മുഖ്യമന്ത്രിയെ കല്ളെറിഞ്ഞ കേസില്‍ കുറ്റപത്രം സമര്‍പ്പിച്ചു Madhyamam News Feeds |  |
- മുഖ്യമന്ത്രിയെ കല്ളെറിഞ്ഞ കേസില്‍ കുറ്റപത്രം സമര്‍പ്പിച്ചു
- പാസഞ്ചര്‍ ട്രെയിനുകള്‍ സമയക്രമം പാലിക്കാത്തത് യാത്രക്കാരെ വലക്കുന്നു
- ഇ-മണല്‍ ബുക്കിങ്ങിന് ഒച്ചിഴയും വേഗം
- ഉത്തര്‍പ്രദേശില്‍ ട്രെയിനുകള്‍ കൂട്ടിയിടിച്ച് 20 മരണം
- സാന്ദ്രഗച്ചി എക്സ്പ്രസിന്‍െറ സ്റ്റോപ് നിര്‍ത്തലാക്കുന്നതില്‍ പ്രതിഷേധം
- ഈജിപ്തില്‍ പ്രസിഡന്‍റ് തെരഞ്ഞെടുപ്പ് തുടരുന്നു
- ലിബിയയില്‍ പ്രധാനമന്ത്രി വിശ്വാസ വോട്ട് നേടി
- കോട്ടപ്പടി ഫുട്ബാള്‍ സ്റ്റേഡിയവും അക്കാദമിയും ഇന്ന് നാടിന്
- കെ.എസ്.ആര്‍.ടി.സി മാനന്തവാടി ഡിപോയില്‍ സര്‍വീസുകള്‍ വെട്ടിക്കുറക്കുന്നു
- മോദിയുടെ സത്യപ്രതിജ്ഞാ ചടങ്ങില്‍ രജനീകാന്ത് പങ്കെടുക്കില്ല
| മുഖ്യമന്ത്രിയെ കല്ളെറിഞ്ഞ കേസില്‍ കുറ്റപത്രം സമര്‍പ്പിച്ചു Posted: 26 May 2014 02:26 AM PDT Image:  കണ്ണൂര്‍: കണ്ണൂരില്‍ മുഖ്യമന്ത്രി ഉമ്മന്‍ചാണ്ടിക്കെതിരെ കല്ളെറിഞ്ഞ കേസില്‍ കുറ്റപത്രം സമര്‍പ്പിച്ചു. 114 പേര്‍ക്കെതിരെയുള്ള കുറ്റപത്രമാണ് കണ്ണൂര്‍ ഫസ്റ്റ് ക്ളാസ് മജിസ്ട്രേറ്റ് കോടതിയില്‍ സമര്‍പ്പിച്ചത്. എം.എല്‍.എമാരായ സി കൃഷ്ണന്‍ (പയ്യന്നൂര്‍), കെ.കെ നാരായണന്‍ (ധര്‍മടം) എന്നിവരെ കേസിലെ ഒന്നും രണ്ടും പ്രതകളാക്കിയാണ് കുറ്റപത്രം സമര്‍പ്പിച്ചത്. മൊത്തം 1004 പ്രതികള്‍ ആണ് ഉള്ളത്. ഇതില്‍ 114 പേരെയാണ് ഇതിനകം തിരിച്ചറിഞ്ഞത്. 2013 ഒക്ടോബര്‍ 27നാണ് കണ്ണൂരില്‍ സി.പി.എം പ്രവര്‍ത്തകരുടെ ഉപരോധത്തനിടെയുണ്ടായ കല്ളേറില്‍ പരിക്കേറ്റത്. കണ്ണൂരില്‍ നടന്ന പോലീസ് കായികമേളയുടെ സമാപനം ഉദ്ഘാടനം ചെയ്യാനത്തെിയതായിരുന്നു മുഖ്യമന്ത്രി. കല്ല് കാറിന്‍െറ ചില്ല് തുളച്ച് മുഖ്യമന്ത്രിയുടെ നെറ്റിയില്‍ പതിക്കുകയായിരുന്നു. മുഖ്യമന്ത്രിയോടൊപ്പം കാറില്‍ മന്ത്രി കെ.സി ജോസഫ്, കോണ്‍ഗ്രസ് നേതാവ് ടി. സിദ്ധീഖ് എന്നിവരുണ്ടായിരുന്നു.  |
| പാസഞ്ചര്‍ ട്രെയിനുകള്‍ സമയക്രമം പാലിക്കാത്തത് യാത്രക്കാരെ വലക്കുന്നു Posted: 26 May 2014 01:40 AM PDT ആലപ്പുഴ: യാത്രക്കാരെ വലക്കുന്ന റെയില്‍വേ അധികൃതരുടെ നടപടിയില്‍ പ്രതിഷേധം ശക്തമാകുന്നു. പാസഞ്ചര്‍ ട്രെയിനുകളിലെ യാത്രാദുരിതം അസഹ്യമാണെന്ന് നിത്യേന യാത്രചെയ്യുന്നവര്‍ പറയുന്നു. ആലപ്പുഴയില്‍ നിന്ന് വൈകുന്നേരം 5.45ന് പുറപ്പെടുന്ന പാസഞ്ചര്‍ അഞ്ചുമിനിറ്റ് മുമ്പ് തെക്ക് ഭാഗത്തേക്ക് ഏറനാട് തീവണ്ടി കടന്നുപോകുന്നതിനായി മിക്ക ദിവസങ്ങളിലും അരമണിക്കൂര്‍വരെ വൈകിയാണ് പുറപ്പെടുക.  |
| ഇ-മണല്‍ ബുക്കിങ്ങിന് ഒച്ചിഴയും വേഗം Posted: 26 May 2014 01:32 AM PDT കാസര്‍കോട്: മുടങ്ങിയ ഇ- മണല്‍ ബുക്കിങ് പുനരാരംഭിച്ചിട്ടും ജനങ്ങളുടെ പ്രയാസത്തിന് പരിഹാരമായില്ല. നാലര മാസമായി നിര്‍ത്തിവെച്ച പുഴ മണല്‍ ബുക്കിങ് ജില്ലാ കലക്ടറുടെ നിര്‍ദേശത്തെ തുടര്‍ന്നാണ് പുനരാരംഭിച്ചത്. അക്ഷയ സെന്‍ററുകളിലും സ്വകാര്യ ബുക്കിങ് കേന്ദ്രങ്ങളിലും ദിവസേന നൂറുകണക്കിനാളുകളാണ് പുഴ മണല്‍ ബുക് ചെയ്യാനെത്തുന്നത്. എന്നാല്‍, മണിക്കൂറുകള്‍ കാത്തിരുന്നാലും ബുക്കിങ് നടത്താനാവാതെ മടങ്ങേണ്ട സ്ഥിതിയാണ്.  |
| ഉത്തര്‍പ്രദേശില്‍ ട്രെയിനുകള്‍ കൂട്ടിയിടിച്ച് 20 മരണം Posted: 26 May 2014 01:31 AM PDT Image:  ലക്നോ: ഉത്തര്‍പ്രദേശില്‍ ട്രെയിനുകള്‍ കൂട്ടിയിടിച്ച് 20 പേര്‍ മരിച്ചതായി റിപ്പോര്‍ട്ട്. ഗൊരഖ്പൂരില്‍ നിന്ന് ഹരിയാനയിലെ ഹിസാറിലേക്ക് പോകുകയായിരുന്ന ഗൊരഖ്ധാം എക്സ്പ്രസാണ് അപകടത്തില്‍പെട്ടത്. ഉത്തര്‍പ്രദേശിലെ സന്ത് കബീര്‍ ജില്ലയിലെ ചുരാബ് റെയില്‍വേ സ്റ്റേഷനു സമീപമാണ് അപകടം നടന്നത്. നിര്‍ത്തിയിട്ടിരുന്ന ചരക്ക് തീവണ്ടിയില്‍ ഗൊരഖ്ധാം എക്സ്പ്രസ് ഇടിച്ചുകയറുകയായിരുന്നു.  |
| സാന്ദ്രഗച്ചി എക്സ്പ്രസിന്‍െറ സ്റ്റോപ് നിര്‍ത്തലാക്കുന്നതില്‍ പ്രതിഷേധം Posted: 26 May 2014 01:30 AM PDT തലശ്ശേരി: ട്രെയിനിന്‍െറ വേഗത കൂട്ടാനെന്ന പേരില്‍ സാന്ദ്രഗച്ചി എക്സ്പ്രസിന്‍െറ തലശ്ശേരിയിലെയും പയ്യന്നൂരിലെയും സ്റ്റോപ് എടുത്തുകളയാനുള്ള നീക്കത്തിനെതിരെ വ്യാപക പ്രതിഷേധം. ജൂലൈ ഒന്നുമുതല്‍ പാലക്കാട് ഡിവിഷനിലെ പ്രധാന എ-ക്ളാസ് സ്റ്റേഷനായ തലശ്ശേരിയില്‍ ട്രെയിനിന്‍െറ സ്റ്റോപ് നിര്‍ത്താന്‍ അധികൃതര്‍ തീരുമാനിച്ചിരിക്കുകയാണ്.  |
| ഈജിപ്തില്‍ പ്രസിഡന്‍റ് തെരഞ്ഞെടുപ്പ് തുടരുന്നു Posted: 26 May 2014 12:51 AM PDT Image:  കൈറോ: ഈജിപ്തില്‍ പ്രസിഡന്‍റ് തെരഞ്ഞെടുപ്പ് തുടങ്ങി. രണ്ട് വര്‍ഷത്തിനിടെ ഇത് രണ്ടാം തവണയാണ് രാജ്യത്ത് പ്രസിഡന്‍റ് തെരഞ്ഞെടുപ്പ് നടക്കുന്നത്. 2012ല്‍ അധികാരത്തില്‍ വന്ന മുഹമ്മദ് മുര്‍സി സര്‍ക്കാറിനെ അട്ടിമറിയിലൂടെ പുറത്താക്കി സൈന്യം രാജ്യത്തിന്‍െറ അധികാരം പിടിച്ചെടുക്കുകയായിരുന്നു. സൈനിക മേധാവിയായ അബ്ദുല്‍ ഫത്തഹ് അല്‍സീസിയും ഇടതു സ്ഥാനാര്‍ത്ഥി ഹംദീന്‍ സബാഹിയുമാണ് സ്ഥാനാര്‍ത്ഥികള്‍. എന്നാല്‍ അല്‍സീസി എളുപ്പത്തില്‍ അധികാരത്തിലേറുമെന്ന് നിരീക്ഷകര്‍ പറയുന്നു. രാജ്യത്തെ ഏറ്റവും വലിയ പ്രസ്ഥാനമായ മുസ് ലിം ബ്രദര്‍ഹുഡ് തെരഞ്ഞെടുപ്പ് ബഹിഷ്കരിക്കുകയാണ്. ജനാധിപത്യ രീതിയില്‍ അധികാരത്തില്‍ വന്ന മുഹമ്മദ് മുര്‍സി സര്‍ക്കാറിനെ കഴിഞ്ഞ ജൂലൈയിലാണ് പട്ടാളം അട്ടിമറിച്ചത്. തുടര്‍ന്ന് ഭരണകൂടം ബ്രദര്‍ഹുഡിനെ ഭീകരസംഘടനയായി പ്രഖ്യാപിച്ചു. ഇതിനുശേഷം ബ്രദര്‍ഹുഡ് പ്രവര്‍ത്തകര്‍ ഭീകരമായ അടിച്ചമര്‍ത്തലിന് ഇരയാവുകയായിരുന്നു. ബ്രദര്‍ഹുഡിന്‍െറ മുതിര്‍ന്ന നേതാവായ മുഹമ്മദ് ബദീഅ് അടക്കം രണ്ട് ഘട്ടങ്ങളിലായി 1200ലേറെ പേരെയാണ് കോടതി വധശിക്ഷക്ക് വിധിച്ചത്. പട്ടാള അട്ടിമറിക്കുശേഷം രാജ്യത്ത് ഇതുവരെ 1,400ലേറെ പേര്‍ കൊല്ലപ്പെടുകയും 16,000 പേര്‍ അറസ്റ്റ് ചെയ്യപ്പെടുകയും ചെയ്തിട്ടുണ്ട്.  |
| ലിബിയയില്‍ പ്രധാനമന്ത്രി വിശ്വാസ വോട്ട് നേടി Posted: 25 May 2014 11:53 PM PDT Image:  ട്രിപളി: ലിബിയയില്‍ പുതിയ പ്രധാനമന്ത്രി അഹ്മദ് മാതിജ് പാര്‍ലമെന്‍റെില്‍ വിശ്വാസ വോട്ട് നേടി. മൊത്തം ഹാജരായ 94 പേരില്‍ 84 പേരുടെ പിന്തുണയോടെയാണ് പ്രധാനമന്ത്രി വിശ്വാസ വോട്ട് നേടിയത്. സര്‍ക്കാറിന് വിശ്വാസ്യതയില്ല എന്ന ജനറല്‍ ഖലീഫ ഹഫ്താറിന്‍െറ ആരോപണത്തത്തെുടര്‍ന്നാണ് പ്രധാനമന്ത്രി വിശ്വാസവോട്ട് നേരിടേണ്ടിവന്നത്. ഇന്നലെ തലസ്ഥാന നഗരിയുടെ കിഴക്കന്‍ ഭാഗത്ത് ഒരു കൊട്ടാരത്തിലാണ് ജനറല്‍ നാഷണല്‍ കോണ്‍ഗ്രസ് (ജ.എന്‍.എസ്) കനത്ത സുരക്ഷാ വലയത്തില്‍ നടന്നത്. മെയ് ആദ്യത്തിലാണ് മാതിജ് പ്രധാനമന്ത്രിയായി തെരഞ്ഞെടുക്കപ്പെട്ടത്. ലിബിയയുടെ അഞ്ചാമത്തെ പ്രധാനമന്ത്രിയായ അദ്ദേഹം ഏറ്റവും പ്രായം കുറഞ്ഞ പ്രധാനമന്ത്രിയുമാണ്. നിലവില്‍ മന്ത്രിസഭയിലെ വിദേശകാര്യ മന്ത്രിസ്ഥാനവും ആരോഗ്യമന്ത്രിസ്ഥാനവും ഉള്‍പ്പടെ നാല് കാബിനറ്റ് മന്ത്രിസ്ഥാനങ്ങള്‍ ഒഴിഞ്ഞുകടക്കുകയാണ്.  |
| കോട്ടപ്പടി ഫുട്ബാള്‍ സ്റ്റേഡിയവും അക്കാദമിയും ഇന്ന് നാടിന് Posted: 25 May 2014 11:48 PM PDT മലപ്പുറം: കോട്ടപ്പടി ഫുട്ബാള്‍ സ്റ്റേഡിയത്തിന്‍െറയും ഫുട്ബാള്‍ അക്കാദമിയുടെയും ഉദ്ഘാടനം തിങ്കളാഴ്ച നടക്കും.  |
| കെ.എസ്.ആര്‍.ടി.സി മാനന്തവാടി ഡിപോയില്‍ സര്‍വീസുകള്‍ വെട്ടിക്കുറക്കുന്നു Posted: 25 May 2014 11:43 PM PDT മാനന്തവാടി: കണ്ടക്ടര്‍മാരുടെ കുറവിനെ തുടര്‍ന്ന് കെ.എസ്.ആര്‍.ടി.സി മാനന്തവാടി ഡിപോയില്‍ സര്‍വീസുകള്‍ വെട്ടിക്കുറക്കുന്നത് പതിവാകുന്നു. ഇതുമൂലം ഡിപ്പോ അടച്ചുപൂട്ടല്‍ ഭീഷണിയിലാണ്. രണ്ടുമാസം മുമ്പാണ് 74 കണ്ടക്ടര്‍മാരെ പി.എസ്.സി വഴി നിയമിച്ചത്. ഇതില്‍ 17 പേര്‍ വനിതകളാണ്.  |
| മോദിയുടെ സത്യപ്രതിജ്ഞാ ചടങ്ങില്‍ രജനീകാന്ത് പങ്കെടുക്കില്ല Posted: 25 May 2014 11:36 PM PDT Image:  ചെന്നൈ: നരേന്ദ്രമോദിയുടെ സത്യപ്രതിജ്ഞക്ക് തമിഴ് സൂപ്പര്‍ സ്റ്റാര്‍ രജനീകാന്ത് എത്തില്ല. തന്‍െറ സത്യപ്രതിജ്ഞക്ക് മോദി പ്രത്യേകം ക്ഷണിച്ചയാളാണ് രജനികാന്ത്. ശ്രീലങ്കന്‍ പ്രസിഡന്‍റ് മഹീന്ദ രാജപക്സെ മോദിയുടെ സത്യപ്രതിജ്ഞാ ചടങ്ങില്‍ പങ്കെടുക്കുന്നതിനെതിരെ തമിഴ്നാട്ടില്‍ നടക്കുന്ന പ്രതിഷേധങ്ങള്‍ക്കിടെയാണ് രജനി സത്യപ്രതിജ്ഞാ ചടങ്ങില്‍ നിന്നും വിട്ടുനില്‍ക്കുന്നത്. മോദിയുടെ സത്യപ്രതിജ്ഞാ ചടങ്ങില്‍ പങ്കെടുക്കുന്നതിനെതിരെ നടന്‍ രജനികാന്തിന്‍െറ ചെന്നൈയിലെ പോസ് ഗാര്‍ഡനിലെ വസതിക്കുമുന്നില്‍ തമിഴ് അനുകൂല സംഘടനകളുടെ പ്രതിഷേധം നടന്നിരുന്നു. തമിഴ് ഉന്മൂലനത്തിന് നേതൃത്വം നല്‍കിയ ശ്രീലങ്കന്‍ പ്രസിഡന്‍റ് മഹീന്ദ രാജപക്സ പങ്കടെുക്കുന്ന മോദിയുടെ സത്യപ്രതിജ്ഞാ ചടങ്ങില്‍ പങ്കടെുക്കരുതെന്നാവശ്യപ്പെട്ടായിരുന്നു ഞായറാഴ്ച രാത്രി എട്ടുമണിയോടെ പ്രതിഷേധം. തെരഞ്ഞെടുപ്പ് പ്രചരണത്തിന്‍െറ സമയത്ത് മോദി രജനിയെ ചെന്നൈയിലെ വീട്ടില്‍ സന്ദര്‍ശിച്ചിരുന്നു. രജനി ഇപ്പോള്‍ ഹൈദരാബാദില്‍ ഒരു സിനിമയുടെ ഷൂട്ടിങ് ലൊക്കേഷനിലാണ്. മോദിയുമായി അടുത്ത സൗഹൃദമുള്ള തമിഴ്നാട് മുഖ്യമന്ത്രി ജയലളിതയും ചടങ്ങില്‍ നിന്ന് വിട്ടുനില്‍ക്കുന്നുണ്ട്. ജയലളിത തമിഴ് സര്‍ക്കാറിന്‍െറ പ്രതിനിധിയെയും അയക്കില്ല എന്നാണ് റിപ്പോര്‍ട്ട്. രാജപക്സയെ ക്ഷണിച്ചതിലൂടെ തമിഴന്‍മാരുടെ വികാരത്തിന് മുറിവേറ്റു എന്ന് ജയലളിത നേരത്തെ വ്യക്തമാക്കിയിരുന്നു. രാജപക്സ ഡല്‍ഹിയിലത്തെുന്നതില്‍ തമിഴ്നാട്ടില്‍ പ്രതിഷേധം വ്യാപകമാവുകയാണ്.  |
| You are subscribed to email updates from To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
No comments:
Post a Comment