കോണ്ഗ്രസിലെ പ്രശ്നങ്ങളില് ഘടകകക്ഷികള് ഇടപെടേണ്ട -ആര്യാടന് Madhyamam News Feeds |  |
- കോണ്ഗ്രസിലെ പ്രശ്നങ്ങളില് ഘടകകക്ഷികള് ഇടപെടേണ്ട -ആര്യാടന്
- ഖത്തര്-സൗദി ബന്ധം ശക്തിപ്പെടുത്താന് ധാരണ
- യു.പിയില് ഐ.എ.എസ് ഓഫീസറുടെ സസ്പെന്ഷന്; സോണിയ പ്രധാന മന്ത്രിക്ക് കത്തയച്ചു
- 500 അനാഥ കുട്ടികള്ക്ക് പ്രധാനമന്ത്രിയുടെ ഈദ് സഹായം
- കുവൈത്ത് : പുതിയ മന്ത്രിസഭയെ ഇന്ന് പ്രഖ്യാപിക്കും
- തെലങ്കാനക്കെതിരായ പ്രതിഷേധം സീമാന്ധ്രയില് വ്യാപിക്കുന്നു
- ഉമ്മന്ചാണ്ടിക്ക് തന്നെ വേണ്ടെന്ന് രമേശ് ചെന്നിത്തല
- പാകിസ്താനില് പ്രളയം; മരണം 34 ആയി
- തെരുവുകള് അവരെ കാത്തിരിക്കുന്നില്ല
- ലോക അത്ലറ്റിക്സ് ചാമ്പ്യന്ഷിപ്പ്: മിന്നിത്തിളങ്ങാന് മലയാളത്തിന്െറ പഞ്ചനക്ഷത്രങ്ങള്
| കോണ്ഗ്രസിലെ പ്രശ്നങ്ങളില് ഘടകകക്ഷികള് ഇടപെടേണ്ട -ആര്യാടന് Posted: 04 Aug 2013 12:34 AM PDT Image:  തിരുവനന്തപുരം: കോണ്ഗ്രസിലെ പ്രശ്നങ്ങളില് ഘടകകക്ഷികള് ഇടപെടേണ്ടെന്ന് മന്ത്രി ആര്യാടന് മുഹമ്മദ്. കോണ്ഗ്രസിലെ പ്രശ്നങ്ങള് പാര്ട്ടിക്കകത്തു തന്നെ തീര്ക്കുമെന്നും അദ്ദേഹം പറഞ്ഞു. കേരള കോണ്ഗ്രസ് (എം)ന് എന്തെങ്കിലും പരാതിയുണ്ടെങ്കില് അത് യു.ഡി.എഫില് പറയണം. പി.സി. ജോര്ജ് കേരള കോണ്ഗ്രസിലെ പ്രശ്നങ്ങള് നോക്കിയാല് മതി -ആര്യാടന് പറഞ്ഞു. രമേശ് ചെന്നിത്തല മന്ത്രിസഭയിലേക്ക് വരേണ്ടയാളാണ്. ഇക്കാര്യത്തില് ആര്ക്കും എതിരഭിപ്രായമില്ളെന്നും ആര്യാടന് വ്യക്തമാക്കി.  |
| ഖത്തര്-സൗദി ബന്ധം ശക്തിപ്പെടുത്താന് ധാരണ Posted: 03 Aug 2013 11:57 PM PDT Image:  ജിദ്ദ: ഹ്രസ്വസന്ദര്ശനാര്ഥം സൗദിയിലെത്തിയ ഖത്തര് അമീര് ശൈഖ് തമീം ബിന് ഹമദ് ആല്താനി സൗദി ഭരണാധികാരി അബ്ദുല്ലരാജാവിനെ സന്ദര്ശിച്ചു. വെള്ളിയാഴ്ച രാത്രി മക്ക സഫ കൊട്ടാരത്തിലെത്തിയ ഖത്തര് അമീറും അബ്ദുല്ല രാജാവും തമ്മില് ഉഭയകക്ഷി ബന്ധങ്ങളും മേഖലയിലെ പുതിയ സംഭവവികാസങ്ങളില് ഇരുരാജ്യങ്ങളും സ്വീകരിച്ചുവരുന്ന നിലപാടുകളും ചര്ച്ച ചെയ്തു. ഇരുരാജ്യങ്ങളും തമ്മിലുള്ള ബന്ധം ശക്തിപ്പെടുത്താനും മേഖലയിലെ പ്രശ്നങ്ങളില് യോജിച്ച നീക്കത്തിനും ധാരണയായി. അബ്ദുല്ല രാജാവിന്െറ കൂടെ കിരീടാവകാശിയും ഉപപ്രധാനമന്ത്രിയുമായ അമീര് സല്മാന് ബിന് അബ്ദുല്അസീസ്, രണ്ടാം കിരീടാവകാശി അമീര് മുഖ്രിന് ബിന് അബ്ദുല്അസീസ്, രാജാവിന്െറ മുഖ്യ ഉപദേഷ്ടാവ് അമീര് അബ്ദുല്ഇലാഹ് ബിന് അബ്ദുല്അസീസ്, വിദ്യാഭ്യാസമന്ത്രി അമീര് ഫൈസല് ബിന് അബ്ദുല്ല, നാഷനല് ഗാര്ഡ് മന്ത്രി അമീര് മുത്ഇബ് ബിന് അബ്ദുല്ല എന്നിവരും വിവിധ മന്ത്രിമാരും സംബന്ധിച്ചു. ഖത്തര് പബ്ളിക് ഇന്ഫര്മേഷന് മേധാവി ശൈഖ് ഹമദ് ബിന് താമിര് ആല്താനി, ശൈഖ് ജൗആന് ബിന് ഹമദ് ആല്താനി, വിദേശകാര്യമന്ത്രി ഖാലിദ് ബിന് മുഹമ്മദ് അല് അത്വിയ്യ, സാമ്പത്തിക, വാണിജ്യകാര്യമന്ത്രി ശൈഖ് അഹ്മദ് ബിന് ജാസിം ആല്താനി സൗദിയിലെ ഖത്തര് അംബാസഡര് അലി ബിന് അബ്ദുല്ല ആല് മഹ്മൂദ് എന്നിവര് ഖത്തര് അമീറിനെ അനുഗമിച്ചു. സ്ഥാനമേറ്റ ശേഷമുള്ള ഖത്തര് അമീറിന്െറ ആദ്യ സൗദി സന്ദര്ശനമാണിത്.  |
| യു.പിയില് ഐ.എ.എസ് ഓഫീസറുടെ സസ്പെന്ഷന്; സോണിയ പ്രധാന മന്ത്രിക്ക് കത്തയച്ചു Posted: 03 Aug 2013 11:11 PM PDT Image:  ന്യൂദല്ഹി: ദുര്ഗശക്തി നാഗ്പാല് ഐ.എ.എസിനെ സസ്പെന്റ് ചെയ്ത ഉത്തര്പ്രദേശ് സര്ക്കാറിന്െറ നടപടിയില് ആശങ്ക രേഖപ്പെടുത്തി പ്രധാനമന്തിക്ക് സോണിയ ഗാന്ധിയുടെ കത്ത്. ദുര്ഗക്ക് നീതി ലഭിക്കുന്നുണ്ടെന്ന് ഉറപ്പാക്കണം എന്നാവശ്യപ്പെട്ട് എഴുതിയ കത്ത് കഴിഞ്ഞ ദിവസമാണ് പ്രധാമന്ത്രിക്ക് അയച്ചത്. സര്വീസില് മികച്ച പ്രവര്ത്തനങ്ങള് കാഴ്ചവെച്ച യുവ ഐ.എ.എസ് ഓഫീസറെ സസ്പെന്റ് ചെയ്ത നടപടിയില് ആസൂത്രിതമായ അജണ്ടയുണ്ടോയെന്ന് പരിശോധിക്കണമെന്ന് സോണിയ കത്തിലൂടെ ആവശ്യപ്പെട്ടു. മണല് മാഫിയയെ സംരക്ഷിക്കാനാണ് അഖിലേഷ് സര്ക്കാര് ഓഫിസറെ സസ്പെന്െറ് ചെയ്തതെന്ന നിലപാടില് ഉറച്ചാണ് ബി.ജെ.പി രംഗത്ത് വന്നിട്ടുള്ളത്. അവര് പ്രശ്നം രാഷ്ട്രീയ ആയുധമായി തന്നെ ഏറ്റെടുത്ത് കഴിഞ്ഞു. അതേ സമയം, ദുര്ഗയെ സസ്പെന്റ് ചെയ്ത നടപടിയെ ന്യായീകരിച്ച് ഉത്തര്പ്രദേശ് മുഖ്യമന്ത്രി അഖിലേഷ് യാദവ് വീണ്ടും രംഗത്ത് വന്നു. മുന്നറിയിപ്പില്ലാതെ മുസ്ലിം പള്ളിയുടെ മതില് പൊളിച്ച നടപടിയിലാണ് സസ്പെന്ഷന് നല്കിയത്. സാമുദായിക സംഘര്ഷങ്ങള് ഒഴിവാക്കാനാണ് സര്ക്കാര് ശ്രമിച്ചതെന്നും അഖിലേഷ് പറഞ്ഞു. സോണിയയുടെ ഇടപെടലിനെ സമാജ്വാദി പാര്ട്ടി നേതാക്കള് കുറ്റപെടുത്തി . രണ്ട് ഐ.എ.എസുകാരെ സസ്പെന്റ് ചെയ്ത ബീഹാര് സര്ക്കാറിനോ,അശോക് ഖേംകെയെ സസ്പെന്റ് ചെയ്ത ഹരിയാനക്കോ കത്തെഴുതാന് എന്തുകൊണ്ട് സോണിയ തയാറാവുന്നില്ലായെന്ന് എസ്.പി നേതാക്കള് ചോദിച്ചു. എന്നാല്, ദുര്ഗയുടെ സസ്പെന്ഷന് നടപടി മണല് മാഫിയക്ക് വേണ്ടിയാണ് എന്ന് തെളിയിക്കുന്നതാണ് സസ്പെന്ഷന് നടപടിക്ക് ശേഷം യമുന തീരത്തെ ദ്രൂതഗതിയില് നടക്കുന്ന മണല് ഊറ്റലെന്ന് ദേശീയ മാധ്യമങ്ങള് റിപ്പോര്ട്ട് ചെയ്തു. സര്ക്കാറിന്െറ ഈ നടപടി പുന:പരിശോധിക്കണമെന്നാവശ്യപ്പെട്ട് മനുഷ്യാവകാശ പ്രവര്ത്തകര് ഇതിനകം ദേശീയ വനിതാ കമീഷനെ സമീപിച്ചിട്ടുണ്ട്.  |
| 500 അനാഥ കുട്ടികള്ക്ക് പ്രധാനമന്ത്രിയുടെ ഈദ് സഹായം Posted: 03 Aug 2013 11:03 PM PDT Image:  മനാമ: പ്രധാനമന്ത്രി പ്രിന്സ് ഖലീഫ ബിന് സല്മാന് ആല്ഖലീഫയുടെ കാരുണ്യത്തില് 500 അനാഥക്കുട്ടികള്ക്ക് ഈദ് സഹായം നല്കൂം. ചില്ഡ്രന് കെയര് സൊസൈറ്റി ചെയര്പേഴ്സണ് മനാല് ഇവദിയാണ് ഇക്കാര്യം അറിയിച്ചത്.  |
| കുവൈത്ത് : പുതിയ മന്ത്രിസഭയെ ഇന്ന് പ്രഖ്യാപിക്കും Posted: 03 Aug 2013 10:56 PM PDT Image:  കുവൈത്ത് സിറ്റി: കുവൈത്തിലെ പുതിയ മന്ത്രിസഭയെ പ്രധാനമന്ത്രി ശൈഖ് ജാബിര് അല് മുബാറക് അസ്വബാഹ് ഞായറാഴ്ച പ്രഖ്യാപിക്കും. തിങ്കളാഴ്ച പുതിയ മന്ത്രിമാര് അമീര് ശൈഖ് സ്വബാഹ് അല് അഹ്മദ് അസ്വബാഹിന് മുമ്പാകെ സത്യപ്രതിജ്ഞ ചെയ്യും. ചൊവ്വാഴ്ചയാണ് പുതിയ പാര്ലമെന്റിന്റെ ആദ്യ സമ്മേളനം.  |
| തെലങ്കാനക്കെതിരായ പ്രതിഷേധം സീമാന്ധ്രയില് വ്യാപിക്കുന്നു Posted: 03 Aug 2013 10:52 PM PDT Image:  ഹൈദരാബാദ്: ആന്ധ്രപ്രദേശ് വിഭജിച്ച് തെലങ്കാന സംസ്ഥാനം രൂപവത്കരിക്കുന്നതില് പ്രതിഷേധിച്ച് സീമാന്ധ്ര പ്രദേശത്ത് സമൈക്യ ആന്ധ്ര (സംയുക്ത ആന്ധ്ര കര്മസമിതി) ആഹ്വാനം ചെയ്ത ബന്ദ് നാലാം ദിവസത്തിലേക്ക് കടന്നു. റായലസീമയിലും തീര ആന്ധ്രയിലും ഉള്പ്പെടുന്ന ഈ പ്രദേശങ്ങളില് നടക്കുന്ന പ്രക്ഷോഭം തുടരുകയാണ്. തെലങ്കാന രൂപവത്കരണത്തില് പ്രതിഷേധിച്ച് രാജിവെക്കാത്ത ജനപ്രതിനിധികളുടെ വീടുകള് തെരഞ്ഞ് കണ്ടത്തെി ആക്രമണം അഴിച്ചു വിടുകയാണ് സമരക്കാര്. റായലസീമയിലെ നാലു ജില്ലകളിലും വിദ്യാര്ത്ഥികളുടെ നേതൃത്വത്തില് നടക്കുന്ന സമരം അക്രമാസക്തമായി തുടരുകയാണ്. ആന്ധ്രാപ്രദേശിനെ വിഭജിക്കുന്നതില് പ്രതിഷേധിച്ച് നിരവധി പേര് ആത്മഹത്യക്കു ശ്രമിച്ചു. കുര്നൂലില് നിന്നുള്ള റെയില്വേ സഹമന്ത്രി കോട്ല സൂര്യപ്രകാശ് റെഡ്ഡി രാജി വെക്കണമെന്നാവശ്യപ്പെട്ട് റാലി നടന്നു. ജില്ലയില് നിന്നുള്ള മന്ത്രി ടി.ജി. വെങ്കടേഷ് പ്രതിഷേധം സമാധാനപരമാകണമെന്ന് ആവശ്യപ്പെട്ടു. തിരുപ്പതിയില് വിദ്യാര്ത്ഥികളുടെ നേതൃത്വത്തില് ജയില് നിറക്കല് സരം നടന്നു. ചിറ്റൂരില് നിന്നുള്ള നിയമസഭാംഗം സി.കെ. ബാബു നടത്തിവരുന്ന ഉപവാസ സമരം 48 മണിക്കൂറില് നിന്നും 96 മണിക്കൂറായി വര്ധിപ്പിച്ചു.  |
| ഉമ്മന്ചാണ്ടിക്ക് തന്നെ വേണ്ടെന്ന് രമേശ് ചെന്നിത്തല Posted: 03 Aug 2013 10:16 PM PDT Image:  തിരുവനന്തപുരം: ഉമ്മന്ചാണ്ടിക്ക് തന്നെ വേണ്ടെന്ന് രമേശ് ചെന്നിത്തല. മന്ത്രിസഭയില് തന്നെ ഉള്പ്പെടുത്താന് അദ്ദേഹത്തിന് ആഗ്രഹമില്ളെന്നും ഇന്ത്യന് എക്സ്പ്രസ് പത്രത്തിന് നല്കിയ അഭിമുഖത്തില് ചെന്നിത്തല പറയുന്നു. ഉപാധികളോടെ മന്ത്രിസഭയില് ചേരാന് ആഗ്രഹമില്ളെന്നും ഉമ്മചാണ്ടി തനിയേ സര്ക്കാറിനെ കൊണ്ടുപോയ്ക്കോട്ടെ എന്നും രമേശ് കുറ്റപ്പെടുത്തി. വിഷയം ഹൈമാന്റിന്്റെ മുന്നിലിട്ടത് ഉമ്മന്ചാണ്ടിയുടെ തന്ത്രമാണെന്നും ചെന്നിത്തല പറയുന്നു. ഉമ്മന്ചാണ്ടിയുടെ മന്ത്രിസഭയിലേക്കില്ളെന്ന തന്െറ നിലപാട് അംഗീകരിച്ചതില് സോണിയാ ഗാന്ധിയോട് കടപ്പാടുണ്ടെന്നും ജനമനസ്സിലെ സ്ഥാനം ആരു വിചാരിച്ചാലും തകര്ക്കാന് കഴിയില്ളെന്നും ആയിരുന്നു ദല്ഹിയില് നിന്ന് കഴിഞ്ഞ ദിവസം എത്തിയ ഉടന് ചെന്നിത്തലയുടെ പ്രതികരണം.  |
| പാകിസ്താനില് പ്രളയം; മരണം 34 ആയി Posted: 03 Aug 2013 09:35 PM PDT Image:  ഇസ്ലാമാബാദ്: അതിശക്തമായ പേമാരിയെ തുടര്ന്നുണ്ടായ വെള്ളപ്പൊക്കത്തില് പാകിസ്താനില് 34 പേര് മരിക്കുകയും നിരവധി പേര്ക്ക് പരിക്കേല്ക്കുകയും ചെയ്തു. സ്ഥിതിഗതികള് കൂടുതല് വഷളാവാന് ഇടയുണ്ടെന്ന് അധികൃതര് മുന്നറിയിപ്പ് നല്കി. ഖൈബര്-പക്തൂന്ഖ്വ, ബാള്ട്ടിസ്താന്, പാക് അധീന കശ്മീര് എന്നീ പ്രദേശങ്ങളിലാണ് വെള്ളപ്പൊക്കം കൂടുതല് നാശംവിതച്ചത്. പഞ്ചാബ് പ്രവിശ്യയില് ആറ് മരണം റിപ്പോര്ട്ട് ചെയ്തിട്ടുണ്ട്. രാജ്യത്തെ വടക്കന് പ്രവിശ്യകളിലും വെള്ളപ്പൊക്കത്ത തുടര്ന്ന് നാശനഷ്ടങ്ങളുണ്ടായിട്ടുണ്ട്. വെള്ളപ്പൊക്ക ഭീഷണിയെ തുടര്ന്ന് താമസസ്ഥലങ്ങള് വിട്ടുപോകാന് പ്രദേശവാസികള്ക്ക് മുന്നറിയിപ്പ് നല്കിയിട്ടുണ്ട്. നൊഷേറ, സ്വാത്, പെഷാവര്, കൊഹിസ്താന് തുടങ്ങി ഏഴ് ജില്ലകള് നിരീക്ഷണത്തിലാണെന്ന് ദുരന്തനിവാരണ സേനാ വിഭാഗം അറിയിച്ചു. ചിത്റല് ജില്ലയിലാണ് കാര്യങ്ങള് കൂടുതല് വഷളായിട്ടുള്ളത്. വെള്ളപ്പൊക്കത്തെ തുടര്ന്ന് മേഖലയില് അഞ്ച് മരണമാണ് റിപ്പോര്ട്ട് ചെയ്തത്. ധാരാളം കെട്ടിടങ്ങള് തകരുകയും വീടുകളും മറ്റും വെള്ളത്തിനടിയിലാവുകയും ചെയ്തിട്ടുണ്ട്. ജില്ലയെ കലാഷ് വാലിയുമായി ബന്ധിപ്പിക്കുന്ന രണ്ട് പാലങ്ങളും പ്രളയത്തെ തുടര്ന്ന് തകര്ന്നു. മുതിര്ന്ന ഉദ്യോഗസ്ഥര് പ്രളയബാധിത പ്രദേശങ്ങള് സന്ദര്ശിച്ചു. പ്രളയത്തെ തുടര്ന്ന് മേഖലയില് 60 വീടുകള് തകര്ന്നതായി ചിത്റാല് ഡെപ്യൂട്ടി കമീഷണര് ശുഐബ് ജാദൂന് പറഞ്ഞു.  |
| തെരുവുകള് അവരെ കാത്തിരിക്കുന്നില്ല Posted: 03 Aug 2013 09:11 PM PDT Image:  കോഴിക്കോട്: കനത്തമഴയുടെയും വിലക്കയറ്റത്തിന്െറയും നാളുകളിലും നിലനില്ക്കാന് പാടുപെട്ട് തെരുവുതൊഴിലാളികള്. തെരുവോരങ്ങളില് ചെരിപ്പ്തുന്നിയും കുട നന്നാക്കിയും കഴിയുന്ന ആയിരങ്ങളാണ് സര്ക്കാറിന്െറയോ മറ്റു സന്നദ്ധ സംഘടനകളുടെയോ പരിഗണനയില്ലാതെ ജീവിതത്തോട് പൊരുതുന്നത്. ഇവരെക്കുറിച്ചുള്ള കൃത്യമായ കണക്കുകളോ വിവരങ്ങളോ സംസ്ഥാന തൊഴില്വകുപ്പിനോ സാമൂഹിക നീതി വകുപ്പിനോ ഇല്ല.  |
| ലോക അത്ലറ്റിക്സ് ചാമ്പ്യന്ഷിപ്പ്: മിന്നിത്തിളങ്ങാന് മലയാളത്തിന്െറ പഞ്ചനക്ഷത്രങ്ങള് Posted: 03 Aug 2013 09:02 PM PDT Image:  മലപ്പുറം: റഷ്യന് തലസ്ഥാനമായ മോസ്കോയില് ആഗസ്റ്റ് 10 മുതല് 18 വരെ നടക്കുന്ന ഐ.എ.എ.എഫ് ലോക അത്ലറ്റിക്സ് ചാമ്പ്യന്ഷിപ്പിനുള്ള ഇന്ത്യന് ടീം തിങ്കളാഴ്ച വൈകുന്നേരം ന്യൂദല്ഹിയില്നിന്ന് യാത്രതിരിക്കും. സംഘത്തിലെ മൂന്നിലൊന്നുപേരും മലയാളികളായതിനാല് കേരളം ഏറെ പ്രതീക്ഷയോടെയാണ് ചാമ്പ്യന്ഷിപ്പിലേക്ക് ഉറ്റുനോക്കുന്നത്. കെ.ടി. ഇര്ഫാന്, ടിന്റു ലൂക്ക, രഞ്ജിത് മഹേശ്വരി, അനു മറിയം ജോസ്, അനില്ഡ തോമസ് എന്നിവരാണ് 15 അംഗ ഇന്ത്യന് ടീമിലെ മലയാളികള്. ഇര്ഫാന് 20 കിലോ മീറ്റര് നടത്തത്തിലും രഞ്ജിത് ട്രിപ്പ്ള് ജമ്പിലും മറ്റു മൂന്നുപേര് 4x400 മീറ്റര് റിലേയിലുമാണ് പങ്കെടുക്കുക. 2003ലെ പാരിസ് ലോക ചാമ്പ്യന്ഷിപ് ലോങ്ജമ്പില് കേരളത്തിന്െറ അഞ്ജു ബോബി ജോര്ജ് സ്വന്തമാക്കിയ വെങ്കലമാണ് ഇന്ത്യയുടെ ഏക മെഡല് നേട്ടം എന്ന അഭിമാനംകൂടി മലയാളത്തിനുണ്ട്. ലക്ഷ്യം മികച്ച പ്രകടനം -ഇര്ഫാന്  |
മലപ്പുറം: വലിയ വാഗ്ദാനങ്ങള് നല്കുന്നില്ളെങ്കിലും ലോക ചാമ്പ്യന്ഷിപ് 20 കിലോമീറ്റര് നടത്തത്തില് മികച്ച പ്രകടനമാണ് ലക്ഷ്യമെന്ന് കെ.ടി. ഇര്ഫാന് ടെലിഫോണില് ‘മാധ്യമ’ത്തോട് പറഞ്ഞു. മാസങ്ങളായി ബംഗളൂരുവില് കഠിന പരിശീലനത്തിലാണ്. ഇതുമൂലം ദേശീയ സീനിയര് മീറ്റ് പോലും വേണ്ടെന്നുവെച്ചു. കഴിഞ്ഞ കുറച്ചു ദിവസങ്ങളില് പനി മൂലം വിശ്രമത്തിലായിരുന്നു. പൂര്ണ ആരോഗ്യത്തിലേക്ക് തിരിച്ചത്തെിക്കൊണ്ടിരിക്കുകയാണെന്ന് അദ്ദേഹം അറിയിച്ചു.| You are subscribed to email updates from To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
No comments:
Post a Comment