മലപ്പുറത്ത് കനത്ത മഴ; നാശനഷ്ടം, വൈദ്യുതി വിതരണം തകരാറിലായി Madhyamam News Feeds |  |
- മലപ്പുറത്ത് കനത്ത മഴ; നാശനഷ്ടം, വൈദ്യുതി വിതരണം തകരാറിലായി
- ബാവിക്കര കോണ്‍ക്രീറ്റ് തടയണ സ്ഥാനം മാറ്റാന്‍ നീക്കം
- മുട്ടുമാറ്റിയില്‍ കാട്ടാന ആക്രമണം തുടര്‍ക്കഥ
- മൂന്നാം മുന്നണി അധികാരത്തിലെത്തും -പ്രകാശ് കാരാട്ട്
- മദ്യലോബികള്‍ക്കെതിരെ വി.എം സുധീരന്‍
- ബാര്‍ ലൈസന്‍സ്: ചര്‍ച്ചകള്‍ തുടരുമെന്ന് ചെന്നിത്തല
- ധാന്യ വിഹിതം വെട്ടിക്കുറച്ചെന്ന്; കുതിരവട്ടം മാനസികാരോഗ്യ കേന്ദ്രം ഡി.വൈ.എഫ്.ഐ ഉപരോധിച്ചു
- റെയില്‍വെ സ്റ്റേഷനുകളില്‍ സുരക്ഷ കര്‍ശനമാക്കി -ചെന്നിത്തല
- ഗാര്‍ഹിക തൊഴില്‍ കരാര്‍: ദ്വിദിന ഇന്ത്യ-സൗദി ചര്‍ച്ച തുടങ്ങി
- കളി കാണാന്‍ ശൈഖ് മുഹമ്മദും; ഐ.പി.എല്ലിന് രാജകീയ വിട
| മലപ്പുറത്ത് കനത്ത മഴ; നാശനഷ്ടം, വൈദ്യുതി വിതരണം തകരാറിലായി Posted: 01 May 2014 12:39 AM PDT മലപ്പുറം: ബുധനാഴ്ച വൈകീട്ടോടെ മലപ്പുറത്തും സമീപപ്രദേശങ്ങളിലും കനത്ത മഴയും കാറ്റും ശക്തമായ ഇടിമിന്നലും. കാറ്റില്‍ പലയിടത്തും മരം റോഡിലേക്ക് വീണ് ഗതാഗതം സ്തംഭിച്ചു. കാവുങ്ങല്‍, മഹേന്ദ്രപുരി ഹോട്ടലിനു സമീപം, വടക്കേമണ്ണ, തിരുവാലി ജാമിഅ കോളജിനു സമീപം, എടവണ്ണപ്പാറ തുടങ്ങിയിടങ്ങളിലാണ് മരം റോഡിലേക്ക് വീണത്. മരങ്ങള്‍ കടപുഴകിയതോടെ പലയിടത്തും ഗതാഗതം സ്തംഭിച്ചു. ഫയര്‍ഫോഴ്സ് എത്തി മരങ്ങള്‍ മുറിച്ചുമാറ്റിയാണ് ഗതാഗതം പുന$സ്ഥാപിച്ചത്.  |
| ബാവിക്കര കോണ്‍ക്രീറ്റ് തടയണ സ്ഥാനം മാറ്റാന്‍ നീക്കം Posted: 01 May 2014 12:30 AM PDT കാസര്‍കോട്: ചന്ദ്രഗിരി പുഴയിലെ ബാവിക്കരയില്‍ നിര്‍മിക്കുന്ന കോണ്‍ക്രീറ്റ് തടയണയുടെ സ്ഥാനം മാറ്റാന്‍ നീക്കം നടക്കുന്നതായി ആക്ഷേപം. കാസര്‍കോട് നഗരസഭയിലും സമീപ പഞ്ചായത്തുകളിലും ശുദ്ധജല വിതരണം നടത്താനുപയോഗിക്കുന്ന ജല അതോറിറ്റിയുടെ സംഭരണിയില്‍ ഉപ്പുവെള്ളം കയറുന്നത് തടയുക എന്ന ഉദ്ദേശത്തോടെയാണ് കോണ്‍ക്രീറ്റ് ബണ്ട് നിര്‍മിക്കാന്‍ തീരുമാനിച്ചത്.  |
| മുട്ടുമാറ്റിയില്‍ കാട്ടാന ആക്രമണം തുടര്‍ക്കഥ Posted: 01 May 2014 12:26 AM PDT കേളകം: ആറളം വനാതിര്‍ത്തിയോട് ചേര്‍ന്ന മുട്ടുമാറ്റിയില്‍ കാട്ടാന ശല്യം തുടര്‍കഥയാകുന്നു.  |
| മൂന്നാം മുന്നണി അധികാരത്തിലെത്തും -പ്രകാശ് കാരാട്ട് Posted: 30 Apr 2014 11:48 PM PDT Image:  ന്യൂഡല്‍ഹി: കേന്ദ്രത്തില്‍ മൂന്നാം മുന്നണി അധികാരത്തിലത്തെുമെന്ന് സി.പി.എം ജനറല്‍ സെക്രട്ടറി പ്രകാശ് കാരാട്ട്. കേന്ദ്രത്തില്‍ വര്‍ഗീയ ശക്തികള്‍ അധികാരത്തിലത്തെുന്നത് തടയാന്‍ കോണ്‍ഗ്രസിന്‍െറ പിന്തുണ സ്വീകരിക്കുമെന്നും അദ്ദേഹം പറഞ്ഞു. തെരഞ്ഞെടുപ്പ് ഫലം പുറത്തുവന്ന ശേഷം കോണ്‍ഗ്രസ്സുമായി ചര്‍ച്ച നടത്തുമെന്നും അദ്ദേഹം പറഞ്ഞു. നിലവിലെ സാഹചര്യത്തില്‍ കോണ്‍ഗ്രസോ ബി.ജെ.പിയോ അധികാരത്തില്‍ വരാന്‍ സാധ്യതയില്ല - കാരാട്ട് മാധ്യമങ്ങളോട് പറഞ്ഞു.  |
| മദ്യലോബികള്‍ക്കെതിരെ വി.എം സുധീരന്‍ Posted: 30 Apr 2014 11:43 PM PDT Image:  തിരുവനന്തപുരം: സംസ്ഥാനത്തെ മദ്യലോബികള്‍ക്കെതിരെ ആഞ്ഞടിച്ച് കെ.പി.സി.സി പ്രസിഡന്‍്റ് വി.എം സുധീരന്‍. തൊളിലാളികളുടെ ബാനറില്‍ മുതലാളിമാര്‍ ജാഥ നടത്തുകയാണ്. മുതലാളിമാരുടെ പിന്നണിയാളുകളായി തൊഴിലാളികള്‍ മാറരുതെന്നും സുധീരന്‍ പറഞ്ഞു. തിരുവനന്തപുരത്ത് മെയ്ദിന റാലിയില്‍ സംസാരിക്കുകയായിരുന്നു അദ്ദേഹം.  |
| ബാര്‍ ലൈസന്‍സ്: ചര്‍ച്ചകള്‍ തുടരുമെന്ന് ചെന്നിത്തല Posted: 30 Apr 2014 11:19 PM PDT Image:  തിരുവനന്തപുരം: പൂട്ടിക്കിടക്കുന്ന ബാറുകള്‍ക്ക് ലൈസന്‍സ് അനുവദിക്കുന്നതു സംബന്ധിച്ച് ചര്‍ച്ചകള്‍ തുടരുമെന്ന് ആഭ്യന്തരമന്ത്രി രമേശ് ചെന്നിത്തല. സംസ്ഥാനത്ത് മദ്യത്തിന്‍്റെ ലഭ്യത കുറക്കുകയെന്നതാണ് സര്‍ക്കാരിന്‍്റെയും പാര്‍ട്ടിയുടെയും നിലപാട്. സംസ്ഥാനത്തെ ഒരു മദ്യാലയം ആക്കാന്‍ ഉദ്ദേശിക്കുന്നില്ല. പാര്‍ട്ടിയിലും സര്‍ക്കാരിലും ഇക്കാര്യത്തില്‍ അഭിപ്രായ ഭിന്നത ഇല്ല. ബാര്‍ ലൈസന്‍സ് പ്രശ്നത്തില്‍ നിലനില്‍ക്കുന്ന ഭിന്നാഭിപ്രായം സവാഭാവികമാണ്. അത് ചര്‍ച്ചകളിലൂടെ പരിഹരിക്കും. വിഷയത്തില്‍ താന്‍ മുന്നോട്ടുവച്ച ഫോര്‍മുലയില്‍ ചര്‍ച്ച തുടരുമെന്നും ചെന്നിത്തല മാധ്യമപ്രവര്‍ത്തകരോട് പറഞ്ഞു.  |
| ധാന്യ വിഹിതം വെട്ടിക്കുറച്ചെന്ന്; കുതിരവട്ടം മാനസികാരോഗ്യ കേന്ദ്രം ഡി.വൈ.എഫ്.ഐ ഉപരോധിച്ചു Posted: 30 Apr 2014 11:12 PM PDT കോഴിക്കോട്: കുതിരവട്ടം മാനസികാരോഗ്യ കേന്ദ്രത്തില്‍ അന്തേവാസികള്‍ക്ക് നല്‍കുന്ന ധാന്യവിഹിതം വെട്ടിക്കുറച്ചതില്‍ പ്രതിഷേധിച്ച് ഡി.വൈ.എഫ്.ഐ ടൗണ്‍ ബ്ളോക് കമ്മിറ്റി ആശുപത്രി ഉപരോധിച്ചു. ബുധനാഴ്ച രാവിലെ 11നാണ് സംഭവം. ഉച്ചക്ക് രണ്ടുവരെ തുടര്‍ന്ന ഉപരോധം, ഡെപ്യൂട്ടി ഡി.എം.ഒ ഡോ. എ. സുജാത, ഡെപ്യൂട്ടി കലക്ടര്‍ സമീറ എന്നിവരുടെ നേതൃത്വത്തില്‍ സമരക്കാരുമായി നടത്തിയ ചര്‍ച്ചയെത്തുടര്‍ന്നാണ് പിന്‍വലിച്ചത്. മാനസികാരോഗ്യ കേന്ദ്രത്തിലെ അന്തേവാസികള്‍ക്ക് അനുവദിച്ച ഭക്ഷണസാധനങ്ങള്‍ വാങ്ങാനുള്ള വിഹിതം വെട്ടിക്കുറച്ചെന്നാരോപിച്ചായിരുന്നു സമരം. 611 അന്തേവാസികളുള്ള മാനസികാരോഗ്യ കേന്ദ്രത്തില്‍ പ്രതിമാസം 7500 കിലോ അരിയാണ് ലഭിച്ചിരുന്നത്. എന്നാല്‍, ഇത് ഈ മാസം മുതല്‍ 2500 കിലോ അരിയായി വെട്ടിക്കുറച്ചു. 3000 കിലോഗ്രാം ഗോതമ്പ് വേണ്ടിടത്ത് 700 കി.ഗ്രാം മാത്രമാണ് ഇത്തവണ അനുവദിച്ചത്.പച്ചക്കറി വാങ്ങിയ ഇനത്തില്‍ ഒരു കോടിയോളം രൂപ നല്‍കാനുണ്ട്. മത്സ്യം വാങ്ങിയതിന് 15 ലക്ഷത്തോളം രൂപ കടമാണ്. ഹൈകോടതി ജഡ്ജിക്കാണ് ചുമതലയെങ്കിലും ആറുമാസമായി അദ്ദേഹം ഇവിടെ എത്തുന്നില്ല. ആശുപത്രി വികസന സമിതിയുടെ ചെയര്‍മാനായ ജില്ലാ കലക്ടറും വരുന്നില്ല. കേന്ദ്രത്തിലേക്ക് അനുവദിച്ച ഡിജിറ്റല്‍ ബ്ളഡ് അനലൈസര്‍ എയര്‍ കണ്ടീഷന്‍ ഇല്ലാത്തതിനാല്‍ താല്‍ക്കാലികമായി കോട്ടപ്പറമ്പ് ആശുപത്രിയിലേക്ക് കൊണ്ടുപോയെങ്കിലും പിന്നീട് തിരിച്ചു കൊണ്ടുവന്നിട്ടില്ല. ഇത് ഇപ്പോള്‍ വടകര താലൂക്ക് ആശുപത്രിയിലേക്ക് കൊണ്ടുപോകാന്‍ ശ്രമം നടക്കുകയാണെന്നും സമരക്കാര്‍ പറഞ്ഞു. പ്രതിഷേധത്തെതുടര്‍ന്ന് സൂപ്രണ്ട് ജില്ലാ കലക്ടറുമായി ബന്ധപ്പെട്ടെങ്കിലും സര്‍ക്കാര്‍ ഉത്തരവ് നടപ്പാക്കുക മാത്രമാണ് ചെയ്തതെന്നായിരുന്നു പ്രതികരണം. ഇതത്തേുടര്‍ന്നാണ് സ്ഥലത്തെത്തിയ ഡെപ്യൂട്ടി കലക്ടര്‍, ഡെപ്യൂട്ടി ഡി.എം.ഒ എന്നിവര്‍ സമരക്കാരുമായി ചര്‍ച്ച നടത്തിയത്. തുടര്‍ന്ന്, ഡി.എം.ഒ അടിയന്തര ആവശ്യങ്ങള്‍ക്ക് മൂന്നു ലക്ഷം രൂപ അനുവദിച്ചതോടെയാണ് സമരം അവസാനിപ്പിച്ചത്. ഡി.വൈ.എഫ്.ഐ ടൗണ്‍ ബ്ളോക് കമ്മിറ്റി സെക്രട്ടറി കെ.വി. പ്രമോദ്, ഇ.പി. ബിജു, എന്‍.പി. സജീവന്‍, എന്‍.ടി. പിങ്കി, എ. ശ്രീജിത്ത് എന്നിവര്‍ നേതൃത്വം നല്‍കി. അതേസമയം, കഴിഞ്ഞ വര്‍ഷം ലഭിച്ച തുകയില്‍ 53 ശതമാനം മാത്രമേ സ്ഥാപനം ചെലവഴിച്ചുള്ളൂവെന്നും അതുകൊണ്ടാണ് പുതിയ വിഹിതത്തില്‍ കുറവുവന്നതെന്നും ഡി.എം.ഒ പി.കെ. മോഹനന്‍ പറഞ്ഞു. വിഹിതം പൂര്‍ണമായി ചെലവഴിച്ച മറ്റു സ്ഥാപനങ്ങളുടെയും സ്ഥിതി ഇതുതന്നെയാണ്. ബാക്കിയുള്ള തുകയില്‍നിന്ന് ആവശ്യമായ തുക സ്ഥാപനത്തിന് ചെലവഴിക്കാവുന്നതേയുള്ളൂ. ഇപ്പോള്‍ 10 ദിവസത്തേക്കുള്ള ഭക്ഷണസാധനങ്ങള്‍ ആശുപത്രിയിലുണ്ട്. ഇത് തീരുമ്പോള്‍ തുടര്‍ന്നും ആവശ്യമായ തുക ലഭിക്കാന്‍ നടപടിയുണ്ടാകും. ഇതുസംബന്ധിച്ച് ആരോഗ്യമന്ത്രിയുമായി ചര്‍ച്ച നടന്നുവരുകയാണെന്നും അദ്ദേഹം പറഞ്ഞു.  |
| റെയില്‍വെ സ്റ്റേഷനുകളില്‍ സുരക്ഷ കര്‍ശനമാക്കി -ചെന്നിത്തല Posted: 30 Apr 2014 11:10 PM PDT Image:  തിരുവനന്തപുരം: ചെന്നൈ റെയില്‍വെ സ്റ്റേഷനിലെ ബോംബ് സ്ഫോടനത്തിന്‍െറ പശ്ചാത്തലത്തില്‍ സുപ്രധാന റെയില്‍വെ സ്റ്റേഷനുകളിലും പൊതു സ്ഥലങ്ങളിലും വിമാനത്താവളങ്ങളിലും സുരക്ഷ കര്‍ശനമാക്കാന്‍ നിര്‍ദേശം നല്‍കിയതായി ആഭ്യന്തര മന്ത്രി രമേശ് ചെന്നിത്തല അറിയിച്ചു. ആശങ്കപ്പെടാനുള്ള സാഹചര്യമില്ളെന്നും അദ്ദേഹം തിരുവനന്തപുരത്ത് മാധ്യമപ്രവര്‍ത്തകരോട് പറഞ്ഞു.  |
| ഗാര്‍ഹിക തൊഴില്‍ കരാര്‍: ദ്വിദിന ഇന്ത്യ-സൗദി ചര്‍ച്ച തുടങ്ങി Posted: 30 Apr 2014 10:54 PM PDT Image:  റിയാദ്: ഇന്ത്യയില്‍ നിന്ന് സൗദിയിലേക്ക് ഗാര്‍ഹിക തൊഴിലാളികളെ റിക്രൂട്ട് ചെയ്യുന്നതിനുള്ള തൊഴില്‍കരാറിന്‍െറ തുടര്‍നടപടികള്‍ കൈക്കൊള്ളുന്നത് സംബന്ധിച്ച ദ്വിദിന ചര്‍ച്ചകള്‍ക്ക് റിയാദില്‍ തുടക്കമായി. ഇന്ത്യന്‍ പ്രവാസികാര്യ മന്ത്രാലയത്തിന് കീഴിലുള്ള സംഘം സൗദി തൊഴില്‍ മന്ത്രാലയ അധികൃതരുമായാണ് ചര്‍ച്ച നടത്തുന്നത്. പ്രൊട്ടക്ടര്‍ ജനറല്‍ ഓഫ് എമിഗ്രന്‍റ്സ് ആര്‍. ബുര്‍ഹിലിന്‍െറ നേതൃത്വത്തിലുള്ള ഇന്ത്യന്‍ സംഘം ബുധനാഴ്ച റിയാദിലെ സൗദി തൊഴില്‍കാര്യ ആസ്ഥാനത്താണ് ചര്‍ച്ചകള്‍ നടത്തിയത്. അന്താരാഷ്ട്ര കാര്യങ്ങള്‍ക്കായുള്ള സൗദി തൊഴില്‍കാര്യ സഹമന്ത്രി ഡോ. അഹ്മദ് അല്‍ഫുഹൈദിന്‍െറ നേതൃത്വത്തിലുള്ള സംഘവുമായാണ് ചര്‍ച്ച നടത്തിയത്. ഇരു രാജ്യങ്ങളും തമ്മില്‍ കരാര്‍ ഒപ്പിട്ട ശേഷം സ്വീകരിച്ച സംയുക്ത നടപടിക്രമങ്ങളും തുടര്‍പ്രവര്‍ത്തനങ്ങളുമാണ് ചര്‍ച്ച ചെയ്യുന്നത്.  |
| കളി കാണാന്‍ ശൈഖ് മുഹമ്മദും; ഐ.പി.എല്ലിന് രാജകീയ വിട Posted: 30 Apr 2014 10:36 PM PDT Image:  ദുബൈ: ഇന്ത്യന്‍ പ്രീമിയര്‍ ലീഗ് ക്രിക്കറ്റിന്‍െറ ഏഴാം സീസണിനോട് യു.എ.ഇ രാജകീയമായി തന്നെ വിടചൊല്ലി. ബുധനാഴ്ച ദുബൈ അന്താരാഷ്ട്ര സ്റ്റേഡിയത്തില്‍ നടന്ന അവസാന മത്സരം കാണാന്‍ യു.എ.ഇ വൈസ് പ്രസിഡന്‍റും പ്രധാനമന്ത്രിയും ദുബൈ ഭരണാധികാരിയുമായ ശൈഖ് മുഹമ്മദ് ബിന്‍ റാശിദ് ആല്‍ മക്തൂം തന്നെ എത്തി.  |
| You are subscribed to email updates from To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
No comments:
Post a Comment