സോണിയയടെ വിദ്യാഭ്യാസ യോഗ്യത എന്തെന്ന് ബി.ജെ.പി Madhyamam News Feeds |  |
- സോണിയയടെ വിദ്യാഭ്യാസ യോഗ്യത എന്തെന്ന് ബി.ജെ.പി
- ആനയും പുലിയും ഒരു ജനതയുടെ ഉറക്കം കെടുത്തുന്നു
- പെരിന്തല്‍മണ്ണയില്‍ വിദ്യാഭ്യാസ സൗകര്യ വികസനത്തിന് 14.63 കോടി
- തളിപ്പറമ്പില്‍ ഗതാഗത പരിഷ്കരണം ജൂണ്‍ രണ്ടുമുതല്‍
- സ്വര്‍ണ വില കുറഞ്ഞു; പവന് 20,800 രൂപ
- സുരക്ഷ പാളി; സചിന്‍ വട്ടംകറങ്ങി
- കായംകുളത്തിന് അനുവദിച്ച രണ്ട് ട്രെയിന്‍ സ്റ്റോപ്പുകള്‍ റദ്ദാക്കുന്നു
- കെട്ടിടം പൂര്‍ത്തിയായി: ഉദ്ഘാടനത്തിന് മന്ത്രിയെ കാത്ത് ഇനി എത്രകാലം?
- ആര്‍.ഡി.ഡി ഓഫിസില്‍ സസ്പെന്‍ഷന്‍ നാടകം
- ആശ്രിതരുടെ വിരലടയാളം രേഖപ്പെടുത്താന്‍ വിപുല സൗകര്യം
| സോണിയയടെ വിദ്യാഭ്യാസ യോഗ്യത എന്തെന്ന് ബി.ജെ.പി Posted: 28 May 2014 12:44 AM PDT Image:  ന്യൂദല്‍ഹി: മോഡി മന്ത്രിസഭയിലെ മാനവ വിഭവ ശേഷി മന്ത്രി സ്മൃതി ഇറാനിയുടെ വിദ്യാഭ്യാസ യോഗ്യത ചോദ്യം ചെയ്ത കോണ്‍ഗ്രസ്, സോണിയ ഗാന്ധിയുടെ വിദ്യാഭ്യാസ യോഗ്യത വെളിപ്പെടുത്തണമെന്ന് ബി.ജെ.പി. വിദ്യാഭ്യാസം ഉള്‍പ്പെടുന്ന മാനവ വിഭവ ശേഷി വകുപ്പ് മന്ത്രി ബിരുദ ധാരി പോലുമല്ളെന്നായിരുന്നു കോണ്‍ഗ്രസ് നേതാവ് അജയ് മാക്കന്‍െറ പരിഹാസം. ഇതിനു മറുപടിയായാണ് കോണ്‍ഗ്രസ് അധ്യക്ഷയുടെ വിദ്യാഭ്യാസ യോഗ്യത വെളിപ്പെടുത്തണമെന്ന് ടെക്സ്റ്റയില്‍സ് സഹ മന്ത്രി സന്തോഷ് ഗംഗാവര്‍ ആവശ്യപ്പെട്ടിരിക്കുന്നത്. രാജ്യസഭാംഗമായ സ്മൃതി ഇറാനിയുടെ പ്രകടനം പാര്‍ലമെന്‍്റില്‍ എല്ലാവരും കണ്ടതാണ്. അവരുടെ കഴിവ് കണക്കിലെടുത്താണ് വകുപ്പ് ഏല്‍പിച്ചിരിക്കുന്നത്. കോണ്‍ഗ്രസിന്‍െറ അഭിപ്രായ പ്രകടനം നിര്‍ഭാഗ്യകരമായിപ്പോയെന്ന് ബി.ജെ.പി നേതാവ് രവി ശങ്കര്‍ പ്രസാദ് പറഞ്ഞു. അതേസമയം, അജയ് മാക്കന്‍െറ ആരോപണത്തോട് പ്രതികരിക്കാന്‍ സ്മൃതി ഇറാനി തയ്യാറായില്ല.  |
| ആനയും പുലിയും ഒരു ജനതയുടെ ഉറക്കം കെടുത്തുന്നു Posted: 28 May 2014 12:26 AM PDT നെന്മാറ: മേഖലയിലെ വനാതിര്‍ത്തിയോട് ചേര്‍ന്ന പ്രദേശങ്ങളില്‍ വന്യമൃഗശല്യം വര്‍ധിച്ചു. പോത്തുണ്ടി വനം സെക്ഷനിലെ അളുവാശ്ശേരി, ചേരിന്‍കാട്, അയ്യപ്പന്‍പാറ, തിരുവാഴിയോട് സെക്ഷനിലെ കരിങ്കുളം, കൈതച്ചിറ, കാന്തളം, പാളിയമംഗലം എന്നിവിടങ്ങളിലാണ് പുലികളടക്കമുള്ള വന്യമൃഗങ്ങള്‍ നാശം വിതക്കുന്നത്.  |
| പെരിന്തല്‍മണ്ണയില്‍ വിദ്യാഭ്യാസ സൗകര്യ വികസനത്തിന് 14.63 കോടി Posted: 28 May 2014 12:15 AM PDT പെരിന്തല്‍മണ്ണ: പുതിയ അധ്യയന വര്‍ഷം പെരിന്തല്‍മണ്ണ മണ്ഡലത്തിലെ വിദ്യാഭ്യാസ സ്ഥാപനങ്ങളുടെ ഭൗതിക സൗകര്യങ്ങള്‍ വര്‍ധിപ്പിക്കാന്‍ സര്‍ക്കാര്‍ 14.63 കോടി രൂപയുടെ പദ്ധതികള്‍ക്ക് രൂപം നല്‍കിയതായി മന്ത്രി മഞ്ഞളാംകുഴി അലി അറിയിച്ചു. ഉന്നത-പൊതുവിദ്യാഭ്യാസ രംഗത്ത് കെട്ടിട നിര്‍മാണത്തിനാണ് പ്രധാനമായും തുക വിനിയോഗിക്കുക.  |
| തളിപ്പറമ്പില്‍ ഗതാഗത പരിഷ്കരണം ജൂണ്‍ രണ്ടുമുതല്‍ Posted: 28 May 2014 12:07 AM PDT തളിപ്പറമ്പ്: ജനകീയ വികസന സമിതിയുടെ നേതൃത്വത്തില്‍ നടപ്പാക്കുന്ന ട്രാഫിക് പരിഷ്കരണം ജൂണ്‍ രണ്ടിന് രാവിലെ 8.30ന് മന്ത്രി കെ.സി. ജോസഫ് ഫ്ളാഗ് ഓഫ് ചെയ്യുമെന്ന് ജയിംസ് മാത്യു എം.എല്‍.എ വാര്‍ത്താ സമ്മേളനത്തില്‍ അറിയിച്ചു.  |
| സ്വര്‍ണ വില കുറഞ്ഞു; പവന് 20,800 രൂപ Posted: 28 May 2014 12:04 AM PDT Image:  കൊച്ചി: സ്വര്‍ണ വില പവന് 200 രൂപ കുറഞ്ഞ് 20,800 രൂപയായി. ഗ്രാമിന് 2600 രൂപയാണ് വില. കഴിഞ്ഞ ദിവസം 2625 രൂപയായിരുന്നു വില.  |
| സുരക്ഷ പാളി; സചിന്‍ വട്ടംകറങ്ങി Posted: 27 May 2014 11:51 PM PDT കൊച്ചി: നേരത്തെതന്നെ തീരുമാനിച്ചതായിരുന്നു സന്ദര്‍ശനമെങ്കിലും വന്‍സുരക്ഷാ വീഴ്ചയായിരുന്നു സ്റ്റേഡിയത്തില്‍ കണ്ടത്. ഇസഡ് കാറ്റഗറി സുരക്ഷവേണ്ട താരത്തിന് സംസ്ഥാന മന്ത്രിക്ക് നല്‍കുന്ന സുരക്ഷപോലും ഒരുക്കിയില്ല. തിരുവനന്തപുരത്തുനിന്ന് ഉച്ചക്ക് 2.45ന് സച്ചിന്‍ കൊച്ചിയിലെത്തുമെന്നാണ് സംഘാടകര്‍ അറിയിച്ചിരുന്നത്. എന്നാല്‍, പറഞ്ഞതിന് അരമണിക്കൂര്‍ മുമ്പേ സചിന്‍ സ്റ്റേഡിയത്തിലെത്തി. ഈ സമയത്ത് നൂറുകണക്കിന് ആരാധകര്‍ പ്രിയതാരത്തെ കാണാനായി സ്റ്റേഡിയത്തിന് പുറത്ത് നിലയുറപ്പിച്ചിരുന്നു. രാവിലെ തിരുവനന്തപുരത്ത് വന്‍ജനക്കൂട്ടത്തിനിടെയിലൂടെ സചിന്‍ ഒരു വിധം കടന്നുകൂടിയ ദൃശ്യങ്ങള്‍ ചാനലുകളില്‍ കണ്ടിട്ടും കൊച്ചിയില്‍ വേണ്ടത്ര സുരക്ഷ ഏര്‍പ്പെടുത്തിയില്ല. പ്രധാന പ്രവേശ കവാടത്തിന് ചുറ്റും വന്‍ആള്‍ക്കൂട്ടം ഉണ്ടായിട്ടും വഴിയൊരുക്കാനോ മറ്റോ പൊലീസുകാര്‍ തയാറായില്ല. ഉച്ചമുതല്‍, കൈയും കെട്ടി നോക്കിനിന്ന പൊലീസുകാരും സംഘാടകരും സചിന്‍ എത്തിയപ്പോള്‍ എന്തു ചെയ്യണമെന്നറിയാതെ നെട്ടോട്ടമായി. 2.15ന് സ്റ്റേഡിയത്തിന് പുറത്തെത്തിയ സചിന്‍ ആരാധകരുടെ തിക്കും തിരക്കും കാരണം 10 മിനിറ്റോളം അകത്തേക്ക് കടക്കാനാവാതെ വിഷമിച്ചു. സുരക്ഷ ജോലിക്ക് നിയോഗിച്ച പൊലീസുകാരില്‍ ചിലരാവട്ടെ ഈ സമയം മൊബൈല്‍കാമറയില്‍ താരത്തിന്‍െറ ഫോട്ടോയെടുക്കുന്ന തിരക്കിലായിരുന്നു. സ്വന്തം വീഴ്ചമറക്കാന്‍ ചില പൊലീസുകാര്‍ ഇതിനിടയില്‍ സ്ഥലത്തുണ്ടായിരുന്ന മാധ്യമപ്രവര്‍ത്തകര്‍ക്കെതിരെയും ആള്‍ക്കൂട്ടത്തിനെതിരെയും തിരിഞ്ഞെങ്കിലും ഒന്നും ഫലം കണ്ടില്ല. ഒടുവില്‍ പ്രവേശ കവാടം അടച്ചുപൂട്ടിയാണ് ആരാധകരെ നിയന്ത്രിച്ചത്. ഇതിനിടെ ഏറെ കഷ്ടിച്ച് സചിന്‍ അകത്ത് കടന്നു. പിന്നെ കാത്തിരുന്നത് എവിടെ പോവണമെന്ന സംശയം. കെ.സി.എ-കെ.എഫ്.എ ഭാരവാഹികള്‍, എം.എല്‍.എ മാര്‍ തുടങ്ങിയവരെല്ലാം ഒപ്പമുണ്ടായിരുന്നെങ്കിലും സ്റ്റേഡിയത്തില്‍ എവിടെ സന്ദര്‍ശനം തുടങ്ങണമെന്ന് ആശങ്ക തുടര്‍ന്നു. വലതു കവാടത്തില്‍ സചിനെ പ്രതീക്ഷിച്ചിരുന്ന ഇവന്‍റ് മാനേജ്മെന്‍റ് ഗ്രൂപ് സചിനും സംഘത്തിനുമായി ഇളനീരടക്കം കരുതിയിരുന്നെങ്കിലും താരം വഴിമാറിപോയി. ഒടുവില്‍ സചിന്‍തന്നെ വഴിതെരഞ്ഞെടുക്കുന്ന നിലയായി. ഒരുവേള ഗ്രൗണ്ടും പവിലിയനും സന്ദര്‍ശിക്കാതെ മടങ്ങുമെന്ന് പോലും തോന്നിച്ചു. അഞ്ച് മിനിറ്റിന് ശേഷം ഗ്രൗണ്ടിലേക്കിറങ്ങിയ ശേഷം മാധ്യമപ്രവര്‍ത്തകരോട് കുറച്ചു വാക്കുകള്‍ മാത്രം സംസാരിച്ച് പവിലിയനിലേക്ക് പോയി. മാധ്യമ പ്രവര്‍ത്തകരെ ബലംപ്രയോഗിച്ച് മാറ്റിനിര്‍ത്താന്‍ ശ്രമിച്ച ഉന്നത ഉദ്യോഗസ്ഥരുടെ നേതൃത്വത്തിലുള്ള പൊലീസ് വീണ്ടും നിസ്സംഗത തുടരുകയായിരുന്നു. അരമണിക്കൂര്‍ നീണ്ട സന്ദര്‍ശനത്തിനു ശേഷം താരം പുറത്തിറങ്ങാന്‍ നോക്കിയപ്പോഴും ആശയക്കുഴപ്പം തീര്‍ന്നില്ല. കവാടത്തിന് പുറത്ത് വന്‍ ജനക്കൂട്ടം നിറഞ്ഞതോടെ സചിന്‍ മടിച്ചു. ഒടുവില്‍ പൊലീസ് കൈകോര്‍ത്ത് പിടിച്ച് വഴിയൊരുക്കിയാണ് താരത്തെ സ്റ്റേഡിയത്തിനകത്തുനിന്ന് കാറില്‍ കയറ്റി പുറത്തെത്തിച്ചത്.  |
| കായംകുളത്തിന് അനുവദിച്ച രണ്ട് ട്രെയിന്‍ സ്റ്റോപ്പുകള്‍ റദ്ദാക്കുന്നു Posted: 27 May 2014 11:44 PM PDT കായംകുളം: പ്രധാന റെയില്‍വേ ജങ്ഷനായ കായംകുളത്തിന് അനുവദിച്ച രണ്ട് ട്രെയിനുകളുടെ സ്റ്റോപ്പുകള്‍ റദ്ദാക്കുന്നു. ഹിമസാഗര്‍ എക്സ്പ്രസ്, കൊച്ചുവേളി -ബംഗളൂരു എക്സ്പ്രസ് എന്നിവയുടെ സ്റ്റോപ്പുകളാണ് അടുത്ത മാസം ഒന്നു മുതല്‍ നിര്‍ത്തലാക്കുന്നത്. റെയില്‍വേയുടെ ഈ നടപടിക്കെതിരെ പ്രതിഷേധവും വ്യാപകമാകുകയാണ്. വരുമാനം കുറഞ്ഞുവെന്ന കാരണം ചൂണ്ടിക്കാട്ടിയാണ് ജങ്ഷനായ കായംകുളത്തിന് അനുവദിച്ച സ്റ്റോപ്പുകള്‍ നിര്‍ത്തലാക്കിയത്. യാത്രക്കാരെ വലക്കുന്ന റെയില്‍വേ ബോര്‍ഡിന്‍െറ നടപടി പിന്‍വലിക്കണമെന്ന് റെയില്‍വേ സ്റ്റേഷന്‍ വികസന സമിതി പ്രസിഡന്‍റ് അഡ്വ. മുജീബ് റഹ്മാന്‍ ആവശ്യപ്പെട്ടു.  |
| കെട്ടിടം പൂര്‍ത്തിയായി: ഉദ്ഘാടനത്തിന് മന്ത്രിയെ കാത്ത് ഇനി എത്രകാലം? Posted: 27 May 2014 11:37 PM PDT സുല്‍ത്താന്‍ ബത്തേരി: പഞ്ചായത്ത് സ്റ്റേയും കോടതിക്കേസും മറികടന്ന് കാരുണ്യ മെഡിക്കല്‍സിന് കെട്ടിടമൊരുങ്ങിയപ്പോള്‍ ഉദ്ഘാടനം നടത്താന്‍ മന്ത്രിക്ക് നേരമില്ല. മന്ത്രിയില്ലാതെ ഉദ്ഘാടനം വേണ്ടെന്ന് ബ്ളോക് പഞ്ചായത്ത് ഭരണസമിതി തീരുമാനിച്ചതോടെ ഒരുവര്‍ഷം മുമ്പ് തുടങ്ങേണ്ടിയിരുന്ന കാരുണ്യ മെഡിക്കല്‍സ് വീണ്ടും വൈകുകയാണ്.  |
| ആര്‍.ഡി.ഡി ഓഫിസില്‍ സസ്പെന്‍ഷന്‍ നാടകം Posted: 27 May 2014 11:33 PM PDT കോഴിക്കോട്: ഹയര്‍സെക്കന്‍ഡറി റീജനല്‍ ഡെപ്യൂട്ടി ഡയറക്ടര്‍ (ആര്‍.ഡി.ഡി) ഓഫിസില്‍ സസ്പെന്‍ഷന്‍ നാടകം. ഓഫിസ് സൂപ്രണ്ടിന്‍െറ ചുമതല വഹിക്കുന്ന യു.ഡി ക്ളര്‍ക്കിനെ സസ്പെന്‍ഡ് ചെയ്ത് ഉത്തരവ് കൈപ്പറ്റുന്നതിനു മുമ്പേ മരവിപ്പിക്കുകയും ചെയ്താണ് നാടകം അരങ്ങേറിയത്.വിവിധ പരാതികളെ തുടര്‍ന്ന് ഓഫിസ് സൂപ്രണ്ട് ഇന്‍ചാര്‍ജ് കെ. അപര്‍ണയെയാണ് സസ്പെന്‍ഡ് ചെയ്തത്. കഴിഞ്ഞ വെള്ളിയാഴ്ചയാണ് ഹയര്‍സെക്കന്‍ഡറി ഡയറക്ടറുടെ ഉത്തരവ് ഓഫിസിലെത്തിയത്. ഉത്തരവ് കൈപ്പറ്റാന്‍ ഉദ്യോഗസ്ഥ ഓഫിസിലെത്തിയിരുന്നില്ല. ഒടുവില്‍ തപാല്‍ വഴി ഉത്തരവ് ഉദ്യോഗസ്ഥക്ക് അയച്ചുകൊടുക്കുകയായിരുന്നു.എന്നാല്‍, ഉത്തരവ് വീട്ടിലെത്തുന്നതിനു മുമ്പേ മരവിപ്പിക്കല്‍ തീരുമാനമാണ് പുറത്തുവന്നത്. മരവിപ്പിക്കല്‍ ഉത്തരവ് ചൊവ്വാഴ്ച രാവിലെ ഓഫിസിലെത്തി. ആര്‍.ഡി.ഡി ഓഫിസിനെതിരെ ഒട്ടേറെ പരാതികളാണ് നിലവിലുള്ളത്.  |
| ആശ്രിതരുടെ വിരലടയാളം രേഖപ്പെടുത്താന്‍ വിപുല സൗകര്യം Posted: 27 May 2014 11:20 PM PDT Image:  റിയാദ്: വിദേശ വനിതാ തൊഴിലാളികളുടെയും ആശ്രിതരുടെയും വിവരങ്ങള്‍ രേഖപ്പെടുത്തുന്നതിന് രാജ്യത്തെ 13 പ്രവിശ്യകളിലും വിപുലമായ സൗകര്യങ്ങള്‍. ആശ്രിത വിസയിലും തൊഴില്‍ വിസയിലുമുള്ള വിദേശ സ്ത്രീകളുടെ താമസ-യാത്രാ രേഖകള്‍ പൂര്‍ത്തിയാക്കാന്‍ വിരലടയാളം നിര്‍ബന്ധമാക്കിയതോടെയാണ് കൂടുല്‍ കേന്ദ്രങ്ങളില്‍ പ്രത്യേക സംവിധാനം ഏര്‍പ്പെടുത്തിയത്. റിയാദ്, ദമ്മാം പ്രവിശ്യകളില്‍ ആറ് സെന്‍ററുകളും മക്ക പ്രവിശ്യയില്‍ ഏഴു സെന്‍ററുകളുമാണ് ഇതിനായി സജ്ജീകരിച്ചിരിക്കുന്നത്. ഇതില്‍ പലതും വനിതകള്‍ക്ക് മാത്രമാണ്. അല്‍ഖസീം, അസീര്‍ പ്രവിശ്യകളില്‍ മൂന്ന് വീതവും മറ്റ് പ്രവിശ്യകളില്‍ അതത് സ്ഥലങ്ങളിലെ പാസ്പോര്‍ട്ട് ഓഫീസുകളിലുമാണ് വിവരങ്ങള്‍ ശേഖരിക്കാനുള്ള സൗകര്യമുള്ളത്. റിയാദില്‍ ഹംസ ബിന്‍ അബ്ദുല്‍മുത്തലിബ് റോഡില്‍ ഫ്ളമിംഗോ മാളില്‍ പ്രവര്‍ത്തിക്കുന്ന ജവാസാത്ത് കേന്ദ്രത്തില്‍ രാവിലെ എട്ട് മുതല്‍ രാത്രി പത്ത് വരെയാണ് പ്രവര്‍ത്തന സമയം. അവധി ദിവസങ്ങളില്‍ വെകുന്നേരം മൂന്ന് മുതല്‍ 10 വരെയും സേവനം ലഭ്യമാണ്. ഖുറൈസ് റോഡില്‍ എക്സിററ് 24ല്‍ പ്രവര്‍ത്തിക്കുന്ന സദ്ഹാന്‍ ഹൈപര്‍മാര്‍ക്കറ്റിന്‍െറ രണ്ടാം നിലയില്‍ പ്രവര്‍ത്തിക്കുന്ന ജവാസാത്ത് കേന്ദ്രത്തല്‍ പ്രവൃത്തി ദിവസങ്ങളില്‍ രാവിലെ എട്ട് മുതല്‍ രാത്രി 10 വരെ സേവനം ലഭിക്കും. പുലര്‍ച്ചെ അഞ്ച്മുതല്‍ തന്നെ സദ്ഹാന്‍ ഹൈപര്‍മാര്‍ക്കറ്റില്‍ സ്ത്രീകള്‍ ടോക്കണ്‍ നേടാനായി എത്തുന്നുണ്ട്. പേര് രേഖപ്പെടുത്തുന്നവര്‍ക്ക് രാവിലെ ഏഴ് മണിക്ക് ടോക്കണ്‍ നല്‍കുകയും എട്ട് മണിമുതല്‍ മുന്‍ഗണനാക്രമത്തില്‍ വിരലടായാളം ശേഖരിച്ച് തുടങ്ങുകയും ചെയ്യും. വൈകിട്ട് മൂന്ന് മുതല്‍ ടോക്കണ്‍ നല്‍കും. ടോക്കണ്‍ നേടുന്നതിന് സ്ത്രീകള്‍ തന്നെ ഇഖാമയുമായി എത്തണം. ഫ്ളമിംഗോ മാളിലും സദ്ഹാന്‍ ഹൈപര്‍മാര്‍ക്കറ്റിലും പുരുഷന്‍മാര്‍ക്കും വിരലടയാളം നല്‍കാനുള്ള സൗകര്യമുണ്ട്. കിങ് അബ്ദുല്ല റോഡിനോട് ചേര്‍ന്നുള്ള സഹാറമാളില്‍ സ്ത്രീകള്‍ക്ക് മാത്രമായാണ് സെന്‍റര്‍ പ്രവര്‍ത്തിക്കുന്നത്. പ്രവൃത്തി ദിനങ്ങളില്‍ രാവിലെ എട്ട് മുതല്‍ രാത്രി 10 വരെയാണ് ഇവിടെ ഓഫിസ് പ്രവര്‍ത്തിക്കുക. റിയാദ് പ്രവിശ്യയിലെ അല്‍ഖര്‍ജ് പാസ്പോര്‍ട്ട് ഓഫിസാണ് മറ്റൊരു കേന്ദ്രം. ജിദ്ദയില്‍ റഡ്സി മാളില്‍ സ്ത്രീകള്‍ക്ക് മാത്രമാണ് സേവനം. 9.30 മുതല്‍ മൂന്ന് വരെയും വൈകിട്ട് 4.30 മുതല്‍ 10.30 വരെയുമാണ് ഇവിടെ പ്രവര്‍ത്തനം. ജിദ്ദ ദല്ല ജവാസാത്ത് ഓഫിസില്‍ രാവിലെ 7.30 മുതല്‍ ഉച്ചക്ക് 2.30 വരെ സ്ത്രീകള്‍ക്കും പുരുഷന്‍മാര്‍ക്കും സേവനം ലഭ്യമാണ്. കിഴക്കന്‍ പ്രവിശ്യയില്‍ ദമ്മാം, അല്‍ഖോബാര്‍, റാസ്തനൂറ, ഖഫ്ജി,അല്‍ഹസ,ഹഫര്‍ അല്‍ ബാതിന്‍ മേഖലകളിലുള്ള പാസ്പോര്‍ട്ട് ഓഫിസുകളില്‍ വിരലടയാളം ശേഖരിക്കുന്നുണ്ട്.  |
| You are subscribed to email updates from To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
No comments:
Post a Comment