍ മുറിവോ രക്തസ്രാവമോ കണ്ടത്തൊതിരുന്നതിനെ തുടര്‍ന്ന് ഈ ലക്ഷണങ്ങള്‍ കണക്കിലെടുത്തില്ളെന്നാണ് ആക്ഷേപം. ഇത് തുടര്‍ ചികിത്സകള്‍ വൈകാന്‍ ഇടയാക്കിയെന്നും അവര്‍ വിശദീകരിക്കുന്നു. എന്നാല്‍, തുടര്‍ പരിശോധനകള്‍ക്കും ചികിത്സക്കും അവസരം നല്‍കാതെ ബന്ധുക്കളും ക്ളബ് ഭാരവാഹികളും നിര്‍ബന്ധിച്ച് ഡിസ്ചാര്‍ജ് വാങ്ങിയശേഷം നൈറ്റിങ്ഗേല്‍ ആശുപത്രിയിലേക്ക് മാറ്റുകയായിരുന്നുവെന്ന് എ.എം.ആര്‍.ഐ ആശുപത്രി സി.ഇ.ഒ. റൂപക് ബറുവ വിശദീകരിച്ചു. കൂടുതല്‍ ചികിത്സകളും പരിശോധനകളും വേണ്ടസമയത്ത് ആശുപത്രി മാറ്റാനായി ഡിസ്ചാര്‍ജ്ചെയ്ത് കൊണ്ടുപോയതാണ് പ്രശ്നം കൂടുതല്‍ വഷളവാന്‍ കാരണം. അപകടം സംഭവിച്ചാല്‍ ഉത്തവരാദിത്തം ഏറ്റെടുക്കാമെന്ന സമ്മതപത്രവും ബന്ധുക്കള്‍ നല്‍കിയിട്ടുണ്ടെന്നും അദ്ദേഹം പറഞ്ഞു. എന്നാല്‍, അങ്കിതിന്‍െറ നിലയില്‍ മാറ്റമില്ളെന്ന ഡോക്ടര്‍മാരുടെ ഉറപ്പിനെ തുടര്‍ന്നാണ് മറ്റൊരു ആശുപ്രതിയിലേക്ക് മാറ്റിയതെന്ന് അങ്കിതിന്‍െറ പിതാവ് രാജ്കുമാര്‍ സിങ് പറഞ്ഞു. തെറ്റായ ചികിത്സമൂലമാണ് തന്‍െറ മകന്‍ മരിച്ചതെന്നും അദ്ദേഹം കുറ്റപ്പെടുത്തി. അങ്കിതിന്‍െറ തലയില്‍ മൂന്നിടങ്ങളില്‍ പരിക്കേറ്റിരുന്നുവെന്നും എന്നാല്‍, അവനെ ഐ.സി.യുവില്‍ പ്രവേശിപ്പിക്കാന്‍ എ.എം.ആര്‍.ഐ ആശുപത്രിയിലെ ഡോക്ടര്‍മാര്‍ തയാറായിരുന്നില്ളെന്ന് സഹോദരന്‍ റോഹന്‍ വെളിപ്പെടുത്തി. അതേസമയം, മികച്ച ചികിത്സ ലഭ്യമാക്കാനായി മറ്റൊരു ആശുപത്രിയിലേക്ക് അങ്കിതിനെ മാറ്റിയ ബന്ധുക്കളുടെ നടപടിയെ ന്യായീകരിച്ച് പശ്ചിമ ബംഗാള്‍ ക്ളബ് ട്രഷറര്‍ ഭിശ്വരൂപ് ഡേയും രംഗത്തത്തെി. വെള്ളിയാഴ്ച കൊല്‍ക്കത്തയിലെ ജാദവ്പൂര്‍ യൂനിവേഴ്സിറ്റി കാമ്പസ് ഗ്രൗണ്ടില്‍ ഭവാനിപൂര്‍ ക്ളബുമായി നടന്ന സംസ്ഥാന നോകൗട്ട് മത്സരത്തിലാണ് ക്യാച്ചെടുക്കാനുള്ള ശ്രമത്തിനിടെ സഹതാരമായ സൗരവ് മണ്ടലുമായി കൂട്ടിയിടിച്ച് അങ്കിതിന് പരിക്കേറ്റത്. സൗരവിന്‍െറ കാല്‍മുട്ട് അങ്കിതിന്‍െറ പിന്‍കഴുത്തിലും തലയിലും ഇടിക്കുകയായിരുന്നു. ഞായറാഴ്ച ആരോഗ്യ സ്ഥിതിയില്‍ നേരിയ പുരോഗതി കാണിച്ചെങ്കിലും പെട്ടെന്നുണ്ടായ ഹൃദയാഘാതം മൂലം വെന്‍റിലേറ്ററിലേക്ക് മാറ്റി. തുടര്‍ന്ന് തിങ്കളാഴ്ച അങ്കിത് മരണത്തിന് കീഴടങ്ങുകയായിരുന്നു. അങ്കിതിന്‍െറ കുടുംബത്തിന് തങ്ങളാല്‍ കഴിയുന്ന സഹായം ചെയ്യുമെന്ന് കൊല്‍ക്കത്ത നൈറ്റ് റൈഡേഴ്സ് ക്യാപ്റ്റന്‍ ഗൗതം ഗംഭീര്‍ അറിയിച്ചു. ‘നഷ്ടത്തിന് ഒന്നുകൊണ്ടും പകരം വെക്കാനാവില്ല. പക്ഷേ, ഒരു കാര്യത്തില്‍ എനിക്ക് ഉറപ്പു നല്‍കാനാവും. ഞങ്ങള്‍ (കൊല്‍ക്കത്ത നൈറ്റ് റൈഡേഴ്സ്) ഞങ്ങള്‍ക്കാവുന്നതെല്ലാം ആ കുടുംബത്തിനുവേണ്ടി ചെയ്യും. ഞങ്ങളെല്ലാവരും അവര്‍ക്കൊപ്പമുണ്ട്. ഒരുപാട് കാര്യങ്ങള്‍ ആ കുടുംബത്തിനുവേണ്ടി ചെയ്യാനാവുമെന്നാണ് പ്രതീക്ഷിക്കുന്നത്’ -ഗംഭീര്‍ പറഞ്ഞു.  |
| മയക്കുമരുന്നിന് അടിമയായ സ്ത്രീ ആറ് മക്കളെ കൊന്ന് കുഴിച്ചുമൂടി Posted: 21 Apr 2015 10:39 AM PDT Image:  ന്യൂയോര്‍ക്: മയക്കുമരുന്നിന് അടിമയായ മാതാവ് 10 വര്‍ഷത്തിനിടെ തന്‍െറ ആറ് കുഞ്ഞുങ്ങളെ പ്രസവിച്ചയുടന്‍ കൊന്ന് കുഴിച്ചുമൂടി. കൊടുംക്രൂരത വിചാരണ ചെയ്ത അമേരിക്കന്‍ കോടതി നാല്‍പതുകാരിക്ക് ജീവപര്യന്തം തടവ് ശിക്ഷ വിധിച്ചു. തിങ്കളാഴ്ച നടന്ന കോടതി നടപടിക്കിടെ മേഗന്‍ ഹണ്ട്സ്മാന് എന്ന സ്ത്രീയെ അവിശ്വസനീയമാം വിധം കഠോര മനസ്സുള്ള കൊലപാതകി എന്നാണ് പ്രോസിക്യൂട്ടര്‍ വിശേഷിപ്പിച്ചത്.  |
| Posted: 21 Apr 2015 10:37 AM PDT Image:  അഹ്മദാബാദ്: തുല്യശക്തികളുടെ പോരാട്ടത്തിനൊടുവില്‍ ടൈ ആയ മത്സരത്തില്‍ കിങ്സ് ഇലവന്‍ പഞ്ചാബിന് സൂപ്പര്‍ ഓവറില്‍ ജയം. രാജസ്ഥാന് റോയല്‍സിന് സീസണിലെ ആദ്യ തോല്‍വിയും. ആദ്യം ബാറ്റ് ചെയ്ത റോയല്‍സ് ഉയര്‍ത്തിയ 191 എന്ന സ്കോര്‍ മറുപടി ബാറ്റിങ്ങില്‍ ആറുവിക്കറ്റ് നഷ്ടത്തില്‍ അവസാന പന്തിലെ ഫോറിലൂടെ എത്തിപ്പിടിച്ച പഞ്ചാബ് അര്‍ഹിച്ച ജയമാണ് ഒടുവില്‍ പിടിച്ചെടുത്തത്. ഷോണ്‍ മാര്‍ഷിന്‍െറയും (65) ഡേവിഡ് മില്ലറുടെയും (54) ഫിഫ്റ്റികളുടെ ബലത്തില്‍ സ്കോര്‍ പിന്തുടര്‍ന്ന പഞ്ചാബിനെ അവസാന ഓവറില്‍ അക്ഷര്‍ പട്ടേലും (12*) മിച്ചല്‍ ജോണ്‍സനുമാണ് (13*) ടൈയിലത്തെിച്ചത്. അവസാന ഓവറിലെ വിക്കറ്റ് കീപ്പര്‍ സഞ്ജു സാംസന്‍െറ ഭാഗത്തുനിന്നുണ്ടായതുള്‍പ്പെടെയുള്ള ഫീല്‍ഡിങ് പിഴവുകള്‍ക്ക് രാജസ്ഥാന് വലിയ വിലനല്‍കേണ്ടിവരുകയായിരുന്നു. സൂപ്പര്‍ ഓവറില്‍ ആദ്യം ബാറ്റ് ചെയ്ത പഞ്ചാബ് രണ്ടു വിക്കറ്റ് നഷ്ടത്തില്‍ 16 റണ്‍സ് ലക്ഷ്യമാണ് മുന്നോട്ടുവച്ചത്. പിന്തുടര്‍ന്ന രാജസ്ഥാന് മൂന്നു പന്തില്‍ ആറു റണ്‍സ് എടുക്കുന്നതിനിടയില്‍ രണ്ടു ബാറ്റ്സ്മാന്‍മാരെയും നഷ്ടമായതോടെ മത്സരം പഞ്ചാബിന് സ്വന്തമാവുകയായിരുന്നു. ഷോണ്‍ മാര്‍ഷാണ് കളിയിലെ താരം. ഓപണര്‍മാരായ അജിന്‍ക്യ രഹാനെയുടെയും ഷെയ്ന്‍ വാട്സന്‍െറയും തകര്‍പ്പനടികളുടെ കരുത്തില്‍ കുതിച്ചാണ് രാജസ്ഥാന് 192 റണ്‍സ് ലക്ഷം പഞ്ചാബിന് മുന്നിലുയര്‍ത്തിയത്. നിശ്ചിത 20 ഓവറില്‍ രാജസ്ഥാന് ആറു വിക്കറ്റ് നഷ്ടമായി. വാട്സനെയും സ്റ്റീവന്‍ സ്മിത്തിനെയും പുറത്താക്കിയ അക്ഷര്‍ പട്ടേലാണ് പഞ്ചാബിനെ അതിലും വലിയ സ്കോറില്‍ നിന്നും രക്ഷിച്ചത്. രഹാനെ 74 റണ്‍സുമായി ടോപ് സ്കോററായി. അജിന്‍ക്യ രഹാനെയും വാട്സനും ഓപ്പണിങ് വിക്കറ്റില്‍ 95 റണ്‍സ് അടിച്ചു കൂട്ടി. മികച്ച കൂട്ടുകെട്ട് അക്ഷര്‍ ആണ് പൊളിച്ചത്. അക്ഷറിനെ കയറിയടിക്കാനുള്ള ശ്രമത്തില്‍ ക്രീസ് വിട്ടിറങ്ങിയ വാട്സന്‍ പുറത്താകുകയായിരുന്നു. 35 പന്തില്‍ 45 റണ്‍സെടുത്ത വാട്സന്‍ നാലു ഫോറും രണ്ടു സിക്സുമാണ്പറത്തിയത്. വാട്സന്‍ പോയതിന് പിന്നാലെയത്തെിയ ദീപക് ഹൂഡയും കൂറ്റനടിയുടെ തന്ത്രമാണ് പയറ്റിയത്. രണ്ടു സിക്സും ഒരു ഫോറും പറത്തി വീണ്ടും ഒരു മികച്ച ഇന്നിങ്സിനായി ഒരുങ്ങുകയായിരുന്ന ഹൂഡയെ ശിവം ശര്‍മ ബൗള്‍ഡാക്കി. അപ്പോഴേക്കും ഒമ്പത് പന്തില്‍ 19 റണ്‍സ് ഹൂഡ ചേര്‍ത്തിരുന്നു. തൊട്ടടുത്ത ഓവറില്‍ രാജസ്ഥാന് തിരിച്ചടി നല്‍കി സ്മിത്തിനെ പൂജ്യനാക്കി അക്ഷര്‍ മടക്കി. പിന്നാലെ രഹാനെയും കരുണ്‍ നായരും ചേര്‍ന്ന കൂട്ടുകെട്ട് സ്കോര്‍ 150 കടത്തി മുന്നേറവെ രഹാനെയെ പറഞ്ഞുവിട്ട് മിച്ചല്‍ ജോണ്‍സന്‍ പഞ്ചാബിന് ആശ്വാസം കൊണ്ടുവന്നു. 54 പന്തില്‍ ആറു ഫോറും രണ്ടും സിക്സും ഉള്‍പ്പെടെ 74 റണ്‍സാണ് രഹാനെ അടിച്ചെടുത്തത്. പിന്നാലെ ജെയിംസ് ഫോക്നറെയും (1) ക്ഷണത്തില്‍ രാജസ്ഥാന് നഷ്ടമായി. തുടര്‍ന്ന് ഒമ്പത് റണ്‍സിനപ്പുറം കരുണ്‍, അനുരീത് സിങ്ങിന്‍െറ പന്തില്‍ പുറത്തായി. 13 പന്തില്‍ രണ്ടു ഫോറും ഒരു സിക്സും ഉള്‍പ്പെടെ 25 റണ്‍സാണ് കരുണ്‍ സ്വന്തമാക്കിയത്. പിരിയാത്ത ഏഴാം വിക്കറ്റില്‍ സ്റ്റുവര്‍ട്ട് ബിന്നിയും സഞ്ജു സാംസണും ചേര്‍ന്നാണ് സ്കോര്‍ 191 ല്‍ എത്തിച്ചത്.  |
| മുഹമ്മദ് മുര്‍സിക്ക് 20 വര്‍ഷം തടവ് Posted: 21 Apr 2015 02:13 AM PDT Image:  കൈറോ: മുന്‍ ഈജിപ്ഷ്യന്‍ പ്രസിഡന്‍റും മുസ് ലിം ബ്രദര്‍ഹുഡ് നേതാവുമായ മുഹമ്മദ് മുര്‍സിക്ക് 20 വര്‍ഷം തടവ്. 2012 ഡിസംബറില്‍ പ്രസിഡന്‍റിന്‍െറ വസതിക്ക് മുന്നില്‍ നടന്ന പ്രതിഷേധ പ്രകടനത്തില്‍ 10 പേര് കൊല്ലപ്പെട്ടതിനാണ് ഈജിപ്ത് കോടതി ശിക്ഷ വിധിച്ചത്. ഇത് കൂടാതെ മൂന്ന് കേസുകളും മുര്‍സിക്കെതിരെ ചുമത്തിയിട്ടുണ്ട്. 2013ലാണ് മുര്‍സിയെ സ്ഥാനഭ്രഷ്ടനാക്കി സൈന്യം ഭരണം പിടിച്ചെടുത്തത്. ഇതിനെതിരെ മുര്‍സി അനൂകൂലികള്‍ രാജ്യമെങ്ങും വലിയ പ്രതിഷേധ പ്രകടനങ്ങളാണ് നടത്തിയത്. കൈറോയിലെ റാബിയ അദവിയ്യ ചത്വരത്തില്‍ കുത്തിയിരുപ്പ് പ്രതിഷേധ പ്രകടനം നടത്തിയ 817 പേരാണ് പൊലീസ് വെടിവെപ്പില്‍ കൊല്ലപ്പെട്ടത്. ഈ വെടിവെപ്പിനെ 'മനുഷ്യത്വത്തിനെതിരായ കുറ്റകൃത്യം' എന്നാണ് ഹ്യൂമന്‍ റൈറ്റ്സ് വാച്ച് വിശേഷിപ്പിച്ചത്. പ്രതിഷേധ പ്രകടനത്തില്‍ പങ്കെടുത്ത ആയിരക്കണക്കിന് മുര്‍സി അനുകൂലികളും തടവ് ശിക്ഷ അനുഭവിച്ച് വരികയാണ്. 2014 വരെ രാജ്യത്ത് 1212 പേരെയാണ് ഭരണകൂടം വധശിക്ഷക്ക് വിധിച്ചത്. മുസ് ലിം ബ്രദര്‍ഹുഡ് മുതിര്‍ന്ന നേതാവ് മുഹമ്മദ് ബദീഉം ഇതില്‍ ഉള്‍പ്പെടുന്നു.  |
| എസ്.എസ്.എല്‍.സി: ജില്ലയില്‍ 97.33 ശതമാനം വിജയം; 1073 പേര്‍ക്ക് എല്ലാ വിഷയങ്ങള്‍ക്കും എ പ്ളസ് Posted: 21 Apr 2015 01:44 AM PDT തിരുവനന്തപുരം: എസ്.എസ്.എല്‍.സി പരീക്ഷയില്‍ ജില്ലയിലും റെക്കോഡ് വിജയം. പരീക്ഷയെഴുതിയവരില്‍ 97.33 ശതമാനവും ഉപരിപഠനത്തിന് അര്‍ഹരായി. കഴിഞ്ഞ വര്‍ഷമിത് 93.1 ശതമാനമായിരുന്നു.ആകെ 40953 പേരാണ് ജില്ലയില്‍ പരീക്ഷയെഴുതിയത്. ഇവരില്‍ 39858 പേര് ഉപരിപഠനയോഗ്യത നേടി. 1073 പേര്‍ക്ക് എല്ലാ വിഷയങ്ങള്‍ക്കും എ പ്ളസ് ലഭിച്ചു. വിജയമധുരം...തിരുവനന്തപുരം കാര്‍മല്‍ ഗേള്‍സ് ഹയര്‍സെക്കന്‍ഡറി സ്കൂളില്‍ ഡയറക്ടര്‍ സിസ്റ്റര്‍ റെനിറ്റക്കും പ്രിന്‍സിപ്പല്‍ സിസ്റ്റര്‍ ഹെല്‍മക്കും മധുരം നല്‍കി ആഹ്ളാദം പങ്കിടുന്ന വിദ്യാര്‍ഥിനികള്‍  |
അമേരിക്കയിലെ ഒരു യൂനിവേഴ്സിറ്റി കാമ്പസില്‍ വിദ്യാര്‍ഥിനി കൂട്ടബലാത്സംഗം ചെയ്യപ്പെട്ടതുസംബന്ധിച്ച മാധ്യമറിപ്പോര്‍ട്ട് അമേരിക്കന്‍മാധ്യമങ്ങളും മാധ്യമപഠന വിദഗ്ധന്മാരുമെല്ലാം ചര്‍ച്ച ചെയ്യുകയാണ്. വാര്‍ത്തക്കൊരു കുഴപ്പമേയുള്ളൂ-വാര്‍ത്ത സത്യമായിരുന്നില്ല എന്നുമാത്രം! അതിലെന്താണിത്ര ചര്‍ച്ചചെയ്യാന്‍ എന്നു തോന്നിയേക്കാം. ഉണ്ട്, മാധ്യമരംഗത്തുള്ളവര്‍ക്കു മാത്രമല്ല, സമൂഹത്തിനുതന്നെയും ഒരുപാട് ചര്‍ച്ചചെയ്യാനുണ്ട്. ഒരുപാട് പഠിക്കാനുമുണ്ട്..jpg)
| You are subscribed to email updates from To stop receiving these emails, you may unsubscribe now. | Email delivery powered by Google |
| Google Inc., 1600 Amphitheatre Parkway, Mountain View, CA 94043, United States | |
No comments:
Post a Comment